| Entrance | Profile | Relax.. | Link |
| Story | Diary | Games | Wallpaper |
| 30/11 |
| 出左銅鑼灣行街, 見到週街都係it 袋, 都咪話咩經濟通縮, d 人駁晒命好似唔使錢咁一袋二袋, 相信香港經濟好左好多喇...好在今日都有收獲, 好耐未買過衫la |
| 27/11 |
|
今日好叻呀,
我竟然堅持到係圖書館坐左三, 四個鐘喎,
雖然未必係溫到書, 但係都叫做努力過麻...為左獎勵下自己,
去到巴士站附近買左串魚旦食下, um...冬天買返串熱辣辣(記住係要"辣"ga)o既野食下好正~ 返到屋企又麻麻煩咁走左去吉之島到逛逛喎...俾我發現原來星期三大減價呀!!d野真係好平, 好在我o既節制能力唔差, 只係買左幾盒餅同幾包蝦條...haha, 下次放學都係第一時間返屋企好喇.. |
| 26/11 |
|
打機打上癮.... (只係d簡單game),
大件事.... 鬼叫家姐話我"泎"咩~ |
| 25/11 |
|
今日約左表姐同屋企人一齊去city
影畢相, 諗諗下點解佢咁晒犀可以兩年讀晒三年o既課程,
真係好服佢,
但係今日佢終於澄清佢係正常地讀左三年先畢業ga,
大家都搞左喇...haha, 可能係我記錯左所以唔導佢地,
係我印象中好似係我入ive佢入u ga ma....唉, 記憶衰退~
真係好耐冇見過佢, 但係佢個樣依然咁cutie 仲好細個添呀, 我話佢似岩岩入學多d la! 加埋頂四方帽十分趣緻^^ 原來我地件袍都係橙色邊添ar, 不過我個件條邊就粗好多搶眼好多la, 你仲叫我帶埋去一齊影, 實搶晒你鏡...我會張我地n年前同今次係city同一個地方影個張相放埋一齊ga la, 好有記念價值, n年前大家個樣仲拾下拾下, 而家...hehe, 差好遠.. |
| 23/11 |
|
今日係學校open day,
所以星期六都要返學校幫手, 會有少少虐待之感, 個reception
位竟然係風口位, 真係想凍死我地~ 時間過得好快, 返去幫手其實冇咩野做, 得閒個時我地就會走去貴賓室到食下野飲下野, 沖返杯熱辣辣o既奶茶, 好舒服呀..^^ 不過最special o既係第二輪o既兩個男仔, 佢地真係打呔返黎, 搞笑...我地只不過係casual look 咋喎 原來fish 買o既海洋公園係包埋車費,
抵到爛...今次重差唔多玩晒d機動遊戲添...阿may
重好成功咁對晒所有機動遊戲鏡頭笑ar, 變態王!!
之後又去左水族館, 再過埋兒王園坐轉轉木馬....haha,
好掂呀各位~ 夜晚食埋飯已經tired死...地鐵又冇位坐喎...見到對面個男仔望住我, 我又好奇望下, 咁熟口面o既, 但係又唔記得佢係邊個, 經過一輪對話, 發現大家都係"禮記"人, 唔怪得知喇....不過真係唔多記得以前中學同學o既名 |
| 22/11 |
|
一連四日o既"大"假終於都來臨la,
真係正~ 今晚突然心血來潮想剪頭髮, 明明想長d 先, 不過又忍唔住d"陰"遮住晒對眼...於是去左esprit 剪, 由於個鼻粒大大暗瘡仲係到, 所以係出門口之前貼左塊"透明"膠布 (叫家姐買膠布, 佢問我買透明定係黃色個隻, 咁諗住透明會冇咁礙眼, 點知原來中間係一塊白色o既布黎ga) 出到街當然唔咁四處望la, 弗事又俾人望返住^^" , esprit reception 到有一男一女同我登記, 個男仔望左我眼就繼續做佢o既野, 之後有個女仔出黎帶我入去, 佢見到我就一直望住我, 過左幾秒佢終於忍唔住問我做咩貼住個鼻, 之後個登記o既男仔就即刻話"係la, 我都好想問ga la", 我只好笑一笑然後解釋, 個女仔就話"唔怕la, 我地成間鋪個個都成面暗瘡ga la"--->男仔"係la, 你唔貼d 人可能望下你就走, 但係你貼住咁礙眼係人望到都望住你la".....唉....又會有d 咁八卦o既男仔ga.... 今次都係搵返上次幫我剪果個alan, 佢問我係咪想留返長, 我話係ar, 再問我你之前係幾時黎ga, 我話好似個幾月前la, 佢表情怪怪咁...彈左句"你個幾月就黎剪, 點留長ar?! 你後面我剪完ga la, 唔係唔想幫你剪, 而係再剪會唔好睇, 你睇下個地(我d 頭髮), 我真係有幫你剪ga, .....拿....我幫你剪埋今次唔會幫你剪ga, 起碼過多兩,三個月先la" 呢個alan 都幾搞笑, 有錢都唔賺, 但係亦都證明佢係有心幫d 客剪頭髮o既 |
| 21/11 |
|
細個果時每逢搭lift
都有個衝動想係出lift 之前按晒所有層數...不過到最後都係冇做,
話明係"細"路麻, 個膽都細過人... 好唔好彩今日搭lift o既時候就俾我遇到, 唉...入lift 前發現俾人按晒, 直到地面, 真係慶幸自己住得唔係高, 如果唔係就慘la |
