6月去左澳門三天自遊行, 澳門真係變左好多,估都估唔到.

小小16平方公里的彈丸之地, 52.6萬人口, 在短短5年內, 賭場由5間變到26間, 變到高樓大廈林立, 燈色處處, 漁人碼頭, 電視塔, 新葡京, 幾層樓高落地玻璃瀑布牆既皇冠酒店, 仲有外表金碧輝煌, 裡面華麗奪目既金沙賭場.

佢係金沙集團在澳門既第一個賭場, 投資2.4億美元, 擁有740張賭桌,在04年5月開業果陣, 向世人制訂左奢侈既標準, 估唔到係三年零三個月, 威尼斯人度假村酒店開幕, 先發覺世人對奢侈既標準原來仲係太低, 投資１４０億港元, 比金沙多7.5倍, 論面積竟相當於10個金沙(唔係朱古力), 850張賭桌, 4,100台老虎機, 3,000間酒店客房, 一個佔地 9.3萬平方米、可容350家零售商的購物中心, 一個可容納1.5萬人的體育館和一個11.1萬平方米的會議中心, 酒店裡面修建了運河, 讓客人可乘坐威尼斯才有的“貢多拉”小船, 係當中穿梭購物, 僱員約為1.5萬人, 相當於澳門勞動力總數的5%........

博彩係澳門既經濟命脈, 06年博彩稅收益有190億,而整體博彩業收己經超過拉斯韋加斯, 澳門賭場更加成為全球賭民既「聖地」, 每年吸引過千萬朝「聖」者, 當中 75%來自內地. 博彩業既興旺亦帶動「娛樂」事業, 吸引無數內地, 俄羅斯, 東歐同東南亞女子來澳門揾銀.

經濟强勁令人均收入和樓價都倍增, 我 daddy果邊 D親戚係澳門人,亦個個撈到風山水起, 水漲船高. 我自然亦替佢地高興.

不過, 澳門在華麗背後, 又令小市民以致整個社會負出左幾多代價呢? Cost & Benefit殊高殊低呢?