| Date | What's Up? | |||
| 30/5/2004 | 已經無update homepage for 4個幾月了, 真係懶到成隻鬼咁, 難得今日得閒又有d心情, 又記得起自己有個好耐 | |||
| 無update的homepage, 哈~~ | ||||
| 無寫diary咁耐, 有d驚, 因為發覺自己比起菲的仲懶..... | ||||
| 上次寫diary係一月的時候, o岩o岩係Lunar New Year, 真係過得好快, 自己都唔係好知自己做過d咩... | ||||
| 二月仍然係我至愛的月份, 二月食了三個蛋糕, 要多謝我的同事們, 我的朋友們, LingLing仍舊未能於正日陪我 | ||||
| 們一起去玩, 不過都要謝過她的禮物, 謝過她的鼓勵, 謝了~~ | ||||
| 生日時和朋友們一起吃了一頓愉快的dinner =) | ||||
|
|
|
|
||
|
|
||||
| 另外亦要多謝同學仔們的禮物and dinner, 連估唔到會出現的人都出現左, 謝啦~~ ^^ | ||||
| 二月之後的三月更係"多姿多采".... | ||||
| 外祖父的離世令我對自己四周的人有另一種的看法, 不知如何去解釋, 只知自己是如此的力不從心, 如此的愛莫能助 | ||||
| 整件事的發生都如Besty所講的"咁o岩", 直至現在我仍為自己當晚沒有去玩而暗暗的感謝主, 如果唔係我真係想像 | ||||
| 不到成件事的發展會是如何, 不是說自己好重要, 只是我不知自己會內疚多久..... | ||||
| 跟住亞爸和亞媽回到去, 親身的經歷整個事情, 當然很傷心, 很累, 但係亦令自己看多了: | ||||
| 人始終都是人, 你的能力是不會大到你想怎樣就怎樣, 就是你有多大的權力, 有幾多的金錢, 其實都是如此這般平凡 | ||||
| 人始終都是人, 無論是什麼事, 什麼關係都好, 總會有借口拉到錢這個話題上 | ||||
| 人始終都是人, 無論是如何的堅強, 如何的口硬, 都總會有你不捨的人, 總會有你傷心的時候, 總會有你措手不及的時 | ||||
| 候 | ||||
| 雖不只於看到了人情冷暖, 但真的大開眼界 | ||||
| 當媽說未能見到他的最後一面, 感到不孝, 感到未有盡大女兒的本份時, 是我在這事上的第一次流淚; | ||||
| 當親眼見到同時也是外孫女的表姐哭成淚人時, 是我在這事上最後一次哭 | ||||
| 原來, 人, 真的是可以傷心到如此的地步 | ||||
| 過去的就讓它過去, 心情在那半天的假期內回復平靜 | ||||
| 再來的是我的雙手 -_-!! | ||||
| 在我回鄉當晚開始, 雙手便長滿了一粒一粒很細的水泡, 癢得要命, 看了2次醫生, 足足一個月都未有好轉, 當放棄時, | ||||
| 郤得到同事的介紹, 買了一支只花我30大元的藥膏, 用了一支之後, 好番曬, 真係激死..............白白辛苦了成個月, 又 | ||||
| 花了幾百元看醫生 -_- | ||||
| 再來是我的"麻麻", 真是令人一肚氣, 不是怪她本人, 只是周圍的人真是好好好好好麻煩, 真的受夠了吧, 有好多野 | ||||
| 我都識得講, 仲可以講得好過你, 好聽過你都得, 但係我想講的是, 你愈是得個講字, 就愈係顯得你的無能!! | ||||
| 我真的好明白有$$出$$, 有力出力這句說話, 但係如果係無心的話, 我們受你的"力"也受得好辛苦!! | ||||
| 真希望我能夠發大達, 到時, 我要做你當天所講的野!!正所謂"寧欺白鬚公, 莫欺少年窮", 雖不太有信心能做到什麼, | ||||
| 但, 我的機會總比你多!!!哼!!~~ (在此要多謝肥A的意見, 謝啦~) | ||||
| 三月並不是完全的不濟, 生活中總有令人relax的時候: 大棠遠足是也~~ | ||||
| 一行也不知有多少人了, 但係識得的就有我啦, 肥A, Andy哥, 雯女and 她的2位朋友 | ||||
| 當天天氣對行山來說真是很不錯, 還記得上到山的時候真是好舒服, 好清爽, 好清新~~令人也精神了不少, 至衰就係 | ||||
| 大霧, 所以不能從山頂遠眺到什麼的風景, 成個行程共行了4小時, 雖然好累, 不過都好開心, 好滿足, 至奇的是第二 | ||||
