漢洋新聞
漢洋新聞
漢洋在香港樂壇還屬新名字,其實年前早在台灣推出過四張專集,已有一班護他的忠實歌迷.事實上,在香港曾經也有唱片公司和他簽合約,滿肚子理想的他以為可以一償歌星夢,可惜……[不被重視]
漢洋曾經參加過第八屆新秀歌唱比賽,只因小時候很想當歌星,並不是為了得到什麼名利,他說:「細路仔個時,好想有自己既專集,呢個可以話係我既夢想,後來得左獎,公司(華星)同我簽左差唔多三年約,但只係出過兩首歌,放係什錦碟裏面,當時我都已經降低自己既要求,心諗有自己既歌都好啦,但到最後,根本d歌連派上電台既機會都冇,所以我好唔開心.」
當年漢洋屬於不受重視的一群,但𪊴幸有樂壇師父羅文特別為他監製兩首歌,他說:「羅文係我參加比賽既時候認識,我好榮幸能得佢賞識,佢重主動幫我做監製添!你話佢當時係我監製又好,老師又好,(咁佢有冇教你野呀?)有,佢有教我唱歌,例如點錄,點唱同埋咬字,但係公司始終唔係放我係重頭,咁都冇法.」
[衝出香港]
在事業上,漢洋屬於好運的人,雖然他並不算是星運亨通,但至少不會像一些歌手,只能出一至兩張專集,便在樂壇消失得無影無蹤,他說:「差唔多同公司約滿既時候,經梅少祈介紹,重出埋機票比我去台灣試音,又ok喎!所以過去台灣發展,都有成四、五年.出第一張唱片個時,反應都幾好,但係因為公司問題(倒閉),所以冇再出碟.咁我又算幾好彩,得到朋友(張瑞哲)介紹我入第二間唱片公司,個時我都好開心,因為公司對我好好、好照顧我,待遇又好,個老闆都想我學下製作,個時開始我既音樂知識就愈來愈多.」在台灣出了四張專集後,漢洋我好友蘇永康及張衛健均不約而同地游說他回港發展,他說:「當時我個心十五十六,因為我覺得我已經花左幾年時間係台灣,一下子走左去,可能返唔到轉頭,好可能到時兩邊都冇晒.但係留係台灣發展,又會覺得好慣性feel,冇火花冇突破,但係唔做又唔得,所以個段時間掙扎得好厲害.」幸好他的舊老闆也是個通情達意的人,他說:「我同舊老闆傾tems,我話比佢聽,我想點發揮,想有新衝擊,但係佢覺得好難符合到我既要求.後來我都有同佢講,話想返香港發展,佢都希望我前途好D,所以之後達成協議解約.」漢洋是個飲水思源的人,就算合作不成,回到香港,與舊老闆仍會保持聯絡,始終大會也是朋友嘛!!
