Kauhai Jan Kaawai
20 Mei K.Kinabalu - Ani kau kan bapadah pasal dua lulu yang hampii jan oang Kedayan daii mulanya. Sampai kaangani pun ada, nganya kuang sudah laaa. Ada bezanya ni kedua dua hamba Allah ani.
Kauhai sejenis buung. Bulunya baahinu. Lawa, taabang tinggi. Warnanya hitam, jan gadung, ada dua ikungnya yang dinamakan lakai laai laai bila ya taabang. Saiznya basaa basaa hayam. Munnya taabang bunyinya nampaik, bapadah akan yang ia taabang di atas langit. Dagingnya baik lagi asanya daii daging hayam.
Kakal
ku ingat ai kami kakal badamitan mulanya, asal asa Kauhai taabang samhua
malangui.. Siuk….
Kaawai
ni mun kan tahu ialah dai lulu serangga. Mulanya mun aii di masjid, iski hantap
ia ni mahaga lampung gas. Basa tubuhnya kuang
labih macam samut gandang. Panjangnya kuang labih 255mm (sainci) libaanya 5mm
alum campuu sayap. Sayap kii jan sayap kanan bila dicampo kuang labih 510mm.
Warna tubuhnya? kuning baat baat ka miah. Kuang kabih oren la jua tu, campuu
campuu hitam.
Bacampuu
tia jua tu sama-sama kulintutu ibun-ibun. Kaistimewaan lulua ani ialah
kekuatannya nyangat. Bisa liau. Mun taluus aii angai inda baik ada yang sampai
paning kana sangat, ada pulang jua yang sampai kapisan.. Ada yang mbaii pitua.
Mun kan mgambii Kaawai ani, pigang jan tangan kii inda kana sangat. Mun kana
sangat pun inda baapa bisa. Ani alum ku mancnba la. Tapi yang kulihat biani mun
malam batadauus ada jua liau liau yang baani migang lulu ani jan tangannya.
Pingsaa jan pandidik basi, sampai mati. Tapi kala kala yang kan mingsaa atu tia
yang kana sangat.
Aku
pun masaii kan sangat ulih Kaawai ni.. Sakit liau, aii dating jua lagi.
Tapi
yang kan penyambung kua ani biasa laa. .KOL ni kan memang ditubuhkan untuk
membawa arus perubahan. Jadi caita d iatas inda lengkap mun inda ada moralnya.
Kauhai buung yang gagah perkasa, taabang dilangit dan menjadi kemegahan dimana
maana. Masalahnya ia sudah pupus. Yang ada tingaal caita. Jadi buat apa jadi
Kauhai.
Baik
kita jadi Kaawai. Damit nganya tapi bisa. Lagi basia ni fleksible dengan keadaan.
Aah lampung gas ok, pilacut ok, kaaangani aah fluorescent lamp - lampung
kalimantang pun ok.
KOL
END
[HOME]
Selamat Menyambut Hari Ibu
BILA
KALI YANG PALING LAST KAU MULIH malihat liaumu? Kalamaii? Saminggu? Sebulan?
Satahun?
Main
tiup tiupan daii batang padi. Ambil
batang padi kia kia-sabuku. Lapas tu kaat dikit hujungnya aah
batang siing buku taoi manimpus
gayanya, kan jadi lidahnya mbaii baabunyi.. Lapas tu tiup tia. Baik bunyinya tu.
Dai
junjung ani tah kita bajalan batis ke sikulah. Inda bakasut inda basitukin.
Basalipaa lapik lapik atu pun dibincang pasal mun aii tanah liit inda dapat
diapakai. Lakat aah tanah kuning. Jambil warna hijau. Kala kala kana baii 10 sen
kala ala inda payah. Sampai ka sikulah kana suuh mapat umput, nyabut umput dahulu. Atu tah
mun ka sulilah kana suuh mbawa maang. Apahal laa cigu nyuuh mbawa maang ka
sikulah.
Tapi
tahu ku, kau andang pandai. Hagut dapat lombo satu di sikulah.. Sakali lapas atu
kau ka sikulah menangah sudah. Payah liaumu mbalanjai, walaupun kau dapat
scholarship tapi kala kala ada ua kakal tu tambus minta usin.
Baapa
gaji mu kaangani liau? Ku dangaa dangaa RM8,000.00 labih sabulan. Tapi jangan
kau maah ah aku kan baibun nganya ni. Aku di kampung ani mun aii musim duyan ada
jua la luih pabalasan iibu. Tapi status tu kau labih tinggi laa.
Ada sawang kawanku yang bacaita. Gajinya adalah jua RM7,000 sebulan. RM1,700 pambaainya umah, RM3,500 kan pambaainya kaita…potongan potongan diopis RM1,500. Kredit kat RM500, jadi RM200 lagi ia minta aah bininya bilang bulan..
Bapike ku, apa gayanya kan malihaa indungnya yang sudah tuuha? Salah pakah tu yah liau. Pasal mulanya aii bapadi inda jua liau kita njual abis padinya. Atu tah yang basia mbuat duung tu. Gunanya kan diambie sepanjang tahun mun aii kan makan. Tapi kawanku tu macam inda baduung tu liau. Jaan kau mbuat macam atu ihh.
Tapi aku tahu, kau baik kan indungmu… kau mimang anak yang baik. Tapi kau batah sudah inda. Jadi sempena Hari ibu ani..mulih tah ka kampung. Lawat mamu….
KOL
END
[HOME]