今日公司傳出一個消息，我老闆個子要結婚喇﹗原因係因為有左小朋友，必須盡早行事，所以就定左響 12月舉行。原本是一件喜事，但我看到既，令我既反應係﹕有冇攪錯？﹗

<1>我老闆定左一個價格定位，定左每個人既人情，而 且以通告各分店員工，去既至少要比$600，經理以上$1000 up。唔去既，小道消息話會記名喎﹗仲要先收人情﹗(？)

<2>我老闆同個仔講，如果他自己朋友會去必定先收人情 (佢個仔得 20歲，D朋友大極有限，經濟又點好得去邊，仲有要先收人情，比你會唔會問得出？)

<3>我老闆不願付禮金給女家~~(﹗﹗)話淨係送條鑕石鏈說夠，一定冇現金過手﹗

<4>向女家說如果佢地要求所要的酒席未足夠人出席，要自行付款 (﹗)

我唔知道是我思想有問題，定係我太舊式老土，但我就真係唔可以接受。實在太可怕，唔知有冇攪錯﹗一場喜事，一場婚姻，好似做生意一樣。永遠都是錢錢錢。連自己個仔既感受一點都不顧。好得人驚？我知道做母親並不是一定指定要為兒女赴湯蹈火，但只少都唔係咁樣呀﹗救命~~ 如果我係佢個仔，一定會走鬼左去。比佢呀媽咁樣攪一攪，仲有面見人？仲抬得起頭？最衰個衰仔讀書唔成，要依賴屋企。

雖然我屋企唔係有錢，呀爸呀媽唔係親生，又未有人要，做野又成日比人鬧，但我已經覺得自己好幸福。至少屋企唔會買我比人，呀爸呀媽好錫我，冇男朋友仲有朋友仔，返工辛苦至少自給自足有工做。要做公仔？咪攪我﹗﹗

祝好

EMILY