Magic
Love
Chapter1
火車站傳出列車開出warning
『往咕嚕咕嚕魔法學校既列車將於半分鐘後開出』
「死啦死啦......今次實趕唔切啦........」松崎希一邊推住自己既行李一邊趕去月台。
結果，沒有運動細胞既佢雖然已經盡左最大既努力，但最後都係趕唔上既。
「ヤバイ！！！趕唔到架火車,就要聽日先有...會去唔到開學禮架喎....」希氣喘喘咁望住岩岩開出左既火車。
呢個時候,有個身穿同一樣校服既女仔施施然咁企左係希身邊。
「咦.....你又趕唔到架火車呀??」希問。
「火車?駛趕架咩??」眼前呢個女仔好冷淡咁回應。
「o下??趕唔到就去唔到聽日既開學禮架o拿!!!」
「少擔心啦!!」說罷,呢個女仔竟然掉頭行。
「喂,你去邊呀???」家下松崎希梗係死都要痴住呢個同佢同一命運既同學仔啦,所以佢拿拿林推埋自己d行李跟住人。
果個神秘既女同學,竟然仲有閒情走去飲咖啡。松崎希由佢身上既名牌知道佢叫做花澤寬子,不過擔心緊趕唔切既佢忽略左一樣重要既野──寬子既姓氏。
「花澤同學,你快d諗下點樣o係開學禮前去到學校啦!!!」希勁擔心呀!!
不過,希有希急,寬子有寬子悠閒咁飲咖啡,過左無幾耐,寬子終於嘆完佢柸咖啡。
「係咪去學校呀,捉實我啦.......」似乎寬子諗住用佢既天賦能力──瞬間轉移。
希乖乖咁聽寬子話,之後寬子就開始念念有詞咁,希都未搞清楚係咩一回事,就已經發現自己企左係學校門前。
「你好,歡迎兩位新同學黎到咕嚕咕嚕魔法學校,我係校工田中聖,請你地將行李交俾我然後去禮堂集合。」
希望住眼前呢個同佢差唔多大既男仔,佢心諗『o下??校工??咁後生既校工??』
出奇地,呢個校工竟然好似知希諗乜咁回應「細路女,其實我唔細架啦,已經年過三十五,係你睇唔出咋!!呵呵呵~~」
「o下??你點知我諗咩架??!」希瞪大眼咁問。
「你唔記得呢間學校,上至校董,下至學生,個個都有自己特別既才能架咩。睇黎呢位大叔就係可以睇穿人心事架啦~~」寬子冷靜地分析。
「呵呵呵~~果然係花澤家既人呀!!」田中。
「o下,咁同你一齊咪好恐怖??!?!」希。
「你又係要擔心d既,只有複雜既人係我冇能力睇得穿。黎啦,你地遲到架o拿,我帶你地去禮堂先。」
當寬子同希去到禮堂,岩岩好趕得切新生點名,佢地入去禮堂坐好冇耐,開學禮就開始o勒,例牌會係由校長長篇大論咁致詞先啦,而台下既希梗係痴住佢既新同學寬子坐,仲不停咁傾計啦...
「頭先田中校工話你係花澤家既人,唔通你既父母就係花澤魔法王國既創辨人??」希。
「嗯...」寬子。
「すごい,竟然父母都係魔法家...」希既媽媽都係魔法家,仲曾經應承過等希長大後會教佢魔法,可惜呢一日未到,佢媽媽已經因病逝世,所以希好羨慕寬子相親都係魔法家。
「我唔覺得有咩咁巴閉喎,佢地淨係識得用黎賺錢。」對於呢件事,寬子係極度不滿既,佢心目中,真正既魔法家應該係好似二宮和也咁,呢個亦都係佢入讀呢間學校既其中一個原因。
「咦...咁你第日咪要繼承魔法王國咯,好叻呀!!~~~」希。
希呢句簡直係踏正地雷,寬子最唔想提既野,所以搞到寬子開始有d唔耐煩。
「喂,你講完未呀?!?!?你可唔可以尊重o下個場合呀!!」寬子不客氣地說。
「哦....(比人鬧tim,
>.6)」希終於捨得收聲,令到寬子可以耳根清靜。
點知,希靜唔夠幾分鐘,又因為台上既老師介紹而情緒高漲起來。
「喂喂喂......下一個出黎果個係出名既魔法家二宮せんせい呀.....佢成日上雜誌架,估唔到佢真人比雜誌仲かっこいい呀~~~太好啦....佢係今年新黎既せんせい....」希又o係度一輪咀咁唔收口,但係寬子只係以勁仰慕既眼神咁望住台上既nino,完全無視希既噪音。
不過一個人既容忍係有個限度既,尤其是當你想專心咁睇你心愛既野既時候....終於有人忍唔住啦.....
