<<Lord of the Ring - the battle of Middle Earth>> 係少有Billy可以打到爆機既game. 呢個game係類似<<Age of Empire>>咁既strategic game, 起城堡, 養兵, 跟住「殺呀!」. <<Age>>build structure同collect resource會浪費好多時間, 兵種同人物亦太繁複, 讀大學果陣玩ok, 依家冇心機, <<Lord>>好好多, 唔洗collect resource, D building會定期「派息」, 兵種只有十個左右, 而且唔洗過關先unlock, 一開始就用得, 所以, 每關都可以盡情focus同享受「戰爭」既樂趣.(變態?)

一向善長「saving」同「invest」既我, 喜歡不斷儲兵儲糧同久唔久派大批人去將敵人蹂躪一番, 同敵人玩漫長既消耗戰, 慢慢「陰乾」佢. 係正常既情况下, 呢個方法幾乎係無敵架. 但係Helm Deep一戰之中, 我卻一敗塗地. 檢討原因係: 1) lack of time to build up resource; 2) lack of time to build up army force; 3) enemy are out numbered right at the begining, wave after wave attack; 4) Helm Deep's wall is too long, unable to do 100% defence. 攻略本叫我以守為攻, 只要捱到25分鐘, 援軍就會趕到, 但根本捱唔到咁耐. 「主啊! 救我!」

於是神再次派阿Ken去「拯救」我, 佢教左我獨孤求敗只攻不守呢一招, 壓住對方, 令後方可以保留實力, 再等援兵. 可惜我冇阿Ken用mouse果種神技, 封唔住戰線, 又增唔切兵. 結果都係一敗塗地, 比人攻破城牆而前方又損失慘重:< 於是我再檢討, 用一個新策略:「攻敵之不可不救.」雖然敵人一開始就人多勢眾, 但冇補給, 敵人既江東同江西大營(補給站)要再等5-10分鐘先會起好. 於是, 我用左最毒而又最唔似我本人既一招:「空城計」. 將引敵軍主力去攻自己個城(有城墙所以要一段時間先攻入), 而我方全軍攻打江東同江西大營, 總之你未build up就打沉你, 結果援軍未洗出動, 敵軍因為冇補給, 唔能夠增兵, 又比我打沉軍營, 唯有被逼撤退.

呢次係一個寶貴既經驗, 神教識我: 1)一定要檢討自己既失敗, 學習同嘗試新方法; 2) 不恥下問, 學習別人成功既經驗; 3)有時要採取主動, 又或者用D唔慣用, 甚至異想天開既方法.