妹妹

女仔，99年3月1日o黎到我屋企，當時兩個月大。佢係一隻混色長毛貓，係大佬同阿媽係旺角某寵物店買佢返o黎，聽講佢仲有一個細妹。佢係一隻好狠     o既貓，玩起上o黎可以好顛、出手大大力。一年後，佢失蹤，數個月後，俾細佬見到佢係樓下o個家人屋企。佢俾個家人o既公搞大個肚，生o左四件，咁我o地就接返佢同另外兩隻BB返o黎。

大B

男仔，00年7月31日出世，接佢返o 黎o個時兩個月大。佢係一隻混色短毛貓，佢唔鐘意出聲，就算肚餓、俾人踩到都唔會"喵"半句，俾人抱就會好驚，手指、腳指都伸哂出o黎。係一隻好怪o既貓

細B

男仔，00年7月31日出世，接佢返o 黎o個時兩個月大。佢係一隻啡色短毛貓，佢好鐘意食、食、食...... 除貓食o既o野，人食o既佢都無任歡迎，一聞到食物香味，就會出現係周圍用好可憐o既眼神望住你，又喵喵聲叫你俾佢食。所以佢好肥、肥、肥...... 仲有，佢好鐘意向佢阿媽撒嬌。