「你咪嘈住哂得唔得呀!!!!!!!!!!!!!!!!!!!!!!!!!!」寬子勁大聲咁講,起碼前後十行既人都聽到,全世界既人都望哂過黎,包括訓導主任阪本昌行,睇黎一陣佢地兩個有排煩。
感覺到阪本主任凌厲既目光,佢地2個都心知不妙。果然,dismiss既時候,佢地立即俾阪本主任捉左去訓話,估唔到佢地入學既第一餐晚飯係要同阪本主任一齊食,仲要咁快就俾人記得個大名,睇黎佢地以後係學校都要
“醒定”d啦!!
當佢地同主任晚膳完畢既時候,其他同學都已經返哂宿舍,於是阪本主任就隨手叫住路過既三年級生橫山裕帶佢地返宿舍。
岩岩俾人鬧完既寬子同希一路上都冇出過聲,直到佢地去到自己宿舍房既時候...
「你地2個今年就一齊住呢間房啦,要好好相處哦!」橫山。
「咩話?我以後仲要同佢一間房??」寬子希同時叫左出黎。
「我明明申請左單人房架喎!!」寬子。
「不過你父母已經同你cancel左,你係獨生女,咪當學下點樣同人相處咯。」橫山。
「同其他人一間房,ok!不過絕對唔係呢個煩人!!!」寬子指著希說。
「你估我家下又好想同你同房呀!!唔係你,我駛俾人鬧!!」希都唔輸蝕咁駁咀。
「家下係邊個一直係度嘈嘈嘈,成個ceremony一直都冇收過聲先呀!!」寬子。
「我嘈住你??我怕個ceremony悶親你先同你傾下計咋!」希。
「怕我悶??怕悶果個係你咋!!!」寬子冷笑說。
估唔到講到嗌交,雖然希係獨生女,而寬子又得個自閉既哥哥,但佢地係呢方面同樣都唔執輸,不過希既reason似乎有d
“格硬”。
一直企起一邊睇好戲既橫山裕忽然覺得有呢2個學妹係度,今年既寄宿生活一定會有趣得多。雖然佢好想繼續睇好戲,不過佢覺得咁夜仲留係女生既宿舍唔係咁好,所以只有終止呢場罵戰,反正日後仲有大把機會。
「好啦,唔好嘈啦,乖乖地返入房,其他高年級既學生都係住係樓上,有咩事可以黎218號房搵我橫山裕,
お休み~~」臨走前,橫山不忘佢一向既作風,向新黎既學妹單眼放電,嚇到希同寬子唔記得左家下佢地係嗌緊交,立即閃入房閂門。
第二日,一向喜歡懶床既希同寬子當然係齊齊唔知醒,唔到最後一分鐘都唔起身啦,好彩寬子有瞬間轉移,所以就算宿舍同餐廳再遠都唔駛怕趕唔切。
寬子同希岩岩好係正餐廳門口突然出現,搞到原本又係遲到跑去餐廳既內博貴剎唔切掣,一野撞左埋去岩岩企定既寬子同希度,結果佢地3個一齊仆左入餐廳度。佢地魯莽既行為當然係敵不過阪本主任既厲眼啦,佢地好快就坐低開始食佢地既早餐。
不過...好奇怪....希每逢食一啖沙律前都要浸佢係d水度,直到所以沙律醬都被洗掉為止,而有呢個奇怪既行為,唔單止係希喎,連坐係佢隔離既內博貴都係咁喎~~
「喂,你地2個洗乜鬼野呀?」寬子。
「洗走d沙律醬咯。」希同內同時說。
「點解呀?」寬子。
「我至憎食呢樣野架o拿!!!」又係2個一齊咁話。
「檯度咁多野食,你唔鍾意食呢樣做咩唔揀第二樣呀??」寬子。
「(一齊)我要食裡面d菠蘿呀!!」嘩,你地咁同聲同氣既?!?!
雖然寬子覺得如果食得咁麻煩,不如唔好食,不過理人閒事一向唔係佢既作風,所以佢低頭繼續食自己既早餐。
不過...冇幾耐之後,希似乎同佢隔離既內博貴有衝突喎....
