KINABUKASAN SOCIETY

Towards Unity and Service

Ating Pagmuni-munian...

muni-muni ng isang kapwa pinoy na walang magawa...

Kung and I LOVE YOU ay INIIBIG KITA, bakit ang umiibig (I)
at ang iniibig (YOU) ay mukhang naglaho sa pagkakasalin?
Dahil ba kung umiibig ang Pilipino ay nawawala ang AKO at IKAW
at nagiging isa at nagsasanib sa KITA?
Iyon din marahil and dahilan kung bakit ang kasal
ay PAG-IISANG DIBDIB at ang asawa ay KABIYAK NG PUSO.

Bakit may tawag tayo sa limang daliri ng kamay -
HINLALAKI, HINTUTURO,HINLALATO, PALASINGSINGAN at KALINGKINGAN-
pero sa daliri ng paa ay wala?

Kung and bicycle ay BISEKLETA, bakit ang motorcycle ay
MOTORSIKLO at hindi MOTORSIKLETA? O kaya'y BISIKLO?

Bakit ang SILANGAN (kung saan sumisilang and araw) at
KANLURAN (kung saan kumakanlong ang araw) ay maliwanag ang ibig
sabihin, pero ang HILAGA at TIMOG ay hindi mo alam ang pinagmulan?

Kung ang likod ng tuhod ay ALAK-ALAKAN,
bakit wala tayong tawag sa likod ng siko?

Kung ang IN ay ginagamit sa gitlapi sa prito para maging PRINITO,
sa gisa para maging GINISA, at sa paksiw para maging PINAKSIW,
bakit sa laga ang ginagamit ay and unlaping NI
para maging NILAGA.
Bakit hindi LINAGA dahil hindi naman natin sinasabing NIPRITO
O NIGISA o NIPAKSIW?  Alin ba ang tama?

Bakit may tawag tayo sa four seasons -
TAGLAMIG, TAGSIBOL, TAG-INIT AT TAGLAGAS-
gayong and panahon sa Pilipinas ay TAG-ARAW at TAG-ULAN lamang?

Kung may inang PUTA, bakit walang amang PUTO? 
Lahat ba ng lalaking kalapati ay matataas and lipad?

Bakit nakagawian na nating sabihing
isang SENTIMO at limang SENTIMOS?
Wala naman sa balarilang Tagalog ang pagdudugtong ng
"s" sa pangalan para ito maging maramihan. Hindi naman natin
sinasabing limang  PISOS, 'di ba?

Kung ang left-handed ay KALIWETE,
ano ang  right-handed?

Kung tradisyunal na nating itinuturing na ang ama and
haligi ng tahanan, bakit ang asawang babae ang MAYBAHAY at ang
asawang lalaki ay TAO lamang.

Bakit ang nakasanayan na nating sabihin
NAKAKAINIS, NAKAKATAKOT O NAKAKAALIW? 
Di ba ang dapat na inuulit ay ang unang pantig ng salitang ugat? Kaya dapat ay NAKAIINIS, NAKATATAKOT at NAKAAALIW.

Kung sinasabi nating AMOY ARAW, LASANG IPIS o MUKHANG ANGHEL,
mayroon na ba talagang nakalanghap ng araw,
nakatikim ng ipis o nakakita ng anghel?

Mayroon naman tayong LOLO at LOLA, AMA at INA, at TIYO at TIYA,
bakit wala tayong isang salitang katumbas ng SON at DAUGHTER,
NEPHEW at NIECE, at GRANDSON at GRANDDAUGHTER?
Itinuturing ba nating alang sexual ang ANAK, PAMANGKIN at APO?

Bakit sa Tagalog maraming katumbas and LOVE -
PAG-IBIG, PAGMAMAHAL, PAGSINTA, PAG-IROG, PAGLIYAG, PAGGILIW?
Dahil ba ang  Pilipino ay likas na palasintahin?

'Ika nga nila, you can judge a people by its language.

Yan ang pinoy...

Contributed by: Elma C. Torregrosa

if you have something to share, please click here