上回(2007-10-09 04:23:43 GMT)提到澳門既繁華令人刮目相看, 但華麗背後又付上什么代價呢?

我忽然想起以西結書廿七八章點樣形容推羅 – 古代近東第一經濟商阜:「推羅好靚, 靚到好似一隻用寶石同靚木造既商船咁; 推羅好叻營商, 甚至比古今中外第一賢者但以理更有智慧; 推羅好富是, 好似上帝為人類預備既伊甸園咁…」

職青問題: 6月去左澳門三天自遊行, 走入金沙賭場, 除了金碧輝煌既賭廳之外, 我見到既係煙霧迷漫之中在其中幹活的年輕人. 做荷官, 做召待, 做保安.....有一半係年輕人. 點解咁多年輕人? 因為需求大而人工高lor. 我三表叔(澳門人)同我講佢個仔下年牙科畢業, 讀到廿八九, 起薪點才萬三, 十八九出來做打荷, 反而有萬五, 試問有邊個會讀書? 跟據一個就業意向調查, 訪問608個13-40歲既澳門人, 有40%人願意在賭場工作, 願意做博彩related工作既人更有71%, 當中68%高中生, 81%大學生, 還有72%畢業生表示願意. 這令當地就業失衡, 博彩業(和連帶建築業) high demand製造就業空缺, 要輸入外勞, 但其他行業卻無人問津. 慎重選擇就業成為年輕人既一大挑戰, 假如價值觀錯置, 只考慮人工/福利而忘記左適唔適合自己未必係好事, 長遠更令澳門墮入教育程度偏低既惡性循環之中.

染黄問題: 賭業衍生同帶旺兩個行業 a)財務公司; b)娛樂(黃色)事業. 輸錢自然要問人借, 銀行/cr card/朋友 quota 都用完就要問貴利, 由於賭仔冇錢還就變爛鬼, 所以能夠從事放數/收數一條龍服務既公司一定係有背景, 唔會係善男順女, 如果係, 不如開善堂?! 賭多數係男人, 成日在場內博殺, 贏到$自然要happy下, 輸左$就要relax下, 所以會光顧娛樂場, 這亦製造了無數就業機會, 吸引內地,東南亞和東歐女子去澳門揾銀....大大增加了對問題賭徒,治安惡化,社會價值觀等社會成本和負擔.

通貨澎脹: 經濟繁榮令物價樓價上升, 令窮人生活苦上加苦, 青輕人又「上唔到車」買樓, 租金上調又令非博彩業和非酒店賭場區生意經營困難. 凡此種種令窮富懸殊進一步嚴重, 又令經濟和稅收進一步向博彩業傾斜, 對長遠經濟發展不利.

五一大遊行就係係呢種種因素下醞釀和爆發.而何厚華先生領導下既澳門政府既管治能力五年來第一次受到質疑. 而我亦係呢D事發生期間返澳門視察.

話題又回到以西結書對推羅既審判:「雖然推羅係華美既船, 但卻在一瞬間被波浪打沉; 雖然推羅比智者更叻, 但卻在一瞬間被外邦軍兵洗劫一空; 雖然推羅係富足既伊甸園, 但卻在一瞬間變成廢墟, 成為打魚曬網之地....」以色列既守望者係邊? 又有幾多人願意擺上禱告? 幾多人願意向政府向財團提出申訴和控訴呢?

主啊!!!求你興起,興起,為孤兒寡婦貧民申冤辨屈. 求你保守澳門既青輕人, 守住一顆清潔純樸既赤子心; 為病態與否賭客擺上, 求你叫佢地學math,明白十賭九輸冇運行既道理;為澳門既教會擺上, 求主興起, 興起.....