「喂...你有冇搞錯呀,用哂d煉奶!!」內似乎在責怪希喎...
「咁人地逢係食親麵包類既野都要落架嘛.......」希。
「我夠要落係d麵包度咯!!!你唔駛留返d俾人架咩!!!!!」內不滿地大叫。
「cher.....不嬲d煉奶都係我一個人會點咋嘛,我點知你又要喎!!!」希。
見到佢地2個竟然一樣,都係有d咁奇怪既飲食習慣,寬子又忍唔住開口啦...
「你地2個都幾得意喎,一樣鍾意洗走哂d沙律醬,又一樣鍾意落咁多煉奶食麵包,你地咩人黎架?!?!」寬子。
「唔知呀....我呢個習慣好似係細個果時唔知受邊個影響而有架....搞到家下食親麵包都要浸完煉奶先食啦~~~」希。
「o下??咁好易肥架喎!!」寬子。
「係呀...
不過冇計啦....家下唔落就好唔慣啦~~」希。
在旁既內博貴聽完希咁講之後,忽然拉起左希左邊既衫袖....
「喂!!!你搞咩鬼呀!!!!!!!」突如其來既動作嚇到希
“V嘩鬼叫”。
之後內博貴亦都拉起自己右邊既衫袖,仲同希講:「你仲記唔記得細個時有個男仔同你一齊爬樹,結果大家一齊跌左落黎,之後隻手都多左條疤痕呀??」
俾內咁樣講一講,佢開始覺得眼前呢個人有D面善...
「你係....」希。
「我係搞到你家下咁鍾意加好多煉奶係麵包度既人呀!!!」內。
「小內內~~~~~~~~~~!!!」希因為認返兒時玩伴而興奮忘形地大叫內博貴
“可愛”既暱稱,坐係附近既同學仔聽到後都忍唔住笑,搞到內博貴勁唔好意思。
「喂,你咪鬼咁叫我啦,你係咪想我叫返你做
“小希希”呀!!!」內。
「你咪亂黎呀,最多叫返你uchi咯!!」希。
聽到佢地有d咁令人毛管楝既暱稱,寬子忍唔住問:「你地2個究竟係咩關係?]
「我細個係由佢媽咪湊架,所以成日一齊玩,後來我搬屋搬走左,冇聯絡lu~~」內。
「嗯嗯~~不過呢....明明uchi細個果時好蠢架喎,冇理由佢可以入到呢間學校同我做到同學架~~」希。
「喂!!你講咩呀!!蠢果個係你咋,成日俾我蝦!!」內。
「hiroko呀~~你知唔知呀,d人呀,成2歲先識行,近3歲先識講野,差d俾人當係啞既...你話邊個蠢d丫?」希。
「唔知邊個細個係喊包,一喊就搞破壞,實整爛d野,仲要喊到失聲先識收聲呢?!」內。
「你....」
希同內繼續搵返大家細個d瘀野黎挖苦對方,而寬子就俾另一邊既噪音吸引左佢既視線。
「橫山學長....我有2張烤肉卷呀,不如今個weekend去食咯!!」女同學A。
「橫山學長....我地weekend去睇戲o丫~~」女同學B。
「橫山學長.....下晝你想食咩呀??我整便當俾你食o丫~~」女同學C。
呢個情況,在坐既同學,除左新生之外,其他人都係見慣不怪,因為由橫山裕入學沒多久,咁既情形差不多是每日既指定動作,冇計啦,d人呀,幾乎來者不拒...
「嘩,原來沈晚為我地帶路既學長咁受歡迎架喎~~」希。
「cher...你睇住黎o丫,唔駛幾耐,佢d
fans一定過哂黎我呢邊,到時坐我隔離果個一定唔係你,haha~~」內自信滿滿地說。
「o下??就憑你同橫山學長比??人地比你やさしい咁多,好難架喎~~」希。
「や咩さしいo丫,佢最多咪淨係識放電,你唔記得佢沈晚臨走前做過d咩呀?!」寬子不屑地說。
「佢做過d咩呀??做咩呀!!!」內忽然好緊張咁問。
「之唔係電我同希i咯,仲有d咩做得出o丫~~」寬子平淡地說,一d都唔受電喎,仲有d厭惡tim。
「電???點電呀??係咪咁呀??」之後內駛出佢自認為最殺食既電眼功,不過似乎希同寬子都唔係好buy喎,佢地決定返房準備一下之後要上既堂,留低內博貴自己繼續練佢所謂既電眼功。
by nozomi