Hello, 我叫 Billy, 好開心返到來母堂分享我同神之間既經歷.
上年 8月, 工作踏入第 7年, 即係安息年. 跟據利未記, 安息年係1)有田地但唔收割, 2)關心社會同民生. 所以我1)賣左手上大部份股票, 學唔賺錢一年; 2) 增加奉獻1%; 3)學習為萬民代求.
今年 5月, 神帶我返香港做實地研究. 1) 係香港, 見到好多人(包括我好多朋友)盲目咁抽新股, 又跟風炒股; 2) 去內地, 見到醫療衛生好差, 一個病可以令小康之家變成赤貧; 3) 去澳門, 見到好多年青人係賭場打工; 呢一年神教識我為萬民代求, 關心神所關心.
6月, 一個月之內, 我係債券蝕左好多好多, 蝕到好似螞蟻咁. 因為蟻蟻無論企係度/坐係度/跪係度/定係瞓係度, 佢都係爬係度. 我當時同神講:「我唔賺冇所謂, 你都唔好叫我蝕 ar.」神安慰我, 話:「聽話好過獻祭(撒上15:22), 你為左我, 放棄賺$, 去關心我所關心既, 我好開心(創22:16-18). 如果你揸cash, 唔揸債券, 就唔洗蝕. 不過, 今次(唔係次欠)就當係借比我啦. 其實, 你既錢你既生命都係屬於我(門1:18-19), 你要做又良善又忠心既管家(太25:20-21), 為萬民代禱(提前2:1)」
當我回想信主十年: 1. 大學果陣, 我願意多讀聖經, 比人笑我狂, 但感謝神, 係學業同揾工上傾福於我; 2. 畢業之後, 我願意過簡約生活, 願意金錢奉獻, 比人笑我寒, 但感謝神, 係生活同召命(即係事業)上傾福於我; 十年裡面對神有好多虧欠, 但當我擺上為主, 就有更多機會比神建立我, 祝福我.
想同大家分享一首詩歌, 歌詞講述大衛一生擺上, 建立聖殿, 但居然發現, 原來反而係神一直咁建立大衛自己既家. <<求主准許我>>
v1 粵
求主准許我為祂建立居所,
我的心渴慕永居在主的聖殿, 在主裡安躺.
求恩主准許我奉上, 我將身心所有奉上,
榮耀, 至高, 尊貴, 全能的主宰,
使我順服, 敬拜, 事奉, 學傚主的愛.
副:
靈程像障礙賽, 但感激恩典恩惠常在無論那境况;
燃點似燭光在黑暗照亮因主照亮我;
我最感恩是: 參與建立神治國邦, 這建立原是建立我.
v2 國
求主准許我為祂建立居所,
在主的聖殿, 小燕住在暖的窩, 我們尋着平安,
但耶穌在地上的時侯, 連枕首地方也沒有.
祂愛我們, 在十字架上受害,
拯救我們, 建立我們, 聯合我們.
副:
主使我們成為, 在同一屋簷之下親愛的弟兄姊妹;
同工與同窗, 傳揚主愛, 一同學效主愛;
我們同夢, 同心, 同建造神的教會, 卻發現神建立我們.
v3 Eng
Please find English version in comment #1
我地願唔願意學大衛, 將身體獻上, 當作活祭, 建立神既家, 得到神既建立同祝福. 但願神既榮耀得到稱讚.......
