嘉智中學既五年生涯，有好多開心既事架，

而家等我慢慢講比你地聽啦 ~

羽毛球隊：我係讀中二既時候參加羽毛球隊架，當時教羽毛球既

                   老師就係 Miss Lai，佢好錫我架 ﹗仲好照顧羽毛球隊 

                    d 隊員添，好似自己女一樣咁看待架。所以我跟 Miss 

                    Lai 打羽毛足足打左四年呀，佢真係一個好好既 Miss 

                    黎架。另外，我仲 o係羽毛球隊入面識左好多朋友仔

                    架，佢地個個都對我好好架 ﹗真係令我好感動呀 ~ 

                    等我介紹一下佢地個名啦 ~

  Catherine 、阿芬、阿鈞、火平、蘇珊、家欣、嘉欣、

阿麗、婷婷和凱敏，真係好多謝妳地呀 ~~~~~

P.S. 排名不分先後

 排球隊：  我記得我讀中四既時候，係林 sir 叫我加入排球隊既，

                   開頭我都唔想架，因為我已經係羽毛球隊既隊員，我

                   怕冇咁多時間練排球。但係林 sir 話唔怕喎，所以我

                   最後都加入左排球隊 ﹗其實我都要好多謝林 sir 架，

                   如果唔係佢叫我加入排球隊，咁我又點可以識到一班

                   咁好既朋友呢 ~ 等我又介紹一下佢地啦 ~

大猩猩：佢係助教黎架，佢好好人架 ~ d 球技仲勁添 ~          

Wing & 娥姐：佢地兩個都好好人架，佢地兩個雖然都係大我

                        兩年，但係同佢地傾計既時候，完全唔會傾唔埋、

                        有隔膜架 ﹗

         隊員：詠欣、Carmen、Liz、Anna、安琪、豬豬、可欣、

                    阿蕉、敏婷和毛毛 ...

佢地而家各有各忙喇 ﹗要好似以前咁樣，已經唔容易喇 ﹗

我真係好懷念以前一齊開開心心打波既日子呀 ~  

P.S. 排名不分先後

啦啦隊：等我講 d 威水野比大家知啦，我讀中四既時候係啦啦隊

                Leader 黎架，仲嬴左幾個獎添，其中最勁既獎就係全場

               總冠軍喇，哈哈，係咪好勁呢 ?其實都唔係我一個人既

               功勞黎架，都要一班願意跳我自己諗出黎既舞先得架。

              我地 d 感情好好架，佢地當我係佢地 d friend黎架，仲會

              講好多佢地既野比我聽添，完全唔會感到有隔膜。

              好啦，又等我介紹下佢地啦 ~

敏芝、Ling、阿鍾、佩珊、翠虹、阿麗 ( 呢 d 係同我最好傾既 )，

其他 o個 d 成員，我都好多謝妳地架 ~ 

( 隊員太多，不能盡錄 ，SORRY )

P.S. 排名不分先後

                               下一頁