e

等o左一年、梁浩賢終於推出處男EP。主打歌〈含蓄〉因歌詞到肉而被禁，搞到滿成風雨，不過聽勻全碟，大部份歌曲o既詞亦離唔開年少氣盛o既情懷，好似〈快活〉當中o既「心裡火一再燒，星河也發現，青春氣息怎去掩，光到黑玩到顛…」，不過只得19歲o既梁浩賢亦唱出o左當中味道。值得一提，梁浩賢雖然其貌不揚，但佢勝在有實力，而假音方面不容忽視，〈樂園〉高音部份難唔到佢之餘，亦唱出o左梁漢文影子。 (Jinny)

新人梁浩賢CD封面上也有個Graffiti 式的簽名，莫非他也唱Hip Hop?在這EP中的 6 首歌，發覺梁浩賢並非很Hip Hop，而有著頗廣闊的歌路 -- 由 R & B 到Jazz 到Rock 到少少Hip Hop 元素的歌都有，可說是頗不一般的香港歌手。梁浩賢應算是香港人所說的實力派，聲底厚，且雖是首次出碟，但已顯示唱功有一定功力，潛質頗佳。暫時他可說有機會發展至蘇永康類的歌手，間中也有點張學友的影子呢。碟中歌曲水準也不錯｜這是張本地新人中較能突顯實力之作! (馮禮慈)

好快就係一年一度o既新秀大賽，舊年冠軍梁浩賢唔駛一年就有EP出，比起一D師兄師姐，真係比上不足比下有餘。
成隻碟，冇大名牌幕後班底，但係以新人第一張大碟O黎講，絕對聽得過。
梁浩賢o既唱功，o係水準之上，聲線、假聲、高低轉key，感情輕重，都把握得不錯，唱〈含蓄〉時，有蘇永康o既影子，但聲線比蘇醒神；唱〈樂園〉時，又有D杜德偉o既感覺。
最喜歡〈隨時隨地〉o既編曲，好輕快。
但係全隻EP6首歌，又係欠缺一首「嘭」一聲o既搶耳歌，新人第一隻碟，冇隻好搶o既歌又點引到人注意？
仲有，梁浩賢o既形象太過鄰家男孩，一D都唔突出、鮮明、搶眼，行出旺角撞口撞面都係咁款。
歌唔搶耳，人又唔搶眼，唱片公司有心想捧人，唔該落多兩錢肉緊，唔係o徒左一個唱得之人。 (尹嘉慧)

應屆新秀大賽冠軍梁浩賢，得獎後不久便有機會推出個人首張EP，主打歌〈一人同樂日〉，聽落有點謝霆鋒式的Pop rock歌曲餘韻，是全碟六首歌中，最好聽的一首；另一主打歌〈含蓄〉，中板的 R&B式歌曲，歌詞頗為大膽，旋律亦不俗，甚具可聽性；至於其餘四首歌曲，除〈樂園〉較可取外，其餘水準一般，聽了數遍，亦未能留下印象。誠然，要初出茅廬的梁浩賢，一出碟便要有強烈的個人風格，的確有點苛求，只有寄望往後的歷練，不過，一切還要看他的造化。

也許台灣的聽眾不是很認識他，不過梁浩賢可是香港華星唱片繼旗下天王陳奕迅琵琶別抱英皇之後，下一位為天王接班人。
他的歌唱實力是有目共睹的，不只是因為他勇奪2000年新秀歌唱大賽的冠軍寶座，其歌曲的掌握與技巧的成熟在在都讓人對他的未來充滿想像，而他最新的粵語專輯『Ho Yin AVEP』一出現，更讓人看好他的發展性，這張專輯中共收錄了6首全新創作單曲外加「一人同樂日」與「含蓄」兩首歌的音樂錄影帶，絕對令人大呼過癮，如果以聽膩了天王天后的歌聲，來一張潛力股的初試啼聲也是挺有味道的。