Biagio Marin

Mater inviolata

Quando davanti a Gabrielo

tremando duta, t’ha sbassao la testa,

el Signor el t’ha messo intorno un velo

de paradiso a fate la so festa.

Ale d’anzuli ha fato una barriera

intorno a tu, un bossolo de luse.

No t’ha basagia el sol

e no l’aria lisiera,

le stele stesse xe restae confuse.

In quela solitudine de sielo,

solo per Elo ‘l cuor s’ha verto;

per duto ‘l resto, gelo,

tu vampa granda nel divin deserto.