| Entrance | Profile | Relax.. | Link |
| Story | Diary | Games | Wallpaper |
| 1/9 |
| 雙子人, 好鍾意心血來潮想做o既野就即刻去做, 今日亦唔例外......同朋友仔去左黃金海岸, 不過真係好熱好辛苦呀, 件tee 都濕晒咁滯, 第一次行果到個"藝墟", 幾得意幾熱鬧, 可能係因為對面有個新樓盤, 所以好多人, 好耐未試過拾貝殼, 今日再一嘗呢種滋味, 為左影埋個幾月之前d 飛林, 今日仲帶左相機黎添, 係沙灘訓覺吹海風+現場廣播(阿yee 好有potential)=正到痺~~~ |
| 2/9 |
| 而家雖然經濟通縮,
但係d 娛樂場所唔係應該俾多d 優惠, 吸引多d 顧客ga 咩???
(發洩情緒)
今日再一次發現自己弱點之一(話明弱點,
梗係唔話俾你知la, 如果唔係咪越黎越多人蝦我?!) |
| 4/9 |
| 似乎我已經成日同事們心目中o既乖乖囡喇..呵呵
<--- 仲要係有仔囡o既同事添呀!! 話說我平時係公司都幾文靜, 因為佢地都係長輩, 有咩同事同我咁上下年紀, 可以同我癲, 而且佢地講d 話題都有番咁上下深度, 精明o既我梗係以"聽"為妙la, 一陣講錯野又唔知頭唔知路搭錯線咪好核突.....自始之後我就好文靜, 女同事話我好乖唔多出聲但係又其實知佢地講咩, 仲講笑話我個仔細你兩年你要唔要呀, 落定訂先喎...真係搞笑 之後到食lunch 個時又sale我俾男同事(佢又有個仔細我一歲), 到下晝o既時候, 女同事係街遇返個學生, 學生係cu畢業係公司附近返工, 我阿head 就笑住叫女同事不如介紹個男仔俾我識, 我都唔知俾咩反應佢好....唉...... 今日好開心呀, 聽到個fd 入到ive, 仲同我同一間同一個course 添~~~ 以後我地又可以一齊返學lu...^^ |
| 6/9 |
| 開學o既時候應該係新o既開始,
但係最近有幾個朋友仔都唔係咁開心, 希望大家可以快d
好番快d 冇事, 有咩唔開心就一口氣講晒出黎,
總會有得解決, 不過當然唔會即時見效la,
相信時間可以改變好多野, 各位加油~~
今日瑞士人牧師係hoilday inn 個到買左個cake 返黎, 好好味呀^^......打開已經聞到好濃好香o既士多啤梨味, 好濃好香仲好新鮮添呀, 再加埋我地會計部特色 (會計部同事好鐘意叫"朱古力走糖少冰多粉"), 正!!! 我o念又會增肥la...唉 <----由於牧師聽日生日, 我地尋日講左佢去飲茶, 所以佢今日就請返我地食tea, 仲買生日蛋糕同自己慶祝添呀...hahaa, 好可愛ar 我今日o念住自己好叻可以幫手叫外賣,
點知叫叫下.....人地問地址係邊呀?? 我呆左一呆,
跟住發現我原來唔多知道自己係邊到做野ga, haaha...有d
尷添, 我四圍望但係唔見有同事係左右喎, 只好....大叫"呢到係邊到呀???",
笑死我d 同事, 佢地就講話"真係俾你激死..哈哈" |
| 8/9 |
| 今日俾我發現家姐個仔又多一樣可愛表情喇....就係嘟嘴...哈哈,
唔知點解佢最近d 表情同說話都好似個"女孩子"咁,
我阿哥問佢"你係男仔定女仔呀??",
佢竟然好鬼馬咁話"女仔, ....女孩子..."
