| f | a | s | c | i | n | a | t | i | o | n |
當麥記都話每個月要新新口味，你仲有咩excuse坐以待斃唔去接受你生命中初初睇極都唔睇入眼既新鮮事物呢? 反正年青，imput多o的新鮮事，keep住你body & soul 都有營養。當然，要用你既智慧選擇一o的對你有positive impact既東東西西啦，就當係一種投資，用智慧賺取更多智慧，可能有o的人會覺得生活可以好簡單，無需咁長遠而且處心積慮，但係，你亦都可以好好細味你選擇既部份，以行動去支持去BACK-UP你個生活信念。
因為你過開點樣既生活，聽開點樣既歌，睇開點樣既戲，諗開點樣既野，都會有潛移默化既影響。刻薄o的講句，你N年後會變成一位衝口而出都up得出數十樣你欣賞既野既人，還是係一位日呻夜怨樣樣不得志既人，此時此刻都有得睇!
lifestyle呢樣野，好多時都係循序漸進既，連「Mary Has A Little Lamb」都彈唔掂，點彈Chopin隻「狂想曲」? 學mini講，要識得崇拜，先要識豁達，如果吓吓憎人富貴厭人貧咁爭取快慰，生活就永遠口渴。
其實我真係唔明，點解當我話我唔鐘意twins (not hate)既時候，我隔離個S君會話：「點解唔鐘意呀? 佢地唔靚咩?」更加恐怖既係，一個o係香港土生土長既中三學生可以連邊個係John Lennon，邊首係Imagine都唔知!! 更加唔好提果o的個嘴不停"yolk"但係一問佢首歌點解就口啞啞既人!!
對香港最失望既係佢既culture唔重視創作，take repeating the same steps as no big deal，又唔識諗吓成份project點黎，少positive imput，又點會有standard?
HK有咁多band one學校，標榜英文好兼語言能力高，但其實睇番一班HK teenagers每日既生活，真係供應到足夠營養足夠氣質俾佢地嗎?
一個國際大都會，多元化亦多文化，但係真正養出黎既恐怕只有精神分裂呢種文化。The things taught at school，相對於第時工作要用到既，根本formal到唔可以靈活運用，死既知識我地聽得多，真正可以復活既智慧有幾多?
太多不能選擇和不能不選擇的生活，我們漸漸被壓力打敗了。
冇辨法之中既辨法係學convex mirror，always tries to get a wider view，反正種瓜得瓜，總唔信你聽好多sammi會養成似faye既唱腔，更唔信你聽開radiohead會養成twins既氣質。
有本錢既賺多o的本錢，冇乜本錢既更加需要培養本錢。Who knows! 做人做極都跟足條舊path既，係唔會一飛沖天既。趁你後生，放馬過去!!