Page 19

成日都講有個人對我好好，買好多野比我，受晒我氣既人，想我做契女既人就係上面個位啦。佢叫我影相叫左N咁多次，但係我都唔肯呀，臨走啦，唔同佢影都唔得啦，所以都影左一張呀，咁多年黎，都好似無同我影過相呀﹗

佢就係夫子啦，咁多年黎都係超錫得，不停咁寵壞我。而家黎左澳洲之後，好耐無見啦，佢一定慳好多錢呀，因為成係香港係時候成日買野比我，而家雖然都寄好多VCD同MD黎，不過我估都慳唔小啦。仲有每年生日既前一個月佢就智拎定假，要我一定陪佢食飯，如果爸爸媽咪比我搞生日會呢，咁佢都會黎，如果唔搞呢，佢就請多一日幫我搞之，總之成廿歲人，好似無一年無開生日會架啦﹗每次佢幫我搞生日會，佢就慘啦，成個星期前要諗定煮乜，又要佢去約我既親戚，我親戚多呀，真係做死佢呀，不過佢仍然好ENJOY架。今年終於都無得開生日會啦，因為走左嗎，不過算啦，都大個女啦﹗唔知我讀完書返香港，佢仲會唔會話幫我搞生日會呢？

大個女啦，我都唔應該再對佢咁衰啦，等我試下改下我既態度啦﹗都係唔可以咁對佢呀，比人鬧死呀，不過我咁對翜梗係有我既原因，係無人會知既。不過算啦...都要改下，最多唔咁差啦﹗