HAMSTER...點解我會識佢呢，等我諗諗先﹗呀...記得啦，第一堂上電腦堂坐我前面，本來我就唔應該記得既，不過因為佢遲到既時間實在太耐啦，想唔記得都唔得呀﹗之後我地就係上堂既時候識囉，咁之後熟左啦，佢又識得爸爸喎，佢同爸爸特別好傾，因為佢地鍾意打ONLINE GAME，次次講親都唔停口架，我地其他姊妹都要企埋一邊呀﹗之後佢做左我家姐，我地次次都幫佢搵定位上堂架，如果唔係佢坐課室門口都似，不過同佢一齊好舒服，好開心。

呢個二家姐好好人架，佢一有新歌就會SEND比我架啦，雖然我仲係用緊56K咁慢，但係佢都肯呀，鍚晒家姐呀。仲有佢有個對佢好好既男朋友---小耀耀呀，佢兩個成日都好開心架，我有個咁既姐夫都唔錯，上次去CAMP都係佢地兩個幫我地買晒燒野食既食物呀，真係唔話得啦...個日我記得仲好凍呀，HEE HEE，我都話我家姐好好架啦，唔知我有無佢既遺傳呢？