真係俾佢激死~
尖沙咀d 戲院真係好細間, 間間都上得一,兩套戲, 冇我想睇個兩套, 結果陪左朋友睇"滅絕反擊", 唔知係咩戲黎ga, 不過好在睇完出黎大家都覺得ok, 起碼唔悶麻^^, 下一個目標係睇"一碌庶"....(對笑片特別喜愛) 我同朋友講遲d 有流星睇, 佢話有咩好睇喎, 咪好似人地工人燒悍d 火花咁..................真係俾佢激死, 唔知讚佢比喻得好定係話佢大剎風境.. |
| 9/9 |
| d
同事可能覺得我好好玩, 而家開口埋口都話我唔要佢個仔,
不如介紹邊個個仔俾我....哈哈, 一講呢d
我就唔知點應佢地好la
今日心情麻麻地, 不過呢種感覺時不時就會出現, 唔係咁好受...唉 |
| 10/9 |
| 好滿足呀~~~ 聽咁耐neway k buffet, 終於可以一試...(有左咁耐都未去試過), 實在係幾多野食, 淨係食唔唱都抵呀, 講真今日真係唔知有冇唱到十首歌....今日出黎其實係同幾個朋友仔慶祝生日, 大家好似十年冇見咁係咁講係咁講, 聲都沙埋, 因為實在太嘈la --->係咁播背景音樂....不過真係好開心, 我o念下次真係要book 間房淨係for 傾計...哈哈 |
| 11/9 (八號風球) |
| hahhaa....今日真係感恩節呀,
朝早起身見到咁快就掛左三號風, 心o念有機會打得成la
今次~~ 之後就同神講我唔貪心ga, 只要下晝打得成就好lu, 最多我星期四, 五努力d 做野la....thx^^ 終於有機會訓耐d la.... 男同事部收音機又發揮效用la, 好在佢成日返工係到聽收音機, 所以我地十一點幾已經收到風會打八號, 由於公司大部份人都係已婚, 所以今日又好可愛地....個office 於晒d 菜心呀, 牛肉呀, 薑等等...大家已準備就緒, 聽到打風就即刻落去公司樓下到買定食送, 等老闆講聲"可以走la" , 大家就返屋企煮飯 我o念我好快就完成公司o既任務lu,
好快就要走.....冇得玩添... 今日係九一一, 唔知香港打風落雨, 美國o既氣氛又係點呢... |
| 12/9 |
| 果然應驗左我尋日所講,
今日係公司o既工作就係"碎紙"!! 一路係到碎o既時候一路o念, 我o既工作開始係"打雜".....hahaa....仲有個衝動問阿head 其實我下星期使唔使返添...不過到最後到冇開口, 因為如果真係可以唔使做放假係屋企又好似好無聊, d人唔係返工就開晒學, 咁我做咩好?? 不如係公司吹下水好過la, 大家又開心d^^ 講起打雜, 首先係冇野做所以上左一個鐘網睇報紙, 之後去銀行入數, 跟住就碎紙, 犀利呀, 加埋尋日做個d, 我總共碎左三十個file o既document 都有呀!! 當碎紙機滿o既時候, 我就會用木條壓佢d 紙碎, 等佢唔滿, 呢個動作俾人話我好似通渠妹><..仲有就係掃地la, 倒垃圾la, 搬野la, 入信等等...直至五點鐘, o念住抖下, 阿head見我坐係到冇野做又叫我做下d 新野....唔知聽日會有d 咩order lei.... |
| 13/9 |
| 今朝覺得自己做o既野正常返d,
我掛名account clerk, 到今日終於真正咁做下account d 野,
不過當然只係d 小兒科野la, 如果唔係就難為了我呢個account
白痴lu.....但係當我完成手頭上o既工作, 阿head 又話俾d
新野我做, 初時聽到都幾開心ga, o念住有新野學唔使咁悶麻,
點知.....真係鍋鍋新鮮鍋鍋"金"呀, 開始copy, copy
& copy ar, 仲要拆釘添喎, 好麻煩, 印完一個用o既野,
好自然滿心歡喜咁走去同阿head 話"終於印完la!!"
<----興奮狀態 d 同事聽到都係到笑, 之後阿head 話"咪住, 唔好咁快開心住...仲有一個月呀~~", 我o既反應當然都係"笑" la, 同事話"咩你仲笑得落ga", 佢唔知我係到苦笑....唔笑仲可以點wor, 唔通話我唔做咩~~ 我今日全時間霸住部影印機, 留下有個女仔上黎影印, 第一次係二點幾, 到佢第二次上黎, 又見到我霸住部野, 就話"唔係呀麻, 兩,三個鐘之前你又係到, 而家又係你...", 哈哈, 之後讓左俾佢印先, 因為我對腳已經麻痺`喇.. 到放工時間,
女同事個仔仔上左黎, 佢之前俾過d 相我睇,
話佢個仔塊面好似包包, 好好"滅",
但係見到真人又唔係好肥啫...塊面又唔係好多肉,
於是就照我所見同同事講, 佢為左証明呢個係事實,
就立即申手滅佢仔仔塊面, 跟住就話"你睇, 我冇用力ga,
一滅都有咩多肉" 我話:下...你咁都得 ,
之後佢就問佢個仔"恩恩, 媽媽滅你痛唔痛ga??
