加倫子係我第二個爸爸，我識佢既時候，就係我係SPACE讀書時識既。話說當日上ETHICS堂要分組，咁我唔識人，搵左幾個女仔之後，其他既女仔話想搵個男仔用下喎，咪諗住叫佢囉，因為佢好似同無同人一組，點知正當我地想搵佢既時候，比人捷足先登，我地就無人用啦﹗

之後放BREAK，佢無端端走黎講唔好意思喎，哈哈，真係好驚訝，無諗過佢會咁做囉，之後大家都幾好傾，就咁識左。原來佢有幾科同我一齊上，不過我唔知囉，又係佢話比我知架﹗佢之所以做左我既爸爸係因為我同兩個同學上電腦堂唔聽書，乜都唔知，但係佢永遠都照顧埋我地，所以我地就認左佢做爸爸啦﹗

爸爸係好人一個，好鬼大食，但係瘦到成個白粉佬咁，食極都唔肥，真係慘呀，佢身子仲好弱呀，好彩佢既女唔係咁，唔係就慘。佢咁多個女，好彩無一個女有佢既唔好遺傳，唔係真係家門不幸囉 ﹗呀...唔記得話比你地知，我仲有個吹氣既MARY媽媽，不過我仲未見過佢，佢死都唔肯比我地知佢係邊個呀﹗