漢洋新聞
BMA唱片公司近期除人氣偶像小雪外，還力捧實力派唱作歌手漢洋， 雖然暫時小雪的風頭蓋過師兄漢洋，但其實羅老闆一向都唔偏心，已為漢洋訂下一連串的發展大計...
受公司力捧
據BMA負責人稱，單是下半年便會以七位數字(即港幣數百萬)，力捧漢洋上位，其實早於漢洋初出道，公司已為他舉行個人演唱會，可見公司對他非常重視，對此，漢洋謂：「公司對我咁好，咁重視我，我梗係開心，仲要好多謝公司，但係唔可以真係太開心，會盡力繼續做好自己的音樂，我好感激老闆，唔止係金錢方面Support我既創作，最開心就係老闆寧願用多D時間，做到最好為止，呢樣真係好難得。」
歌唱、廣告、電影三線發展
下半年，漢洋除了推出個人大碟外，現在還有廣告接洽當中，他說：「拍廣告我就未知，其實我除了音樂上的野之外，全部野都係由公司安排我去做，而唱片方面我而家都開始揀緊歌，另外我仲會拍電影，之前《真愛》以客串形式演出過，來緊仲會同方中信、蒙嘉慧拍《沒有你沒有我》，可能下個月會出埠，之前話係日本，而家又好似係台灣，不過都仲未confirm。」
上月小雪與漢洋舉行的演唱會，部份歌曲將會收錄於新專輯內，其中漢洋重新演繹張學友的《頭髮亂了》，將會派上各大電台，對於重唱別的歌手的歌，他說：「其實我都未知公司會派邊首歌上台，我都唔怕同人比較，如果係善意的批評，我都會接受，學友唱歌好係人都知，佢都係我偶像，希望首歌出到來大家都鍾意啦！」
考觀眾緣
漢洋出道不久，就已經有瘋狂歌迷送花贈熱吻，證明漢洋的觀眾魅力絕對唔少。假以時日，假如漢洋有更多發揮，相信可以引發更多的瘋狂反應。
考唱功
漢洋唱功一流，無論任何類型的歌曲，到他口中，都特別悅耳動聽。唱現場，更加可以聽到漢洋的一流唱腔。相信漢洋如果能有更多發揮，聽眾會更加喜歡他。
