某日, 驚蕉(阿Ken中文譯音)借左佢最鐘意玩既Game - Sim2比我, 仲坐埋係我身邊, 教我玩左足足整個下午. Sim2係模擬人生, 教你點做人, 點做一個有用人. 我呢世人未做過女仔, Sim2裡面我就係「神」, 當然要「Billy」做個女仔.

要變成一個傾國傾城既女仔, 點知揀呢塊面果set頭, 原來仲煩過整容, 要變成一個巾幗不讓鬚眉既女強人, 點知要應徵做文員都click來click去, 頭都暈埋, 估唔到做人難, 做simulation人仲難. 「Billy」身上有三條bar, show比我睇佢既體力, 排泄力同開心程度, 體力會不斷下降, 要到時到侯食同瞓; 排泄力會不斷升, 人有三急就要解決, 解決都唔易, 要click一下「Billy」, 指一指厠所再click一click; 開飯仲難, click下個menu, 出一大堆food, 揀一輪, click, 跟住click一下確定, 仲要睇佢飽唔飽, 食得焦唔焦積; 得閒要click去同隔離左右傾下計, click下開P, 又要定時定侯買D野獎下佢; 賺錢仲慘, 去門外click up份報紙, click下有冇工做, 跟住click下有冇得in, click個價出來, 人工Ok唔ok, 總之一定冇benefit同pension, 亦冇得玩投資, 注定打死一世工, 定期都冇得你做呀, 死未! 要拍拖好難, 原來要挑逗一個男仔鐘意你要read menu同攻略本都未必惦, 唔好講叫個男仔追番轉頭, 除非打chect code la. Image結婚生仔之後, 叫「Billy」點照顧一家四口, 比多2隻mouse都唔惦, 實聽全家一齊賴屎同饑死都似.

我佩服同欣賞阿Ken持家有道, 對屋企每一個成員既狀况同需要瞭如指掌, 又能及時照顧, 令佢地「必不致缺乏」, 咁既「賢得既婦人」簡直<<世間始終你最好>>, 令「Billy」都要唱一首: 「馮阿ken click一click個mouse, 帶出温暖永遠在背後, 仲使手多始終關注, 一講打機冇內疚......」

經歷左由男仔變女仔既「變性」模擬人生, 返到現實世界, 我發現有神既恩典, 有家既温暖同辛福, 有church life, 有得追女仔, 有份benefit同pension既工, 有得GIC, 都值得感恩, 至於個game, 洗左 la, 要係虛擬世界成家立室同白頭到老, 太難太complicate, 何不反璞歸真, 腳踏實地, 靠住神同為主而活?