|
We want to know what you
think of this article
US Army Maj. Nagpa Bicol
Kaiba News and Features
Binisita kan sarong US army major an nagkapirang lugar sa Bicol na may
"counter-insurgency operations" an Armed Forces of the Philippines (AFP).
Sa sarong e-mail press release kan Pebrero 16, sinabi ni Gregorio
"ka-Roger" Rosal, tagapag taram kan Partido Komunista kan Pilipinas, na
binisita ni US Army Maj. Jeffrey D. Antonio an AFP command sa Bicol na
may "counter-insurgency operations." Sa sarong semanang paglilibot poon
kan Pebrero 3, dinumanan ni Antonio an banwaan kan Bacon asin Donsol sa
Sorsogon; Libon, Camalig, Polangui, Oas, asin Ligao sa Albay.
Dai man nag-comment si Maj. Jose Broso, spokesperson kan Military's
South Luzon unified command, kan pig-kontak ini kan Philippine Daily
Inquirer. Pinapabayaan niya an AFP high command an magtao nin statement
sa isyu kan pagbisita ni Antonio sa Bicol.
Naireport naman kan Associated Press na Pinaplano kan Amerika na
"magkaigwa nin "counter-terror" campaign sa Pilipinas" na malagpas pa sa
pinagkasunduang Philippine-US military training arog kan BALIKATAN sa
Mindanao.
Sinabi naman ni Fernando Hicap, national chairman kan Pambansang Lakas
ng Kilusang Mamamalakaya ng Pilipinas (PAMALAKAYA), na baka an
inspection-tour kan US major sa Bicol kapinunan lang kan nagdadakulang
US military intervention sa Pilipinas. Dinagdag pa ni Hicap na dapat
imbestigaran ini kan kongresso bago gibohon kan US, sa tabang kan
Malakanyang, na maging sarong Vietnam an Pilipinas (Nagpadara nin
ribo-ribong tropa an US sa Vietnam kan dekada 60's-70's).
Dinagdag man ni Rosal na, "gigibohong pilot area an Bicol para sa sarong
civilian-military-diplomatic counter-guerilla program. An US-RP
Humanitarian Assistance Program, na ilalaag sa iba-ibang lugar sa Bicol,
gigibohong front para sa directing paglaog kan US sa giyerang
counter-revolutionary. An mga US military officers arog ki Antonio
masirbing "counter-insurgency" advisers."
"Malinaw na an pagbali kan CPP asin NPA sa listahan kan US bilang sarong
"terrorist-organization" para magkaigwa nin basehan para sa saiyang
interbensyong militar sa Pilipinas," dagdag pa ni Rosal (KNF,www.kaiba.cjb.net).
If you have articles, press
releases and bicol news that you would want to contribute to KAIBA,
we appreciate if you'd put the text in a diskette and send it
to our P.O. Box. Or you may send it to our email add
below. Articles must be pasted or typed directly into
the email. Please no attachments.
|
