| Entrance | Profile | Relax.. | Link |
| Story | Diary | Games | Wallpaper |
| 29/10 |
|
今日發現香港o既阿婆真係持老買老....好似阿婆大晒咁wor,
今日又遇到個阿婆, 佢拉住箱野, 見到我地迎面而來,
仲未撞到佢就已經大叫"喂!!"真係俾佢嚇一嚇...使唔使咁惡呀....個個香港人都好似你咁o既話呢個世界就冇溫暖ga
la~ 以前通常係我地見到d 阿婆, 覺得佢地好可憐, 好想幫佢地, 但係而家個d真係....唉...唔抵得佢地咁串... 放學o既時候ringo
係前面突然大叫, 佢走開之後我見前面地下有一團野...初初以為係死老鼠....望真d竟然係個bra,
難怪佢走得咁快, 因為佢怕個bra
如果跌落黎跌正係佢頭頂咁點算?!傻傻地...觀塘真係咩都有,
以前係九龍塘呢d 地方邊有呢d野出現係條街ga.. 貪玩o既護士, 今日真係好感動呀,
thx~ |
| 28/10 |
|
係email 睇到好多燒野食新口味,
今日終於try 左呢個"煨香蕉朱古力"喇~ 不過經班冇taste o既男生踐踏一輪之後, 真係咩胃口都冇晒...雖然個樣佢核突d, 但係味道都ok 呀, 大家不妨試試.. 今日燒到中途o既時候(短途馬已經收手,
長途馬仲跑緊...), 有個阿婆走埋黎問我地d 野食仲要唔要,
我地諗左陣就叫佢不如轉頭先黎la, 因為d人未食完麻...佢竟然話"我等住而家拎返屋企煮wor!" 相信我o既IQ 真係好低, 點解一條咁淺o既題目我都諗左成兩個鐘都解唔到ga?? 仲要係小悔開估我先唔使咁慘俾人玩..救下我la |
| 26/10 |
|
情緒抑壓得多, 爆發o既時候自己都想像吾到係點(好難控制)...我諗要提升下我o既EQ指數,
對屋企人同對朋友o既態度始終係有差別, 點解?
搵唔到一個肯定答案, 可能自己唔係好識表達, 唔識表達
--->沉默...逃避, 所以往往每隔一段時間,
問題又會再出現...煩~
住左幾年黃大仙區,
尋晚先知道原來有檔糖水舖係地鐵站附近~ |
| 25/10 |
|
尋日發左個夢....唔知點解明明好地地,
阿媽無端端飲毒野自殺, 跟住家姐又跟住做....我係一邊望住佢咁做,
好可憐咁聽佢講遺言, 好孤單o既感覺.....
越懷舊o既野就越好食,
今日又食到白糖糕同芝蔴卷la, 為食魔鬼一定係上左我身~ 而家經濟真係差成咁, 三蚊碟點心都做, d酒樓究竟點挨嫁...? 真係平過自己整 |
|
Nooby實在係一位"可愛"的同學~~ 上兩年都玩得勁ga la, 今年竟然又遇著一個咁o既同學, 難道我係ive o既存在價值就係 --->注定俾人蝦....唉....好在今日有褸頂住!! 如果唔係就尷喇, 邊有人玩完人之後重問咁多問題ga?! 露比!! 我實會"錫"晒你ga ><. |
| 24/10 |
|
最近忽然見返久遺了的食品.....糖䓤餅,
芝蔴卷, 原本係懷舊食品黎ga ma, 唔知點解四處都有得買,
開始食到有點膩添....
搭巴士咁得閒可以做d 咩?
大家可以望下天上o既雲, 真係好靚~~ |
| 22/10 |
|
傳說中o既pizza hut buffet真係幾抵....一杯飲品+一個湯+一個飯/意粉(係二個人先有一個意粉)+無限pizza
(只係有四種choice) 今日買左7:20pm o既飛睇戲, 到6:45pm 仲係荷里活廣場入面"打滾"一會, 最後決定左食pizza, 因為門口個waitress 誤導左我!!! 過份呀, 本來一人只係花五十幾蚊都己經飽死, 由於佢陳述錯唔令我地叫多左一個令我地遲入場睇唔到片頭兼加多四十蚊o既"肉醬意粉" <---你話好味d都話呀, 冇黎特別.... 埋單個時我同返個waitress 講話明明頭先你唔係咁講ga....佢竟然唔出聲當聽唔到, 真係過份~~ (今時今日咁o既服務態度點得ga) <---名句, 好句!!! 魂魄唔齊入面阿eason d 神情真係好正好生鬼and入戲, 都係笑笑笑片一套 |
| 21/10 |
|
觀塘ive有咩好?? 終於俾我搵到個好處la, 就係d 小販野食幾好味....阿婆檔串燒果然正呀~ 妙在佢d"珠江牌"沙爹醬...實在太美味, 一定要介紹阿媽用先得...hahaa 若果到佢咁o既年紀, 有檔咁o既野都唔錯, 係自己樓下擺檔, 黃金時間就落黎賺下錢, 又有人讚佢d 野正....唉, 我o既老闆夢能否實現呢?! (當然係要有鋪仔個隻la) |
| 20/10 |
|
三分鐘熱度本性又發作la..... 最近好想好想搵一間適合自己, 屬於自己o既教會, 跟過朋友返幾間, 不過都好似唔係好岩咁...朝早的起心肝返阿基之前帶我返個間, 雖然都有少少驚陌生, 但係諗下其實樣樣野都有第一次ga la, 感恩... |
| 19/10 |
|
今日同阿媽去左飲下午茶,
一去到酒樓就俾我見到我好鐘意食o既鳳爪排骨飯,
叫完返黎俾阿媽話有冇搞錯, 叫左飯仲邊食得落其他野呀??