有冇用力呀??" 恩恩好似俾你滅慣左咁,
冇咩反應咁搖頭, 細細聲話唔用力.... 仲有, 女同事朝早帶左佢係錄音室聽o既獨唱俾我聽(因為佢星期六有表演, 要練歌), 真係好搞笑, 好似收音機國語台個d 歌咁呀, 佢把聲真係百變, 平時唱詩歌把聲又唔同ga wor |
| 烈火雄心2
個結局幾感動...好奇怪, 通常人地睇電影都好易喊,
但係我唔會, 反而睇電視劇會易d.......之前真係喊過o既好似係烈火雄心1,
司徒拔死個時....
好開心呀, 大部份人都搵到工, 有d 仲要係幾正添呀~~ 真係羡慕死...希望大家工作順利^o^ |
| 17/9 (非常非常之大雨) |
| 今日都算黑仔...(哎..大家唔好談論我o既皮膚),
放工搭地鐵去斧山道, 地鐵去斧山道有大約十分鐘o既路程,
於是行呀行...到中途開始後悔...早知搭van 仔去la!!
心諗你落大雨唔緊要, 整濕我件衫都唔緊要,
但係千奇唔好濕我對鞋呀~~~ 唉....呢d
好野奉勸大家諗都唔好諗呀, 只要你一諗就黎ga la,
最後除左個頭冇濕之外, 全身包括個袋都入晒水..... 之後我就開始懷疑把傘o既function 究竟係咩???? 唔知第日進步d o既時候會唔會一人一個帳篷.....真係有待改善~ 到我走o既時候, 一路等巴士一路收傘, 個腦"叮"一聲又諗起d 野, 死喇今次, 八達通岩岩用晒, 咁遺有計下夠唔夠銀仔搭巴士, 計黎計去都只係得三個幾, 唔搭得凍九巴, 眼白白見d 人上晒車, 自己一個係到等熱九巴...........好慘呀 上左車諗住可以安安樂樂la, 我個"好"家姐又打黎叫我去街市幫阿媽拎食送wor......卑鄙~~ 阿媽明明叫佢落去ga ma, 不過到最後都係我去, 但係阿媽竟然叫我拎個吉盒返去屋企留返裝大金....唉...阿媽, 俾你玩死la, 落咁大雨仲拎埋d 咁o既野 |
| 18/9 |
| 落左咁多日雨,
終於好天lu......今日返工o既時間好快過,
因為下晝請左假返學校聽talk, 聽talk 其間播左一段短片,
真係好搞笑, 係介紹學校入面究竟有幾好~~, 有把好"磁"性o既男聲旁述ga....等我下星期一開始發掘下呢間學校點好法先~~
夜晚去左睇"單親插班生", 的確唔錯, 除左好多笑位之餘仲幾有意義, 唔係睇完笑完就一片空白果種..... |
| 19/9 |
| 今日食lunch o既時候,
有個女同事一坐埋位就同我講"要好好珍惜呢餐飯"我心諗...咩時幹呀??
搞到好似施捨飯餸咁....haha 之後佢就繼續講"今日係你最後一餐係呢到食ga
la, 出到去搵唔到係呢到o既野, 一齊食飯hehehaha 傾計..."
聽完之後諗諗下...又係o既...聽日就要走lu,
唔知幾時先再有咁o既機會....
