~實現想夢~第四話
相葉:「係呀!!」
因為由事務所返屋企都要一個鐘呀!!!
所以沿路我同相葉傾左好多野。
真係開心,估唔到可以同相葉一齊返屋企,重傾咁多野添!!希望以後係咁就好lu!!
點知行行下,落雨呀!!我同相葉都無帶遮,返屋企段路重有大半,點好呀!?
我地唯有去d有瓦遮頭既地方等雨停,不過真係好大雨呀!!
去到一間舖頭門口,我同相葉講:「點算好呀?!咁大雨,有排先落完呀!!」
相葉:「係呀!!」
我突然講左句:「好彩咁夜咋~咪如果實有好大既哄動呀!!」
相葉:「點解咁講呀?!」
我:「你失憶呀?!你唔記得你係嵐既成員咩!?」
「係喎…..傻左添!!哈哈~」相葉笑到,我同佢都係度不停咁笑!!
但係笑笑下,我發覺我個身好熱!!
心諗:「點解隻腳咁軟咖?!唔得啦.......................」
就係咁,我一日暈左兩次。
我醒返,只係見到一間我從未去過,亦都覺得好陌生既地方。
「妳無野啦?!」相葉問我,原來呢度係相葉屋企呀!!!
我道歉道:「唔好意思呀……又煩住你啦!!」
「唔緊要!!都話妳重未好返咖啦,又要迫自己做野呀!!」相葉好似有d惡呀。
「好對唔住呀!!」係呢個時候,我淨係識講「唔好意思呀!!」、「對唔住!!」
相葉突然變得好溫柔:「妳知唔知我好擔心妳呀!?我見到妳做野個時已經唔多妥啦!!」
我唔敢再望相葉,感覺到塊面又好熱........
死啦!!一定又面紅啦!!
其實我係一個大喊包黎咖,我已經忍唔住啦!!「好對唔住呀!!好對唔住呀!!」
相葉:「妳唔好喊啦!!唔好意思呀!!係咪我惡左d呀?!對唔住呀~~」
我只係搖頭咁話:「唔係呀!!唔係呀!!係我唔好咋!!」
但係d眼淚重係好似唔聽話咁流出黎。
突然相葉用隻手幫我抹走d眼淚,我發覺相葉真係好溫柔呀!!
我成個人呆左,相葉:「妳唔好喊啦,我好驚見到人喊咖!!」
我聽到真係嚇親,我有無聽錯呀?!我係咪發緊夢呀?!
佢好平靜咁話:「妳今晚係度訓啦!!聽日送妳返屋企丫!!」
我只係點頭表示好!!係呢一晚,我真係訓唔著呀!!