Bil-Flus Tista' Tagħmel Triq fil-Baħar
Inkella tinvesti fil-kummerċ ġust
Il-flus li tinvesti bħala membru sħiħ fil-Koperattiva Kummerċ Ġust jintużaw biex aktar ħaddiema żvantaġġati fin-Naħa t'Isfel tad-dinja jingħataw ħlas xieraq għall-prodotti li jagħmlu skond ir-regoli tal-kummerċ ġust.
Bħala membru int tista' tingħaqad ma’ numru dejjem jikber ta’ Maltin li qed jgħinu lil dawn il-ħaddiema foqra jgħixu ħajja aħjar u jtejbu l-edukazzjoni, is-saħħa u l-istrutturi soċjali tal-komunitajiet tagħhom.
L-investiment
tiegħek fil-koperattiva jgħinna nilħqu l-għanijiet tagħna,
fosthom li:
-
Inżidu s-sehem tal-kafè ġust mis-suq lokali tal-kafè b'għaxar darbiet fi żmien 3 snin
-
Fi 3 snin immexxu proġetti edukattivi f'mill-inqas għaxar skejjel sekondarji
-
Fi 8 snin niftħu ħanut tal-kummerċ ġust f'post iktar ċentrali minn dak li għandna llum
Sabiex nilħqu dawn l-għanijiet u nkomplu l-kampanji edukattivi li jsiru matul is-sena kollha, għażilna li ninvesti fix-xogħol ta' l-ewwel żewġ ħaddiema fuq bażi part-time. Nemmnu fil-kummerċ ġust u f’dak li qegħdin nagħmlu. U int?
Bħala membru int tista' tinvesti minn Lm5 'il fuq. Tista' tinvesti Lm20, jew Lm50 jew Lm1000. M'hemmx limitu. U jekk ikollok bżonnhom, tista' tieħu flusek lura.
Għal formola tas-sħubija jew għal aktar informazzjoni tista':
-
tkellimna waqt xi waħda mill-attivitajiet pubbliċi tagħna
-
tikteb lill-kkg@maltaforum.org - l-arka@maltaforum.org
-
iżżur il-ħanut L-Arka, 306, Triq San Pawl il-Belt
-
iċċempel fuq 2124 4865 jew 2131 5562.
16.11.03