......唉, 人地想食就叫ga la, 邊會諗咁多喎....最後幾乎係我一個食晒d
飯ga, 下次叫o既時候我一定會諗清楚...哈哈,
如果唔係又飽死... 之後阿媽唔就搞咩話想睇戲喎!! (諗返上次同阿媽一齊睇戲已經係十幾年前o既事lu) 好在套"河東獅"我諗都岩佢睇o者, 講返呢套戲真係比想像中好少少, 仲出乎意料地有感人位添... 今日去左個佈道會, 都幾好睇仲好笑添呀, 我諗去過咁多次今次都算係冇咁formal o既一次, 比較輕鬆易過, 可能係因為呢個教會比較現代化....完左去左間酒樓到打邊爐, 入面d 丸好正呀好彈牙 (特別係墨魚丸) |
| 18/10 |
|
今日返左以前間ive 拎cert, 九塘塘o既環境真係唔同d,
好舒服呀~~ 間學校大幾多, 以前放學o既時候可以望下有冇靚車or名人經過, 又可以去又一城行下食下野, 正!! |
| 17/10 |
|
從來未試過打針打得咁痛...手都痺埋
>< (懷疑個護士到底識唔識得幫人打針) |
| 15/10 |
|
諗下諗下原來我真係好似冇睇過鬼片,
原因係o既然睇戲係娛樂, 而又可以自己選擇,
點解唔去睇笑片開心下, 而去睇鬼片返屋企驚餐懵? ---->講咁耐其實咪都係自己冇膽睇...hahaa....為左測試下自己可唔可以接受鬼片,
今日決定去睇"鬼債", 呢套野o既評語係...核突多過恐佈law,
有d位都幾搞笑, 同埋要諗好多野,
如果唔係出到黎都可能打晒問號....
其實真係幾羡慕有咁多表哥表姐...^^ |
| 12/10 |
|
每次買衫褲都係好難,一係就睇唔岩,一係就冇我size,
通常都係後者居多...真係幾鐘意issze d 褲,
但係點解成日都要等check第二間鋪有冇,
走黎走去買返黎又可能唔多like (因為個size o既問題)...減肥....是時候了~~
今日又有個尷尬位, 真係天作弄"我"...我睇岩左條褲,問sales
哥哥有冇我個size , 佢話呢到冇,要check 下其他鋪, 趁佢去check
o既時候,我努力咁搵下有冇, 哈哈...竟然俾我搵到,開心死...哥哥仔返黎話"小姐,唔好意思,其他鋪都冇晒la"
我笑住咁應佢"haaha,唔緊要,我岩岩搵到條"
哥哥仔望一望條褲之後話: 小姐呢條個label 釘錯左呀,
都係細碼黎ga... |
| 10/10 |
|
估唔到"原子筆書法"有咁多人報,咁就足以證明原來香港仲有好多人覺得自己寫d字唔多靚
+唔見得人=醜~~ 但係會唔會過份左少少呢??幾日就已經full晒,點算好呀...仲諗住可以改良一下我o既字體添,
而家又要等...等到幾時呀??
好開心呀,終於知道N個月前考o既pitman試o既成績la!! |
| 8/10 |
|
麥記成日唔聲唔聲咁加價改價wor,
對我地呢d小市民係咪唔多公平?? 我都係有感而發....本來今朝打算買個三蚊漢堡飽當早餐,
入到去佢話要五個二.....諗左一陣, 我寧願用十四蚊買佢個"紅藍綠"早餐好過,
話晒都有三樣野食麻~~~
最近發現原來世界真係好細, 週圍o既人都有可能係識ga, 只係欠缺有冇去講出黎...故我依然...打打下唔記得左自己想打咩添...^_^" |
| 2/10 |
|
都有成個幾星期冇返公司lu,
除左上去出糧之外,
第二個主要目的都係想見下同事傾下計,
好得意呀果種感覺...走左之後唔再係同事, 我o既一舉一動都好似放膽左,
有咁拘謹, 可以當佢地朋友咁玩咁傾計, 呢種感覺好舒服..哈哈...上到去見到有d
咩改變都會覺得好好奇, 問題多多~~ 仲有個大發現就係以前我坐開個位冇左lu, 地方都闊落d....好在今日老闆唔係到, 我地又可以好free 咁食下午茶...好開心呀, 可惜o既係買唔到榴槤...講左咁耐都未同過佢地一齊食, 只好再等下次la..林生真係好搞笑, 每隔一段時間佢就會話佢欠我飯錢, 話要俾返我..但係係我印象中應該已經還左la, 佢真係搞笑....其實同事依然會話:難得林生記得還錢, 你就收左佢la, 唔好理la", 只好照做.. 今日去左esprit cut hair, 個師傅真係好有心機cut ar, 好滿意今次個look, 起碼到出街我都唔會覺得"leung"...佢仲教我點樣打理我個頭添...其實以學生價去cut 真係抵ga, 當去食埋lunch $100 都差不多~~ |