| Entrance | Profile | Relax.. | Link |
| Story | Diary | Games | Wallpaper |
| 2/8 |
| 今日去左睇"超力仔"ar,, 雖然冇第一集咁好睇, 但係入面隻貓真係依然咁抵死咁搞笑~~~~ 最深刻就係佢話佢主人連"朱古力同屎都分唔開, 點會識講大話", 精句 |
| 3/8 (一號風球) |
| 終於都忍唔住去左買眼鏡la, 原來荃灣真係好多眼鏡鋪同埋好抵ga!!!果間鋪個哥哥仲好好人添ar, 又有禮貌wor, 如果佢d鏡好戴的話, 我o念下次會試下去佢到買con, 可能又好平~~ 不過我聽到check 出黎個度數真係嚇親我, 咁快又深左, 好驚ar....點算ar? |
| 4/8 |
|
打開信箱見到ive part-time course 封信,
唔係咁開心...雖然佢收我讀我最想讀o既BA h-dip,
但係我係想讀full-time 而唔係part-time lor,
佢仲要一次過交晒一年o既學費wor, 都唔知點算好喇!
好似兩頭唔到岸咁, 日校唔知收唔收我, 我自己都知日收o既機會係好微,
但係要我放棄唔試下睇下佢收唔收我, 我又唔咁心wor... 如果讀part time 我驚會冇心機, 一要我選擇o既時候就覺得煩la~~~ |
| 9/8 |
|
搞左幾日終於都到手喇d 演唱會飛~~~ 原來而家速遞係咁麻煩ga....我記得以前如果佢上門冇人收, 佢會放底張卡叫你去邊一間郵局到領取, 而家就要收到張卡之後要打電話去confirm 返再揀地點, 然後等兩日先有得攞.... 煩就煩在個速遞員抄錯個郵件編號麻.....搞到我同阿郵局先生一頭霧水...hahaa, 最後郵局先生搵左一大輪先發現原來件野已經send 左過黎我想要果間郵局, 佢真係慘 我就好開心la, 收到飛下星期就有得睇la, 而且今日仲去埋拎眼鏡tim, 都幾滿意副眼鏡, 不過個框邊d 色就確實唔多睇到bor, 行到半路都係想返去叫佢幫我加返d 色, 但係個哥哥仔話要等一個鐘先有得拎, 因為如果加色要搵d 高溫焗佢, 佢叫我搵一日經過食飯先放低俾佢整..........聽完真係好無奈好想笑, 平時好日都唔去荃灣, 又點會食開飯黎拎俾佢整wor?? 算la, 都已經好抵ga la, 下次去配con 個時先再叫佢加色la....個到配con 都幾平, $288就有高水份con |
| 10/8 |
|
哈哈...d
傷風箘都唔知點解長年累月都咁鐘意跟住我ga,
又傷風真係辛苦呀, 可能係前幾日返工個時落大雨,
個日真係傻仔呀, 著左條牛仔褲同布o既波鞋返工tim,
搞到濕左半條褲, 最慘就係對襪同鞋係"全濕"先死,
又冇帶多對襪, 公司又冇拖鞋wor, 冇理由脫左對鞋ga,
一陣俾d 同事見到就核突死la, 於事走去開大個泠氣, o念住可以快d
吹乾佢麻........算la, 我都係同傷風菌有緣ga la~~~
今日好開心係阿"高級醫生"見我, 而唔係果個"傻呼呼醫生", o念住終於都完la, 但係都係失望......不過我覺得自己已經俾好多人幸運, 起碼有個期限......呢個係一個朋友提醒我ga, 所以唔會覺得太辛苦^^.....希望佢可以快d 好返la, 幫唔到佢我都好無奈, 遺冇做一個好o既聆聽者 |
| 11/8 |
|
今日的起心肝要搞一搞個hp,
