廿歲未夠就甩頭髮，地中海現象愈來愈明顯，真係未老先衰呀﹗夠竟有乜辦法可以令到中間o的頭髮唔好甩咁多呀﹗知道就話俾我聽啦﹗陳SIR又話用首烏洗髮水，都唔知得唔得...

我好憎大陸，尤其是九七之後，眼見香港正一步一步踏入不歸路。香港所有o既法治、司法公正同自由一夜間灰飛煙滅，剩低一班垃圾政客。其實英國人有乜唔好？我唔否認英國人係搵香港人著數，但係又有咩問題呀？佢係香港搵錢o既同時亦都令香港人o既生活質數提高。你睇上海同香港比較就知，上海o係戰前非常繁榮，香港拍馬都追唔上。但係共產黨上台之後，上海就開始比香港差。由此證明，共產黨對中國帶來o既破壞遠比佢口中o既殖民主義者大。

好多人話我好寸？兩睇啦。基本上我係會寸人，但係我唔會無緣無故走去寸人，通常睇倒唔順眼o既人或者事先會咁做，你估我真係咁得閒咩﹗其實我係一個講原則o既人，唔可以無原則，而我最大o既原則係過馬路唔可以衝燈。無原則，人生就無晒意義。

下面首詩，係我最有同感﹕

「生命誠可貴，愛情價更高。若為自由故，兩者皆可棄。」