提起醫牙, 就冇辦法唔E牙鬆鋼, 去公司樓下睇牙, 由年頭到依家補牙洗牙, 功夫唔錯, 利害是: 整果陣一D都唔痛唔酸, 但整完之後反而越來越痛, 「依!!乜野聲?」「牙痛咁聲 lor, 低B, 有benefit都收CA$500, crazy!! 當然無病呻吟, 牙痛咁聲 .」總之醫牙醫到我心痛la.

5月, 返港第二日, 晨咁早醒左, 去黄大仙, 唔係求支好簽, 而係求支好籌, 睇牙. 估唔到, 一早牙醫門外就聚滿公公婆婆, 「董伯伯早, Billy早, Billy早, 董伯伯更早......」假如董伯伯走埋離, 我可能唔想同佢握手, 免得握完手, 要「洗牙,洗手,再洗口.....」, 划船划得太遠tim, 總之等大半天, 等你等到我腳痛. 不過冇晒 benefit, HK$200洗牙, 唯有等.

聽個frd講佢牙周病, 要CA$20,000整牙, daddy個frd植牙, 幾千蚊隻, 太貴.....想起傳道書: 形容食唔到野果幅picture, 推磨既聲音减少, 美食當前又食得唔夠爽仲邊有人生樂趣? 牙齒當金洗, 形容言出必行既人, 但有朝一日, 金當牙齒洗, 食之無味棄之可惜果陣, 有金洗有何用? 所以, 呢次洗牙改變左我一生, 我終於悔改, 重新决志, 决定以後除左洗牙, 仲要洗心刷面, 實行將D牙齒當金咁洗咁刷, 一生一世鍚住佢地, 鍚住佢地就等於鍚住自己.

記得當時牙醫一句話:「you want to live long with all ur teeth, do u?」

Billy:「但願父神既慈愛, 主耶穌基督既恩惠同埋聖靈保惠師既感動常與你同在, 又與你所有牙齒同在, 從呢一刻直到我地再見主面, 啊們!! 我地唱三一頌.」