高達o係香港都算係大路o既玩具，睇高達卡通同砌高達模型o既朋友多得星數，近年香港多左好多模型比賽，令到 fans o既覆蓋層面比以前更加廣闊，幾歲o既有，三十幾歲o既都有。

o係八十年代曾經有 fans 畫左幅頭大身細o既畫寄去 Hobby Japan，刊登後引來唔少 fans o既回響，由於有唔少 fans 支持，所以 SD Gundam 就誕生左喇!

之後 SD Gundam 被商品化成為兩個系列 - 「BB 戰士」及「元祖」，由其組合o既難易度o黎睇，相信當年 Bandai 係想以「元祖」系列進軍十歲以下o既小朋友市場，組合簡單得o黎大隻，有小機關玩，又無需上色 (因分色分得好，唔油都好靚) ; 而「BB 戰士」o既對象就係十多歲o既小朋友，組合依然簡單，但就注重上色 (冇乜色分，唔油好核凸)，而且較為細隻，雕刻比較細緻。由於「BB 戰士」比較細隻，所以其可玩性亦相對減低，其中兩個系列同時有出而分別最大o既就係六體合體o既「機甲神」。「BB 戰士」版因為太細隻所以放棄左其變形合體設計；而「元祖」版就因為夠大隻所以能夠將其變形合體設計重現，呢隻可以話係「元祖」代表作之一。

騎士高達故事

元祖高達 Catalogue

元祖高達 Boxart

Trading Card