因為日記果板實在太長la, 拉上拉落好麻煩呀~~ icccc....整親都要waste 好多時間, 整整下冇心機, 又唔係好記得d function 點整wor, 於事就連機都熄埋唔想整..hahaa 不過之後我都係唔甘心, 終於都搞掂左la, 雖然係簡陋左d, 唉....用住先la, 大家遷就一下....等我有心機果時再加多d 野^^ 留言板o既底色始終都係改唔到, 都唔知點解...... |
| 13/8 (又變返好熱好熱喇~) |
|
終於又見返好熱好熱o既太陽喇......不過我比較喜歡陰天or
微風+ 毛毛雨, 好舒服好正~~~ 最近成日都幫公司去銀行入cheque, 我幾鐘意呢樣工作, 可以行下街個人都醒神d 舒服d, 仲有可以好free tim.....尤其係食完lunch 之後, 可以落去行下散下步, 感覺上可以冇咁肥當做下運動, 不過最好笑就係因為銀行好凍, 去親我都會著埋件褸去ga, 係沿途都覺得自己好怪ar, 咁熱都著住件褸, 真係嚇死人.....鬼叫我條懶根又發作咩:D 呢排好多人都問我去向如何, 大家唔使擔心la, 我諗我而家已經清晰好多, 九月就會有結果ga la, 遲d 再話俾你地知la, thx!! 阿head 同我講話d 野可能都冇咁快做得晒, 問我遲d 如果遲d 真係讀full time , 願唔願意係公司繼續做part time? hehee.....有o既話我當然想la, 我知時間唔係長, 做得一日得一日喇, 真係好鐘意呢間公司呀..今日lunch 先至發現d 父母真係咁擔心d 仔囡ga, 成日驚佢地入唔到中六, 大學....我個同事個仔入左u, 開心到佢ar, 上星期先請我地食tea, 今日又請我地去飲茶.....可想而知佢有幾開心幾興奮~~ 不過見到都"登"佢開心o既...雖然唔係自己 |
| 15/8 |
|
今日好突然咁走左去打羽毛波,
都幾開心, 好有祈望打完之後會出一身汗,
因為真係好耐冇打過喇, 兼且冇咩大運動過, 總係覺得d
毛孔已經閉塞晒~~ 打開就好想繼續打, 好似上"引"咁呀,
遲d 如果得閒再黎多次先得!
今日返工果時見返個夜校同學, haha...佢好得意呀, 差d 認唔出佢, 我又唔敢叫佢, 因為驚認錯人, 好瘀ga ma~~ 之後見佢又望返住我, 大家先至相認..好得意呀種感覺..係呀, 我都未講返認唔出佢o既原因..係因為佢好似細路囡左....個樣....我諗自此之後都會成日見到佢, 原來佢係我返工o既必經之路到等車ga |
| 16/8 |
| 經我家姐口講, 好似有個親戚去世, 我地都好好奇, 走去問阿媽係邊個, 佢又唔講喎, 吞吞吐吐咁(又係保守思想作怪)..後黎阿媽都講左比我地聽, 原來係舅父過左身, 聽完之後我地一陣默言...跟住我地知阿媽好唔開心, 所以同家姐一齊cook dinner, 係㕑房到我地大家都有同一個感覺同結論....點解我地一d 傷心或者惋惜都冇?? 係咪冷血ga? 雖然聽落係好親, 但係實際上我地聽得太多關於舅父o既不是...不過而家人都唔係到la, 我o念都冇咩話邊個岩邊個唔岩, 而家最擔心就係如果俾阿婆知道就大件事.....佢實接受唔到.. |
| 17/8 |
|
千嬅個演唱會真係好正~~ 雖然今次都坐得唔前, 但係佢唱歌真係好好聽呀, 加上首首歌都好聽, 尤其係佢轉左公司之後果d 歌, d 氣氛都幾好, 不過d買貴ticket 個d 人都唔知點搞ga, 我地坐山上面個d 就話怕起身跌死o者, 佢地咁多位可以起身跳又唔跳wor, 難為我地...唉, 搞到d 氣氛唔係好high...eeee...早知買多場睇la 好在唔係睇第一場, 唔係就慘la, 九點幾先開場, 俾著我都叫回"水"la, 千fa一路唱一路問值唔值得睇, 話最驚d人係到叫回水 下年佢再開我實會繼續支持佢ga~~ |
