(Para sa paggiromdomon kan "April 9 Fall of Bataan," mga "Death Marchers" na nawalat ni Gen. McArthur sa Central Luzon, Asin an kakayahang manindugan kan mga Bicolano, uni an sarong artikulong hali sa satuyang nakaagi--moderator)

WWII Tangkong Vaca Guerilla Unit

ni Perry M. Calara, KNF

Moot kita sa Talingkas (kalayaan). Ipinaglalaban ta ini. Dakol na sa satuyang nakaagi an nagpapatunay na maski pagkapot armas gigibohon para lamang magkaigwa kita nin talingkas.

Nakiulay an Kaiba News and Features sa saro sa mga Bicolana kumander kan World War two (WWII), ki kumander Cressencia Anciano. Igwa siyang pigtaong mga istoryang dapat ikaorgolyo kan lambang Bikolano. Mga istoryang nagpapatunay na kaya tang bantayan an satuyang sadiring sosyodad.

Kung kaidtong WWII igwa man na Hukbong Laban sa Hapon (Hukbalahap) sa Katagalugan, na pinangenutan kan Communist Party ninda Crisanto Evangelista, may katungod man sinda sa Bicol. Saro sa mga grupo sa Bicol na nakilaban sa hapon iyo an Tangkong Vaca Gerilya Unit (TVGU).  Nagsirbi si Kumander Anciano (o Nanang Cres) sa TVGU.  Daughters of Tandang Sora (DOTS) man an apod sa grupo nina Kumander Anciano sa TVGU--grupo nin mga kababaihan.

An Tangkong Vaca lugar na yaon sa enot na distrito kan Camarines Sur.  Mahihiling siya sa highway paduman sa may Libmanan hali sa Naga City.  Nakakamundo lang ngani ta may mga kapitalistang gustong

minahon an bukid na ini asin raoton para, sabi ninda, sa kauswagan kan banwaan.  Pero iba pang istorya ini. Pinangenutan an TVGU ninda Sgt. Juan Miranda, Messrs. Leon SA Aureaus, Elias Madrid, sagkod Policarpio Madrid.

An nagkapirang lugar na may operasyon ang TVGU iyo an munisipyo kan Canaman, Libmanan, Pamplona, Gainza, Sipocot , Pasacao, Minalabac, sagkod Ragay.

Kun babasahon an istorya kan TVGU bako lang Hapon an saindang kaiwal. Pig-huhunting ninda kaidto an mga Pilipinong traidor na inaapod nindang ganaps, mga Bicolanong collaborators sa mananakop. Sinusuka ninda kaidto an mga politikong Bicolano na nagsirbi sa Filipino puppet government kan hapon.

An pinaka dakulang naginibo kan TVGU iyo an pag-ambush ninda sa grupo ni Gen. Takano (may nagsasabing Tanaka) sa Taguilid pass kan

Pamplona. Inaapod an labanan na "Battle of Taguilid Pass." Ubos su mga Hapon sagkod kaibahan na mga ganaps. Sa conserbatibong pag-estimar 168 ang gadan.  An Battle of Taguilid Pass" nagpapatunay na igwang kakayanan an mga Pilipino, lalu pa an mga Bicolano, na mag-organisa nin military operation para bantayan an sadiri niyang banwaan.  (Inda man daw ta sa Mindanao dai kaya kan Military an sabi nindang 60 na Abu Sayyaf) Sa TVGU napatyunayan na kaya tang manindugan.  An eksperyensya kan TVGU an makakapagsabing dai ta kaipuhanan an mga Amerikano sa Mindanao. Kaya tang bantayan an satuyang sadiring nasyon. Kun kinaya man kan TVGU na ubuson an halos duwang kumpanya ni General Takano, kaya ta man sigurong ubuson an natatadang Abu Sayyaf, collaborators sa Abu Sayyaf, O labanan an nasyong gustong magsakop sa satuyang banwaan.

Tapos na an Giyera, itinaas ta na an mga bandera kan kapangganahan. Pero, 57 taon makaagi na WWII garo yaon pa man giraray kita sa sitwasyon kan giyera: dakul pa an problema sa satuyang ekonomiya asin politika.  Padakol an mga nagugutom. Padakol an mga mayong trabaho habang lalong nagyayaman an dati ng mga mayayaman. Dai ta maresolbahan an problema sa Abu Sayyaf. Ano daw, kaipuhanan ta pa kaya an sarong TVGU?

(May kaparehong artikulo ining nagluwas naman sa Hard Copy kan KAIBA News and Features (KNF). Libreng naipapanao an Hard Copy kan KNF sa mga Bikolano huli sa mga donations sagkod sponsorships. Kun siisay man an gustong magdonate o magsponsor sa Hard Copy paki-contact lang tabi an Moderator.

Naitao an artikulong ini satuya sa kagayunan kan boot kan Gladius Philippines sagkod ANMA Agrivet Supply, stall#4 CBDII, Triangulo, Naga City, tel. 811-1463, mobile 0917 538-3763)