公司d 人真係可愛,
好似生日果個通常都自己買蛋糕請人食, 今日阿head o既舊生日,
俾左張東海堂餅券我落美麗華到拎個芒果蛋糕上黎,
於是我就照做, 去到門口係有好多生日蛋糕,
不過就係冇芒果味....於是我入去問個女仔有冇我想要o既味,
佢話有, 係雪櫃拎出黎問我呢個有冇問題, 我話ok,
諗住佢應該係時侯收我錢la,
不過佢就好正經咁拎左把長間尺俾我, 我心諗:
俾把間尺我做咩呢?? 唔通佢想度下個蛋糕岩唔岩size??
|
| 20/9 |
| 男同事真係好鬼多口八卦....>< 今日女同事返工個時拎左張早餐傳返黎, 我地就係到研究d 食物好似幾正咁, 我口快快講左句"嘩, 幾正喎, 下次試下先~" 男同事一句彈埋黎"食咩o者, 你今日都last day lor, 關咩你事..." 大家都知佢係到玩o既, 不過阿head 同其他同事即橕我"你唔俾妹妹仔得閒返黎做下義工ga!!" 哈哈...我都唔知講d 咩好, 係一邊笑笑聽佢地講算lu... 終於到左今日lu, 用"唔捨得"呢幾個字係無法形容我o既心情..........不過已經諗唔到d 咩字眼可以形容lu......總之好掛住協進會d 同事, 仲有就係好多謝佢地呢幾個月當我囡咁湊, 好多開心o既回憶, 好慶幸第一份工係呢到渡過~~~ lunch 個時大家一齊出左去食四川菜, 叫做歡送會...雖然有d 牧師出左去做野唔得閒黎, 但係都已經好滿足lu~~ 返到公司, anna 仲送左個十字架鎖定扣俾我 (相信大部份基督徒送禮物都係關於基督教o既野^^....之後我一如以往咁打字打字&打字, 用我最快o既速度去完成最後o既工作, 直到放工前五分鐘, 我好輕鬆好開心咁交返d 野俾anna, 阿head 就叫我快d 去同其他人握手道別.....hhaaa.....協進會!! 希望下年再有機會返黎做野la 夜晚本來約左一班舊同學一齊出黎bbq, 但係真係估唔到赤柱多人成咁, 最後我地都係霸唔到爐, 由於有d 同學仔已經到左, 所以諗諗下不如幾個人去食飯算, 都別有一番風味....個到o既環境幾舒服, 可以慢慢傾下計~ |
| 23/9 (開學日) |
| 開學lu,
可能有太多o既唔同或者改變, 所以真係好唔慣.....唉.....總括黎講兩個字"辛苦",
好懷念係李惠利o既日子呀~~ (包括學校環境&同學仔) 而家返觀塘鬼死咁早就要起身wor, 搭車轉黎轉去都要花成個鐘先返到學校....又遇到d無良阿sir wor....慘慘慘!!! 等我今日好好訓一覺, 平伏下心情, 聽日再迎戰先得~~ |
| 25/9 |
| 發現自己鐘意睇o既片種不外乎係笑片or
溫馨片, "愛.回家"真係好好睇,
初時仲以為今次會喊添, 片頭見個阿婆咁慘,
點知原來係好好笑ga, 呢套片失敗在又話係"感動之作"喎,
每次到感動位o既時候hold 唔到半分鐘又有笑位,
你叫我點喊得出呀?? 不過把細路聲好生鬼兼抵死...hahaa
canteen o既野食實在令人失望呀, 竟然只係得三文治較為好食少少, 其他飯,粉的確唔掂, 今年係咪又要好好利用我地學生o既權益呢? <-----反影反影.... |
| 26/9 |
| 第二日就已經要落觀塘搵野食lu, 又咁岩食飯時間, 周圍都好多人冇晒位, 餐廳食飯變左開揚大排檔feel....正?! |
| 29/9 |
| 今日都幾得意, 跟個fd 一齊返一間大家都未去過o既教會, 果間教會比我想像中大好多有規模好多, 希望今次係最後一間我返o既教會la....唔想再呢到去下個到去下la.... |
| 30/9 |
| 原來有比較係好事黎ga, 起碼而家我知道方sir 真係一個大好人, 唔識可以隨時隨地問佢, 平時唔讀上堂唔聽佢講, 佢唔會唔理我地, 到test, exam o既時候都不停咁教我地, 而家果個阿sir 就唔同la, 原全偏低我地o既人格, 一句句令人氣忿o既說話黎打擊我地, 都唔知佢個腦用咩構造......希望快d drop 到科喇....期待~ |