最近回想起<<雍正皇朝>>這套電視連續劇既橋段同細節, 當中某些君臣關係令我想到神同我地之間既關係, 舉兩件事例:

李衛本來係個不學無術既市井小混混(古惑仔), 機緣巧合之下, 係揚州巧遇治水鎮災既欽差四阿哥胤慎, 在雍正潛府下做左十幾年奴才, 憑住一片忠心, 一份幹勁, 一點小聰明, 由小混混變成小知縣, 由小知縣(七品)變成糧道官(四品), 最後做到兩江總督(二品, 清朝最大既外發官員).

=> 我係一個經常得罪神, 做事粗心大意既人, 但有機會係神恩手底下服事佢, 我可以唔感恩同竭盡所能嗎?

烏思道做雍正三個仔(弘時, 弘曆, 弘晝)既老師, 自小教佢地讀書認字, 而且教佢地背誦佢地爺爺康熙既一切言論同事跡, 連康熙一生打獵, 打過幾多隻豬, 幾多隻狼都要全部記住. 過左幾年, 康熙帶同皇子皇孫打獵, 十三皇子胤祥打得最多, 而八皇子胤禩亦活捉得最多, 於是康熙問群臣:「邊個皇子打獵該賞?」因為當年八皇子勢大, 所以群臣都言八皇子該賞, 又讚佢不殺生, 仁義兩全云云. 但小弘曆(日後乾隆)走出來, 說:「十三叔胤祥該賞, 殺生冇唔岩之處, 否則, 唔通皇爺爺一生擸殺無數, 難道又是不仁不義?」說罷將康熙一生打獵既成績倒背如流, 即時令康熙龍顏大悅.

=> 我是一個講聖經/寫文章/作曲詞既人, 將心比己, 神喜歡喜歡聽衪讀衪將衪的話記在心掛在口行在裡外既人亦係頂正常, 不過今日又幾多人喜歡神既話語? 呢個亦係我經常掛心既事, 但又有幾多人會著緊呢? 乜野比神既話語更重要?