最近為計劃下年旅行, 花了些心思. 想去迦勒比海郵輪, 於是到網上查下D玩郵輪須知, 去找Coby格價, 問弟兄姊妹/朋友/同事意見, 估唔到都幾多考慮: 出發既日子, 因為怕打風又怕凍; 隻郵輪既噸位(who care)/設備, 因為大部份時間係海上; 去果D島嶼既靚爆指數同冶安程度; 仲有郵輪公司既聲譽/服務質素/口碑.....

不過, Billy嘆世界既哲學係: 「火燒旗桿 - 長嘆(炭)」, 一生人流流長, 慢慢玩, 慢慢嘆, 第一次唔洗要求太高, 咁第二第三次都仲會玩得開心, 去歐洲日本慢D遲D去都冇問題, 如果玩左至好既, 有左比較之後, 就唔覺得其他地方咁好玩.

不過, 食野唔同, 一間好既餐廳, 可以去好多次, 唔同心情, 又或者同唔同人去, 都會有所不同, 所以, Billy嘆世界既另一套哲學係:「美食尋訪, 食左先講.」