Page 16

我地成家人都好似真係無乜影過全家幅啦，係左邊呢幅就係我地既全家幅，可能對上一次既全家幅都已經係某年同佢地去馬來西亞影啦，我諗都已經四五年啦，唔知如果我唔黎要幾時先會影呢？

呢張相影得我阿媽就靚啦，不過個樣影得細呀，我估你地都睇唔清啦。個小朋友就係我細佬啦，小霸王一個，睇下佢個嘴係咁架   。點解呢，因為佢比人鬧完呀，唔知佢知我走既時候係點呢，之前佢一知我去佢就唔開心，成日發脾氣架啦，我估個日佢都唔記得啦﹗因為佢同我個表弟玩得太高與啦﹗

而家成日同細佬玩MSN，佢好得意，又好DEA架，以前我係度係咁咪好囉，不過而家都好掛住佢，佢都係啦，成日問我幾時返。仲記得前二年日日都要纏住我同佢訓一張三尺既床，真係辛苦我啦﹗不過唔同佢訓，又喊喎，又話比爸爸聽喎，咁即係向我示威啦，我都無佢乎呀﹗  
　

呢個就係SPACE FAMILY既爸爸啦，好難先搵到張同佢合照呀，呢張相我隻眼都唔知望邊呀，不過都好啦，你睇下爸爸影得幾投入，佢就影得幾好囉，我就...

兩個爸爸邊個好D同靚仔D呀？兩個爸爸我都鍾意，哈哈。