又講番果次主日學既維他奶廣告比喻猶大國企圖左右逢源, 在巴比倫同埃及兩大強國之間掙扎求存, 當時有同學(ar lok)問道:「如果約西亞王咁好, 點解神會容許佢戰死沙場?」

呢個係一個難題, 唔單止係神學家, 牧者同老師答不來, 就連當時既猶大人都唔明. 跟據列王紀約西亞係史上最後既君王, 甚至係王國分裂果陣, 先知就預言必有一君王興起, 高舉真理公義, 就係約西亞, 評價比大衛同所羅門更高. 歷代志亦對佢讚不絕口, 將聖殿籌備係大衛, 聖殿建造係所羅門, 而聖殿修造復興則係佢同希西家. 如此百年難得一見既好君王, 神點解忍心「殺死」? 大衛唔係戰無不勝? 點解約西亞唔可以? 如果神連約西亞都唔祝福/冇能力祝福, 佢點祝福我? 正因為呢種疑惑, 當約西亞死後, 好多猶大領袖/人就偏離神, 在政治同宗教上拉攏巴比倫/埃及, 希望自救, 卻反而吃力不討好, 引狼入室, 直到猶大亡國, 又或者時至今日, 我地都唔明「好心點解冇好報, 時辰點解仲未到」呢類問題.

教主日學prepare重要, 靠聖靈隨時執生都重要. 我當時(好自然/輕鬆/瀟洒)答:「你打杖就預左死ga la.」(全場靜晒, 好似唔敢相信一個咁深既question會有個咁simple, 近乎膚淺既answer)

我唯有反問:「當年二戰, 假如盟軍有個christian, 德軍又有個christian, 兩個都同時求神保守佢唔洗死/打勝杖? 咁神聽邊個祈禱好呢? 打杖有時冇right or wrong ga woo.」(鴉雀無聲)

我再補充:「有冇玩過1st person shooting既game?  初初玩Call of dutyII, 我好驚死, 左閃右避, 結果反而不停中流彈死, 後來我虛心請教資深投「機」者(ken & Jamies)心得, 佢地比左好多打杖既tips, 最重要係當自己死左, 死左就唔驚死, 如果縮, 敵人有左準備就會將槍口指住你, 你再伸個頭出去咪死lor, 但如果勇住直前, 攻其無備, 就可以先發制人.」

「打杖人地用刀劈你, 你閉起眼或者走佬咪死硬, 但預左死反而唔洗死; 一個波餅省埋來, 你驚咪中lor, 用心口控住咪ok. 打波既job nature就係可能會傷, 做account工既job nature就係可能要開OT, 打杖既job nature咪就係死, 為國捐軀lor, 怨神? 怨乜呀? 死係抵死, 為國捐軀感謝神, 唔死得係 bonus, 感謝神, 仲有冇? 感謝神, 仲有冇?」

維他奶唔work, 講call of duty II D人又get到, 而且津津有味, 皆因YAP zone當中有唔少投「機」者,  一講就明白果段經文.

特別嗚謝 - 聖靈帶領!!