| 19/8 |
|
難以形容今日o既心情,
四十個位都有我一份, 唔係,
應該話四十個位都有我地幾個份,
冇諗過自己原來咁恨返學ga, 我諗咁大個囡都係第一次~~~ 其實知道自己咁開心o既原因係咩, 多多少少係因為大家又可以繼續做同學仔, 同埋可以俾自己玩多兩年, 咁當然仲可以學到其他野and 拎埋佢張h-dip la!! hhaaa...我又係全日制學生喇~~ 今日一路入data 一路o念, 今次係呢間公司做summer job, 應該會係最開心, 最可以做返自己o既地方, 將來再拎返黎比較, 一定唔會覺得而家係返工, 個個fd 都講到佢地返個份工好悶好辛苦, 但係我返而係好鐘意好想返, 真係好似教會家庭咁ga, 咩都講得唔會有是非, 又有個大細路成日講笑, 仲成日有tea time, 話時話, 成日食我都唔係好知邊個請...都有d 唔好意思, 不過唔緊要la, 我對佢地黎講簡直係一個靚妹仔, always call me "妹仔", 已經習慣晒, 成日都話我o既年紀做得佢地個囡, 咁其實仲好, 我可以做返我自己, 唔使扮晒大個, 佢地都知我傻傻下ga la....多多包涵 |
| 21/8 (~大日子~) |
|
今日我為左有得讀full time h-dip o既註冊,
所以同阿head 請左日假, 因為我真係好開心好想出去慶祝下,
但係我係ive 足足逗留左二, 三個鐘, 實在太冇效率la
呢間學校, 之後我口多多加埋八卦o既性格, 走去問個staff
呢個course 有幾多人讀, 我聽完之後以為聽錯添,
佢竟然話我聽有大拿拿一百二十個位, 佢有冇搞錯呀???
本來話只係得四十個位之麻, 而家竟然多成兩倍,
即刻覺得個course 好cheap 呀, 跟本咩人報都可能入到...唉...加上行返學個段路都幾辛苦,
搞到我都有d 開始唔想讀...不過我知自己做緊咩ga,
俾我揀日或夜校, 我當然會揀日校la, 到我走個時, 我同阿may
講我地要開始對呢間學校培養感情先得, hahaa...由今日開始~~~ 淨返唔夠一個月就開學la, 好似返左好耐工咁, 冇咩返學o既心情...唉....又開始驚考試o既來臨~~ 個段日子真係好難過....但係我之前同自己講過, 如果佢真係有書比我讀的話, 我會努力過上年ga, 加油!! 今日走左去銅鑼灣唱k, 等女皇等幾左成個鐘....佢個頭都染得幾靚呀, 只係d highlight 太密o者...我都仲o念緊染咩色好~~~ 今個week 一定要去cut hair, d 陰好唔"順眼"呀, 唉...我個髮形都係改唔到ga la....算把la 我從來未試過買鞋買到咁有賓至如歸o既感覺ga,
真係畢生難忘.....話說我去旺角想買波鞋, 最初去左i.t.到睇,
o念住睇岩o既話用i.d card 會有九折,
於是我再去波鞋鞋行左轉之後都係返左i.t. 買bor,
個時只係十點幾之麻, 我算左幾個size 先試得岩, 個sale
哥哥都唔知係咪新仔黎ga, 佢問我著幾號鞋, 我同佢話七號la
(平時買鞋都係咁講),
佢搵左一陣走出黎同我講對鞋最多得五號半,
但係佢五號半可以俾我插得入一, 兩隻手指, 你話佢係咪傻ga
, d 鞋有分咩英國呀, 美國size ga ma,
