夜送你一則已經打了很久的小心情，只是一直懶，沒有打來送給你。

已經入夜，正常既我應該係安安樂樂咁響度嘆緊電腦(睇下碟、聽下歌、CHECK 下 E-MAIL咁)，但唔知點解突然好想寫下朋友，所以就咋咋淋熄鬼左隻VCD，然後開工囉。

但諗諗下又唔知點做個開頭，唔通真係要我打D溪水清溪水明，溪水難洗友誼情咁行？

睇番轉頭，我地依班朋友，大大話話已經識左14個年頭，老鬼一班。我係由89年民運識得鐘佩君，果年我中一，正係人生一個新開始，充滿希望﹗而我亦記得佢響果年為我帶來中學生涯第一個點缺(上學期都未過呀﹗大佬)，大恩大得真係沒此難忘﹗另外一位係老倩兒，基於往後的恩恩怨怨，我對佢既記憶已自行修減到只記得一首詩﹕老鼠個老豆叫老青。就係咁多﹗之後中一，我識左尹潔雯，對依個人既之前印象，係中一成日見佢排隊同阿陳思思阿曾麗麗紮鞭，點解會睇到？因為佢地幾個一定係企成隊人最前囉﹗對依個女仔最深既印象係冬菇頭事件，至到依家都仲記得佢響屋企地下喊既情景。真係聞者傷心，聽者流淚﹗仲記得有次，果時同佢識左都唔係咁耐，又唔知做咩鬼去左佢屋企，又唔記得點解好似好熟咁走去雪櫃拎啤酒飲，真係唔知攪咩？但依家諗番轉頭，果日就可能係我同啤酒結下不解姻緣既一日喇﹗一樣係中二果年，同班既仲有一位張愛琴，依位高跟鞋小姐，當時都真係吸引幾多人目光，你知啦，中學時期，高跟鞋攣頭髮，係阿媽家姐身上先見到咋，竟然可以比我響一個校園大開眼界，都米話唔係神跡，真係要感謝主﹗仲有不得不提佢一對會講野既眼睛，反白既工能真係驚天地泣鬼神﹗最後既就係老大李佩玲，雖然佢唔係年紀最大一個，但佢從小已經好"老大"。佢可以為左朋友仔衰煙，可以好似拍戲咁踼門入教員室頂罪。可以當眾將個排球打落MISS塊面度，仲可以當無事(奇就奇在佢依家仲可以同個MISS好FRIEND果度低死)。依個女子仲可以當面呼渴阿SIR，貼衛生巾響阿SIR嫁車個車牌度......等等等，數之不盡。但當年反叛既小妹，依家已經老成持重，收哂火咁滯。但有時又會失驚無神奀皮一下，所以我懷疑佢體內既反叛基因其實仲未完全消除，真係要小心小心﹗﹗諗下諗下，原來佢係唯一個從未同我同班既朋友喎。

咁多年黎，經過左好多跌穿頭都唔可以忘記既野。有食霸王餐、"拿"錢買煙、癲婆追斬人事件、六座靈幻大廈、借奶事件、定時定候比人叫去教員室，總之見到門口是但一個行過，都知要執定包袱喇。到左之後長大，大家各自有各自既生活、經歷，直到依家，如果要我做個結尾，我諗，我會講一句﹕萬里長城長又長，我地友誼比它長囉﹗(嘻嘻~~~有時行D有行D既好，你估個個行得起嫁)

祝好

EMILY