Page 13

呵呵，你估地又係邊個？佢就係我既姑媽姑丈啦，佢地好錫我架，我細細個都曾經比佢地湊過，大過左又好鍾意係佢地屋企住，因為姑丈姑媽都好好人，佢會聽小朋友說話，講道理，唔同一般既爸爸媽媽，我覺得佢地好通情達理，唔會話因為我地細，就無選擇權，我由細到大都好聽佢地話，因為我尊重佢地囉，佢地同我講乜我都好易入腦，好易接受啦﹗平時姑媽放工放好晏，但係個日竟然會見到佢地送機，我都係食飯既時候先知，真係surprised呀﹗

佢仔地有一仔一女，係我既表哥表弟，佢地同我比較friend，我拍同其他表兄弟姊妹，我地年齡差唔多，所以玩得埋啦，直至而家，雖然大家都大個，會同返自己朋友去街玩，但係我地過時過節見面既時候都無沒有半點陌生，一樣好似好熟咁，而且新年多數都會有一場麻雀友誼賽，我勝出既機會係好高架，所以我點會唔陪佢地打呢？