Bliet (u Miti)
Sejħa lill-Awturi
Dawk l-awturi li jixtiequ jieħdu sehem fl-attività
artistika ewlenija ta’ Inizjamed għal dan is-sajf huma mistiednu
jibagħtu poeżiji jew kitbiet qosra ta’ proża ispirati
minn qari mill-ġdid ta’ l-istorja tagħna bħala poplu.
Importanti li dawn il-kitbiet ikunu bil-Malti u qatt ma jkunu xxandru qabel.
Dan il-proġett, li beda f’April u li fih hemm involuti
numru ta’ awturi atturi, pitturi, skulturi u mużiċisti, jismu
“Bliet (u Miti)” għaliex din it-tema ta’ l-interpretazzjoni mill-ġdid
ta’ l-istorja u l-identità tagħna bħala poplu rbatnieha
mal-figura tal-belt marittima Maltija.
Aħna se nkunu qegħdin naħdmu l-Birgu, bi sħab
mal-Kunsill Lokali tal-lokal u s-sindku John Boxall, iżda dan il-proġett
mhuwiex dwar il-Birgu. Naturalment uħud minna tnebbħu
mill-figura ta’ din il-belt marittima Maltija ewlenija iżda t-tema
tibqa’ l-interpretazzjoni mill-ġdid ta’ l-istorja u l-identità
tagħna bħala poplu.
Il-preżentazzjoni tal-kitbiet li jintgħażlu
minn Inizjamed, bis-sehem ta' l-awtur Spanjol mill-Galizja Miro Villar, se ssir fl-aħħar ġimgħa ta’ Awwissu u
nittamaw li noħorġu pubblikazzjoni bil-kitbiet. Għaldaqstant
il-kitbiet iridu jaslulna, preferibbilment bl-email, sal-5 ta’ Awwissu,
2002, f’dan l-indirizz: inizjamed@maltaforum.org.
L-indirizz postali huwa 325, Triq Tonna Barthet, Pmebroke, STJ 14;
in-numru tal-fax huwa 21 373272.
Għal aktar tagħrif iktbilna jew ċempel lil
Adrian Grima (2137 6941) jew lil Karsten Xuereb (2137 2993).
Adrian Grima
It-8 ta' Lulju, 2002
