哈哈!! 一如以往, Billy 10月估市, 再次跌眼鏡, 恆指冇從28,000跌番落26,000, 反而上多14%, 到32,000, 勁!!! 係我睇少左(單係)QDII既威力, 又睇少左大行同小投資者對市場既信心程度.

11月2号, 我地偉大既祖國總理温家寶先生為資金自由行講話, 自由行可能被無了期推遲. 恆指係因為資金自由行在8月公佈而以極急既速度上升, 一個還未實行既消息就令個市係幾十日內推高60%, 依家政策有變, 會唔會由極度亢奮轉而極度驚慌仍然係未知素. 有好人分析員開此出來講野, 話Monday個市會跌1,000點. 在此, 多謝 Ricky弟兄聽到消息後, 對我既提醒同關心, 令我好感動.

如果市場資金真係因為温總一句話而離開, 1,000點冇可能了事, 3-4千都未必得. 另一方面, 阿里巴巴(1688)招股, 凍資4,500億, 令上星期恆指波動異常利害, 只要阿里巴巴Tuesday上市, 資金就會回流, 跌市與否就要睇下比阿里巴巴「趕走」既人會坐飛氈去邊.

令我注意既唔係温總言論既結果, 而係温總言論既內容. 佢話:「內地股市存在問題(資金不能外流令股市有如温室效應咁不斷產生高熱), 要洩洪, 但也不能(以自由行)去犧牲香港人, 令股市波動擴大, 令小投資者蒙受跌失(所以短期內不會有自由行, 但QDII會繼續), 長遠來說, 要教育內地人(香港人其實也需要)正確既投資概念/心態/知識.」  佢既言論充分反映出佢對老百姓同小投資者既愛護同期望,  當我聽緊呢段新聞既時侯, 都忍唔住感動到眼濕濕, 為我地祖國感謝神.

升升跌跌, 變幻莫測, 任你幾利害, 可以參透? 即便如此, 參透一次, 兩次, 一百次, 一千次, 最後行差踏錯一次, 勁爆如hedge fund都可以5年, 每年60%回報and then破產. 你唔係買大細, 係揀市場上最好而價錢合理(hopefully超值)既公司, 長期持有, 做佢既股東, 做個資本家, run一盤(or many)生意. 跌市就放, 升市就追, 唔係做生意. 超人話有泡沬, 你有冇見過佢賣佢盤生意? 過去幾十年,一亳子都未賣過, 反而不斷增加持股, 呢D就係生意, 呢D就係投資. 只是温總既金石良言, 聽得「明」既又有幾多? 我地幾時先長大?