| 天醒來時, 一點的酸痛也沒有~~哈哈~~好叻~ | ||||
|
|
|
|||
| 相中的風景是不是好靚呢, 在眾人面前的是一大片的草地, 好正架~~不過行左好耐先ｏ黎到呢度架, 所以大家見到 | ||||
| 呢個景都好興奮, 死都要影下相 (不過有d危險, 因為要行落d石度架~) | ||||
| 行程在元朗的大棠荔枝園作終點(不過由大棠行番出去元朗都幾係野.....), 第一次去o個度, 原來o個度好靚架~~仲好 | ||||
| 多人tim~ | ||||
|
|
||||
| 4月了, 公司有很大的轉變, 人事的變動快得驚人 | ||||
| 復活節假期和同事去了龍鼓灘BBQ, 玩得好開心, 一日便足夠了~ | ||||
|
|
|
|||
| 2位橙衫者分別是雯女and 瘦麥(係亞sir o黎架, 不過係一個粗粗氣氣的一位亞sir, 但係對我地and d學生好好架∼） | ||||
| 先講紅衫ｏ個位女士先, 佢就係我之前的COI, 叫Mandy （又係Mandy......), 佢抱住o個個就係佢個仔亞B了, 隔離黑衫 | ||||
| 那位男士就係Mandy的先生, 即係亞B的老豆, 我地叫佢做大王架~佢地三個真係好似樣架!!!!至於後排綠衫o個位就係 | ||||
| ShanShan了, 亞B好鍾意佢架, 灰色衫ｏ個個就係肥A, 佢隔離的就係Andy 哥了~ 好邪的係...亞大王以前係亞瘦麥的學 | ||||
| 生o黎架~ | ||||
| 在好多的傳言及忙碌中渡過了4月~呼~~(也少不了同Connie 媽她們一齊去睇受難曲, oh my god~) | ||||
| 五月一日勞動節, LingLing只係番左ｏ黎 2日就去左海南島玩, 之後就回去學校了 | ||||
| 五月一開始便接到肥仔resign的消息, 不過無咩特別, 可能都唔係真係太熟, 不過都恭喜他^^ | ||||
| 再過一個星期, 便到MiuMiu resign了, 真的是十萬個的不捨, 她是我第一位認識的同事, 我們一齊經過左辛苦的頭 | ||||
| 半年, 當初不是她在的話, 我想我是不能在這地方做上一年有多, 她很能幹, 頭腦轉得快, 人緣也很好, 性格又開朗, | ||||
| 從她身上得到不少, 學到不少, 每當我工作上有什麼的委屈和不憤, 我都會致電給她, 她次次都可以給我中肯的意見, | ||||
| 可能佢會覺得我天真, 但係都好有耐性的給我講解, 真的衷心的感謝她, 我想不是每個人都能有一位這樣的同事 | ||||
| 還記得曾同MiuMiu放工之後去街食飯, 行左好耐, 好耐, 講左好多好多野, 好夜o個陣仲去左食龜苓膏, 之後行番去 | ||||
| 美孚, 而家諗起好似好耐之前的事, 但其實都係一年多前的事罷了 | ||||
| 回憶有好多, 不過人還是要展望將來 | ||||
| 雖然真係好唔捨得, 但係大家友誼仍在 | ||||
|
|
||||
| 在MiuMiu last day的那一天, 大家都無約佢一齊食飯架, 但係又咁o岩撞到佢同Center的同事一齊wor, 真係有緣呀~ | ||||
| 我好鍾意呢張相, 影得好好呀, 大家估唔估到邊個係主角亞Miu 呢, 因為呢張相一d都唔似係有人要走的 farewell相 | ||||
| 答案：企ｏ係度穿黃衫ｏ個個就係Miu Miu了~~ | ||||
| 另外在此向大家介紹另一位同事 : Connie 媽~~(坐o係我同紅衫者之間o個個), 佢對我都算不錯了, 因為佢話我似佢 | ||||
| 細妹咁乖~~~hohohohoho~~~hahahahaha~~~唔知佢會唔會比零用錢o個細妹用呢?! XP | ||||
| 五月就在"Karen 生日+ 明日之後+詠黎園"的陪襯下渡過了~ | ||||
| 吃喝玩樂, 忙碌工作之時, 社會也起了不少的變化, 經濟好轉, 樓市上揚等等 | ||||
| 自由人多了, 但自由卻少了 | ||||
| 資訊多了, 但可以聽的少了 | ||||
| 恐嚇多了, 敢言的人也少了 | ||||
| 但總括這4個多月的生活, 我只想講: | ||||
| 人長大了, 負擔重了, 責任也大了, 但.....錢, 卻少了~~唉~ | ||||