| 20/11 |
|
今日真係黑仔, 竟然冇帶鎖匙返學!! 除左開唔到locker之外, 最重要係我冇得返屋企ma...今日重要放早添, 如果放遲d 都話可以去行陣街等家姐返黎開門俾我, 而家.....變左要我去灣仔搵佢俾鎖匙我, 真係慘, 好在係途中都得到"身靈"上的安慰 ---->買左個好甜o既蕃薯食, 咩原來燴蕃薯係咁貴ga, 下次去bbq o既時候一定要盡情食先得! 今日仲俾我發現學校附近多一個新地方休息同食飯..haha, 都算有番d收獲~ 返親屋企都好係得個"做"字...唉, 阿媽走咁多日我就做咁多日, 屋企人d忍耐力真係強呀下...最終d家務都係我做晒, 仲想我煮埋飯?? 有冇過份少少先.. |
| 19/11 |
| 仲以為"赤裸特工"會係全套片都好三級o既戲添, 不過為左睇吳彥祖, 遺有包容埋maggie Q la...吳彥祖係套戲入面又做一個好人喇..haha, 好在者~ 全片除左個開頭係暴力左d同埋有幾個核突鏡頭之外, 整體上都ok ga |
| 18/11 |
| 今次係我有生以來第二次生咁大粒暗瘡, 有幾大?? 咪就係好似俾蜜蜂針親咁勁lor...不同角度都可以見得到....唉....全部人都冇人性ga, 大家知唔知有幾痛呀, 下?! 笑過我o既人小心d ar.. |
| 17/11 |
|
朝早個聯合崇拜真係好悶呀,
個鼻又敏感, 把風扇又係咁吹住, 真係好想好想走, 太辛苦la~~
(迷茫期)
ive學生真係滿香港...四週o既人都好似係ive 出生咁, 大家一講起係ive o既生活就好興奮, 講下canteen 早餐d 阿姐有幾嗜男仔, 早餐有幾大份... 食完野之後跟左佢地一齊去打機, 平時絕少會去機鋪, 覺得幾waste $$, 但係玩落又真係幾得意好玩, 猶其是個打鼓機, 好正!! |
| 16/11 |
|
成日聽人話葵芳好多野行好多野買,
點解我次次去親都冇收獲o既....婷姐話要仔細d慢慢搵先搵到好野....咁下次要搵你一齊去la,
如果唔係又白行
許志安演唱會其實都幾好睇,
雖然佢唱歌麻麻地, 但係d氣氛幾好, 一定唔會悶親,
猶其係佢個身muscle, 真係抵睇呀 |
| 15/11 |
|
冇mood一天, 唔可以再係咁ga... 終於試左麥記o既芥辣醬la, 原來一d 都唔辣, 只係一個咸字....而果個紅豆批呢....都係麻麻, 同家姐講不如當佢係豆沙鍋餅一齊食左去la~~ 佢只係試左少少就留返俾我食, 唉.....家姐wor... 今日好懶冇返到學, 其實都唔係咁好意思, 始終都俾左咁多學費麻.....唉, 但係返一堂又真係無聊左d, 點算好?? 希望下次唔好再咁la...係wor, 下星期五,六係ive open day ar, 大家得閒黎玩下ar^^ |
| 14/11 (不宜外出...塊面.. ><) |
|
今日用左一百蚊都唔使,
做左一個大拿拿三個鐘o既facial....抵到爛喇~ 最近塊面多左好多粒粒, 所以忍唔住走左去整, 唉....果到o既環境就真係唔錯la, 正到我一路等一路訓....就咁就訓到成十點, 由六點幾搞到十點, 有冇搞錯?? 仲話送咩"焗倉"俾我添, 佢都收工la...都係等下次...要揀d 冇咁多人o既時間先得 俾個師傅提醒左..平時訓覺可能習慣壓住一邊, 所以個膊頭成日都好tired好痛, 佢話我係咩肩周炎初期, 幫我鬆果粒脹左o既根, 嘩...痛到我係咁叫, 諗住佢會放過我, 點知佢叫我放鬆d, 要習慣下啦....(唔係掛, 呢d 野都要習慣, 好慘ga bor) |
| 10/11 |
|
如果你係食緊炒飯o既時候, 食到d
煙煙un un o既野, 你會點?? haha.....今日同個fd share 碟炒飯,
點知佢食食下, "依"一聲, 係口裏面拎左條野出黎,
係我研究之下, 發現原來係"藥水膠布"一條....嘩.....簡直嘔心呀~~
事後老闆娘入廚房查明原來係"個廚師切lemon o既時候切親隻手,
所以...個fd 話佢個feeling 係好似幫個廚師啜手指....哈哈...搞笑,
今日崇拜學左要懂得感恩...咁朋友仔....你應該感謝神俾你發現條膠布,
唔使你吞埋落肚咁慘ar, 一陣消化不良~
平時係戲到睇d
新人步入教堂到行禮, 只係幾秒o既時,
今日有機會去參加真正o既婚禮, 個feel 幾正~ |
| 9/11 |
| 開心一天~ |
| 8/11 |
|
好後悔上年冇去睇阿jay concert 添...今年多左好多人去排,
唉...一早起身為左買幾張飛, 到最後桔都有個~ 真係要xxy 排頭頭個七個"牛王飛團體"呀, 一買買成六,七十張喎, 外部飛已經唔係多ga la, 佢地咁搞法係咪有d 過份先?? 之後仲要有d 好好心地o既打黎"笑"住問我買唔買到...在此多謝大家關心~~ |