~實現夢想~第十二話
相葉:「Suki呀....一係妳搬黎同我地一齊住丫,好無呀?!」
點解相葉會咁講既?!我問:「下!?點解呀?!」
「妳成日都一個人係屋企,咁悶,就算我地唔係屋企,都係一兩日既事.....
但係加代子可以成個月唔返呀!!悶死妳呀!!加上一個女仔好危險!!!」相葉勸我。
我:「但係……我咁樣係你地屋企出出入入,好唔方便咖!!如果俾d記者見到就唔好啦!!」
翔:「我地商量過咖啦,如果真係有咩事,我地咪話你係相葉表妹咪得囉!!」
大野:「加上你地拍拖之嘛,有咩咪公開囉,又唔係唔見得人!!」
我:「但係……一俾人知道,唔單只相葉受到影響,嵐都會咖!!」
二宮:「怕咩喎,我地係靠實力咖嘛,唔驚咖!!我地嵐經得起風浪!!」
潤:「係lu,加上一個女仔真係幾危險,妳重可以幫我地拾下屋嘛!!哈哈!!!」
大野:「呀.....你真係老實不客氣bo……Suki…..唔洗理佢!!」
潤:「講下之嘛!!」
我:「拾屋唔緊要,我係你地度住,係要做返d野既!!」
相葉:「咁妳即係肯呀?!」
我:「如果唔阻到你地既話,咁我就唔客氣啦!!!」
翔:「咁咪好囉!!加上我呢排大學要測驗啦,好少會返事務所,係屋企無時間煮野食咖啦,而家有妳係度就唔洗驚餓扁啦!!哈哈!!」
我:「但係我煮野未必好食咖。」
翔同我開玩笑:「妳叫相葉教妳咪得囉,哈哈!!!」
相葉:「好呀!!嘻嘻....我都唔想翔食埋d唔好食既野嘛,測得唔好咪死!!哈哈哈哈~~~」
我:「好囉bo!!我煮野係唔好食咖!!」
相葉:「講笑咋...唔好嬲啦!!」
我:「乜我咁小器既咩!?點會嬲喎。」
二宮:「我地聽日放假,唔洗練舞,聽日就幫妳搬d野去房啦,我地拾好咖啦!!」
我:「好呀!!唔該哂!!」
「搞掂哂啦!!」嘩!!間房好靚呀,好似專為女仔而設咁既!!
相葉:「我間房同妳間房裡面有多對門咖,有咩事可以過黎搵我咖!!」
我:「唔....唔該哂呀,不過……真係唔會阻你地?!」
相葉:「梗係唔會啦!!」
我:「哎呀……學校我要返半晝呀,我要返學啦......」
潤:「算啦,都遲左咯,不如今日休息下啦!!」
大野:「係呀,不如我地出去買d野返黎食啦!!大家都咁累,煮唔到野食咖啦!!」
我:「咁好啦!!我同學校請假,你地實唔出得街買野咖啦,你地話我知要買d咩..一陣我去買!!」
二宮:「妳一個人拎唔拎得哂呀?!」
我:「我可以去幾次嘛,我有既係時間!!」
翔:「咁妳咪好累!?」
我:「是但啦,唔通d野用哂都唔買咩,你地又唔方便!!無所謂。」
潤:「咁妳小心d呀!!有咩拎唔到,都打返黎啦!!」
我:「唔.....我出去啦!!」