我話七號佢就真係入去搵七號喎... P.S. 我以後唔要d 咁o既待遇呀><,
我受唔起麻, 呢d 都係岩女皇多d |
| 24/8 |
|
今日去左打針, 原來乙型針都幾貴ga,
個護士仲話我要見醫生, 見一見個醫生又要俾多六十蚊,
你話個醫生有特別野講就話比錢比得值o者,
我入到去聽阿醫生講埋同護士同一番話,
跟住就叫我出去等打針, 真係冇d 俾人扼錢o既感覺~~~
之後去左一間以前未去過o既salon
到染同cut hair, 今次打算染d 同hair 差唔多色o既colour(弗事俾阿媽發現..hehe),
點知染出黎又真係睇唔到咁滯.....加埋我同師傅講想留長d...唉....個頭同入黎個時好似冇分別咁....失敗~~~~~ 上年由於遲到o既關係,
所以去到紅館門口都入唔到去聽ACM 個音樂 |
| 26/8 |
|
由尋日朝早開始已經一直流鼻水,
於是好乖咁返完教會就返屋企訓覺, 訓足成個下晝,
諗住冇事喇掛....(因為平時都係用呢個方法--->食藥訓覺),
但係返工途中就已經"奶野".....最初我諗住可能地鐵太多人,
搞到有d 透唔到氣o既感覺, 等..等...終於到左返工果個站,
我即刻急步走出車廂, 去到月台開始有d天旋地轉,
又耳鳴眼開始矇, 心口好似有驚壓住 (唔係俾鬼壓呀><).....越黎越驚,
好在岩岩俾我見到月台到有個位,
我記得好耐之前都試過一次好似而家咁樣...坐一陣就冇事ga
la 今日仲要遲左出門口, 咁坐法實遲d , 返唔返工好?? haha...我咁乖緊係有返工la, 坐左十五分鐘, 出左一身冷汗, 精神晒, 應該冇事, 於是我都挨過左呢一日^^ |
| 27/8 |
|
尋日講到流鼻水,
今日繼續俾佢佔上峰~~~ (失敗) 依然係食藥..食藥..and 食藥.....仲頭痛埋添....到lunch o既時候, 你估我做咩.......----> 都係返左屋企訓覺, 因為真係頂唔順la, 呢隻正一毒菌黎ga~ 我話我食果隻藥冇咩用, 阿head 問我敢唔敢試新野, 唉...好得番試下都無仿, 原來係d 沖劑, 叫hot lemon, 飲落都幾好味, haha...應該話都幾正, 好似lemon juice 咁, 飲完足足訓左三個鐘, 我諗今次好得返la, 掛 我直覺係發緊低燒, 因為前幾日打左乙型針, 個護士話可能會發燒, 我咪同我同事Anna 講, 佢話打第一針個身體o既抵抗力會差左ga, 呢個可以解釋點解我會無端端咁病, 有腦!! 佢仲話我都算叻, 係呢到返咁耐工先病....haha....查實我只係返左兩個幾月就請左兩次病假, 平均一個月倒就病一次, 叻唔叻呢?? 今日係我第二次帶飯返公司開餐, 但係lunch 就返左屋企, 所以我俾左同事食, 因為我聽佢地好似帶唔夠飯, 而我自己又想食湯粉, 我帶左阿媽o既拿手野, 咖喱雞同炒芋頭飯, 佢地應該會鐘意食^^ 今朝聽到個好搞笑o既笑話, 有位平時面色蒼白o既同事去左body check, 醫生話佢血色素得五點幾, 但係正常人應該要有十一以上.....個醫生問佢一個問題"你d 血色素只係得平常人o既一半, 你點生存倒ga??".....意思係話你仲未死都算係奇蹟...hahaaa, 我諗佢要食多d 補血藥材先得喇 |
| 29/8 |
|
今日又打敗仗, 結果......留守家中.......
聽返個牧師同事講原來血色素得八,九的話已經會暈ga
la, 阿血色素五點八同事係咪真係要列入健力士紀錄呢??
定係佢真係...鬼~~ |