有人話人生食幾多, 吃幾多係整定. 講得有D玄, 唔似係一個Christian應該相信, 不過, 我覺得食幾多, 吃幾多係有quota(kind of 整定).

我daddy好鐘意食D水汪汪既野, 例如:湯麵, 湯米....呢幾年, 佢得左個病, 唔飲得太多街外水, 冇quota; 媽咪前下屬個老公好鐘意食燒臘, 後來佢生癌, 乜都唔食得, 過左幾年就死左; 我鐘意食香口野, 所以一年喉痛一次, 又係quota用得太盡; 我有個朋友一家都唔食菜, 結果全家都有好多病痛, 因為從來冇用quota, 個「account」比神「de-active」左;

一句到尾, 偏食唔健康. 病痛係由飲食同生活習慣產生, 當然亦有外邪入侵引至, 人如果守住「小吃多滋味」, 「均衡飲食」, 「少油, 少糖, 少鹽, 高纖」etc etc, 應該可以令神比多D quota我試多D唔同美食.

想起我有個朋友好鐘意任食, 又酷愛多汁多糖多鹽高卡路里食物, 佢愛主, 唔知神又比幾多quota佢? 但佢咁「敗家」咁用法, 又可以用到幾時? 路加福音15章浪子肯回頭, 因為連豬梢都冇得食. 但如果係食物上「敗家」, 到連豬梢都冇得食既地步, 睇怕就太遲, 到時要揾人抬或者坐輪椅去番阿爸度, 何必? 神斷不喜愛惡人滅亡, 所以勸我地D罪人回轉(結33); 神亦不不喜愛義人中風, 所以勸我地操練身體(提前4).