Issues/Intrigues:
SINAPAWAN
NA RAW SINA JUDAI AT CLAUD?
JOLINA MAGDANGAL has
every reason to be happy. First, successful ang kanyang album under
Star Records simply titled Jolina dahil nasa triple platinum na
ito and according to Jolens nu'ng makausap namin sa ASAP last Sunday,
malapit na itong mag-quadruple aside from the fact na kumita rin sa
takilya ang Hey Babe na movie nila ni Marvin Agustin under Star
Cinema wherein, nasa top rating din ang TV show niyang Labs Ko Si
Babe ng Dos.
At ang sigaw nga ng
nakararami ngayon, si Jolina ang hottest young actress at tinalbugan
na raw niya sa kategoryang ito sina Judy Ann Santos at Claudine
Barretto.
Ano bang reaksyon dito
ni Jolens?
"To be honest with
you, 'yung sinasabi nilang ako na raw ang hottest young actress,
na tipong ako raw ang number one, etcetera-etcetera, hindi ko
pinapansin as in deadma lang talaga ako.
"Ewan ko, pero ang
feeling ko kasi, parang wala pa ako sa kategorya nina Judy Ann at
Claudine 'coz for me, mas marami na silang napatunayan kesa sa akin.
"Pero 'pag
sinasabi nilang 'andoon na ako, na ka-level ko na sina Claudine at
Judy Ann, 'yung feeling ko, masayang-masaya at proud na proud.
"Iba kasi ang
feeling 'pag sinabing kagaya mo na sina Claudine at Judai. Let's
face it, silang dalawa talaga ang pinakasikat na young actress, 'di ba?
"So, 'yung mai-level
ako sa kanila, parang napakalaking achievement na sa akin.
"But still, hindi
pa rin ako nakikipag-compete sa kanila. Trabaho lang ang lahat
ng ginagawa ko and I'm happy and at the same time, very proud dahil 'yung
lahat ng ginagawa at pinagpapaguran ko ay ina-appreciate ng mga tao at
'yun ang importante para sa akin.
"Besides, hindi
naman talaga ako nakikipagtalbugan sa ibang kasamahan kong artista.
Ang sa akin kasi, 'andito ako para mag-entertain ng tao at hindi para
makipagtalbugan or whatsoever.
"Sa ngayon, ang
trabaho ko na lang talagag ang pinagbubutihan ko. Mas maganda
kasi kung ito ang pagtutuunana ko ng pansin kesa sa mga intrigang
ganyan.
"Mahirap na rin
kasi. Ako pa naman ang tipo ng taong ayaw ng merong kaaway.
Mas gusto ko kasi 'yung meron akong peace of mind. Na tipong
kahit na anong gawin ko, enjoy ako dahil alam kong wala akong
inaagrabyado at tinatapakang tao."
Suwerte nga ni Jolina
dahil sa dami ng mga young actress ay tinangkilik siya ng mga tao.
"Ang lahat ng ito,
utang ko talaga sa lahat ng taong nagkagusto at sumuporta sa
akin. And I believe, na kung hindi rin dahil sa kanila ay hindi
ko mararating ano man itong kinalalagyan ko ngayon.
"Siyempre, very
thankful din ako sa Dos at sa Star Cinema, special mention din
siyempre sa parents ko, na all-out ang support sa akin but most of
all, sa Itaas for giving me all these good blessings.
"Basta ngayon,
feeling nasa cloud nine talaga ako. As in, masayang-masaya
talaga. Sobra! Ha-ha-ha!" at humagalpak na ng tawa si
Jolina.
Aminin man o hindi ni
Jolina, pero lumalabas talagang kaya na niyang dalhin ang sariling
pangalan without the help of Marvin?
At ang latest tsika nga,
iiwan na raw niya ang loveteam nila ng binata at last movie na nga
nila ang Hey Babe?
How true?
"Hindi naman
puwedeng iwanan ko na lang nang bigla-bigla ang tandem namin ni
Marvin. Siyempre, 'andoon pa rin 'yun. Hindi totoong last
movie na namin ang Hey Babe. Gagawa pa rin kami ng movie, pero
baka next year na lang ito matuloy.
"So far, baka ang
gawin ko ay gumawa ng movie na iba naman ang kasama. Like, heto
nga, si Robin Padilla naman ang makakasama at makakatrabaho ko sa
bagong movie na gagawin ko sa Star Cinema."
Tutal, okey naman ang
takbo ng career ni Jolina, siguro naman by this time, puwede na niyang
pag-ukulan ng pansin ang kanyang puso.
At aminado naman si
Jolens na may mga nanliligaw sa kanya. And the latest we heard,
si Carlos Agassi raw ang isa sa masugid niyang manliligaw ngayon.
Totoo ba ito?
"Hindi totoo 'yan,
'no? I mean, hindi ako nililigagwan ni Carlos. I admit that we're
close, pero hanggang du'n lang 'yun."
Pero, inamin sa amin ni
Carlos na nanliligaw ang binata sa iyo.
Idenay ba ang bagay na
ito, Jolina?
"Bakit ko naman
idedenay ang bagay na 'yan? I mean, anong masama kung manligaw si
Carlos sa akin? Eh, kung hindi naman talaga totoo, bakit aaminin ko, 'di
ba?
"Wala... wala
talaga akong alam tungkol sa bagay na 'yan.
"Hindi ko talaga
alam na nililigawan ako ni Carlos. Wala akong idea. Pero
kung sakaling sinabi man niyang nanliligaw si Carlos sa akin,
fine. No big deal, pero kailangang kausapin ko pa rin siya para
malaman ko kung totoong sinabi niya na nanliligaw siya sa akin,
huh!"
Gano'n?
[Source: Super Teen
Movie Mag, 100399, No.150 by Jun Reyes]
