今晚去左睇一個由Waterloo U Drama學生會製作既音樂劇<<尋覓巧克力>>.

估唔到幾有驚喜喎! 一班學生, 策劃和採排多日, 到演出, 花左咁多心機時間, 出來既結果咁pro(我既標準中), 劇本既主線同枝葉; 演員既演出同唱歌; 音樂/曲詞/編曲/音效等等, 都唔錯.

故事嘗試用巧克力比喻唔同既愛情, 主線係兩情相悅但發生誤會既相戀; 枝線有三個(大既): 1) 一段跟男主角有關, 無疾而終既初戀; 2) 一段跟女主角有關, 從未開始既暗戀; 3) 一段全無關係, 沾花惹草既多角戀, 寫得幾有層次, 唔覺得散亂. 巧克力係視乎喜好而冇分right同wrong, 或者係呢套劇對愛情既觀點啦. 唯寫多角戀有點喧賓奪主, 但亦係最有睇頭既一段.

演員都係業餘既, 係讀書以外抽時間採排唔容易, 用classical music改編既歌本來唔係比人唱, 所以高低音域可能會比流行曲仲高, 詞有幾首好快, 但演員都唱到係好難得. 當中對白有幾句出錯係可以接受. 可能我座位(上層正中)未必最好, 有D排位好似令某D演員double左.

音樂純「原創」, 唔係咁易被觀眾pick up, 所以揀曲用D耳熟能詳又一定好聽既classical music係智慧(除左主題曲係自己作再remix with婚禮進行曲), 詞係精景, 流暢, 押韻而meaning match with套劇既某一段, 由於係音樂劇, 所以每次唱晒成首歌都可以接受, 唔覺得太長, 唯有幾首太快, 又有兩首因為佈景問題而打唔到歌詞, 當演員某幾個音咬唔正又或者D詞本身唔係最岩音果陣就聽唔清唱乜. 編曲救左好多, 由於係 classic music又要就套劇, 所以曲「未必完全」係原曲, 詞亦「未必完全」對曲, 拍子亦「未必完全」岩, 呢D都可以理解, 靠就靠編曲果位朋友. 音樂overall係good, 好欣賞編劇同作詞果位同學仔, 令我自己學到唔少野, 我亦要係寫情歌上下多D功夫, 唔知食D巧克力有冇幫助.

整體係好既, 全個故事用一間巧克力店串連係一齊係唔錯既手法, 温馨浪漫得來, 又有種甜中帶苦, 喜好因人而異, 如何找到心中至愛既感嘆號.

至於用塔羅牌占卜去勾起一個誤會, 分開一段愛情, 以致助人而無法自救既卜師, 係要宣揚塔羅牌既神奇力量, 定要提醒人這些玩意只能徒增不必要既風波, 我睇, 導演想將呢個問號留比觀眾lor.