Date	What's Up?
31/7/2004	七月最後一天, 一早起來(習慣左咁早就好自然咁醒左....但其實係好眼訓...), 好好天呀~~~
	新生活已經開始了有三個星期, 都開始習慣了, 雖然好多時都心心不憤, 不過因為唔想亞媽難做, 我都會照做的.....
	最近工作都有點無聊, 好得閒呢~~不過....又走一個了~
	那晚和友人爭辯了一晚, 好累
	點解人會有爭執呢??因為大家都覺得自己所講的或所持的理由都是正確的, 而我都不否認友人所講的不無道理,
	不過, 好簡單的, 只要你說錯了一句說話, 你就已經可以將所有野推翻了
	人儘管在那一刻是如何的激動, 講野前都要先諗諗(雖然我都未做得到), 我唔知點講, 總之有d野都真係講者無心,
	聽者有意, 一句說話已經可以好hurt的了, 因為我唔覺得你所講出o黎的事係我的錯, 難道呢個都唔係一個好合理
	的理由嗎??
	謝過lingling, 你所講的包容, 恕我真的未能做得到
	謝過hoiyee, 我地真的不是不公平, 真的只是時間的問題
	現在,就等一切都順其自然咁去發生吧
	先祝lingling考試順利, 亞牛工作愉快 ^^
18/7/2004	轉下頭又到左七月中了, 今日有d時間, 亦有d好心情, 所以終於都可以的起心肝o黎寫下野了~亞菲的唔好話我了~~
	第一樣野係公司調左EO之後都有d唔慣, 雖然都係做番自己野, 不過都係覺得有d怪.....大家都唔係好適應, 有事
	時都係唔知揾邊個好...揾呢個可能可以快d解決到, 但係你唔揾另外一個又好似唔係幾好, 又話你唔尊重佢....
	都係一個詞講曬: 麻煩~!!
	第二樣係interview完之後真係大受打擊, 覺得自己真係唔多得, 同自己剛畢業時差好遠, 點算好.......希望真係可以再
	有另一次的機會啦, 唉~~
	第三樣, 我發覺原來個個人都係一樣架, 一緊張的時候就咩都唔理, 可以話係發癲添呀~~~ Cert of Merit的前一天, 大
	家都活在惶恐下...好驚有人會發火, 因為已經知佢心情唔好, 又病, 又緊張...大家都小心翼翼
	到左當天, 緊張的人繼續緊張, 眼看其他人行來行去, 好似打仗咁, 你都唔好話唔驚, 不過我都有諗過幾次呢個問
	題: 做咩咁緊張?!有咩事要咁緊張呢?? 我就只係驚有人會發癲je, 咁其他人又驚咩??
	最後所有野都進行得好順利, 大家一齊食左一頓好開心好攪笑的lunch, 個對比都幾大, 不過真係好攪笑 XD
	第四樣係７．１, 時間過得好快, 咁又一年了~２年的遊行我都無參加, 我認我唔係一個熱血的青年, 對於自己身
	處的社會, 我所知的不多, 關心亦不多, 興趣更不大
	我自己無咁ｏ既quali 去comment 任何人, 唔同的人有唔同的意見同埋睇法, 只盼大家一直都可以自由的說出自己
	的意見, 儘管那些意見是好是壞
	第五樣係....點解d人可以咁冷血架?! 講緊的是那些什麼份子, 捉了某個國家的一個人用來要脅那個國家去撤軍, 否
	則斬首.....至幣的係佢地真係講得出就做得到, 但係佢地唔會覺得ｏ個位仁兄好可憐的嗎?(這好像問得有點白痴...)
	點解佢地又忍心真係殺左人地.......另外內地的劣質產品(用劣質去形容都算俾面佢了 -_- )又係恐怖到嚇死你, 問題
	又ｏ黎了, 點解佢地又係咁冷血, 點解佢地又做得出架??食死人架wor!點解架?!我一諗到呢度我就打冷震...邊個話
	中國人係重情重義架?!BB食的佢又係咁, 病人食的佢又係咁, 咩都係咁, 根本為左$$就咩都唔理,  咩人o黎架?!!
	第六樣係Harry Potter~~~!!!等左咁耐終於都有得睇第三集的電影了~~~睇電影之前都係再睇左一次書先, 雖然電影cut
	左好多野, 不過都算精彩 (咁當然同書差好多). 三個小朋友長大左好多, 不過係愈大愈靚仔靚女, 係就係驚佢地大過
	頭, 不過如果真係換人拍的話又會覺得唔連貫, 而且都係先入為主, 我已經覺得亞哈利仔係咁ｏ既野樣的了, 就算係睇
	書ｏ個陣我都係諗住亞Daniel= 哈利仔的了,　所以都好難接受另一個哈利或者Ronald 又或者係Hermione
	期待DVD
	第七樣係好激氣的, 就係我咁耐都係未睇過百事可樂ｏ個新廣告!!!激死!!!聽聞已經出左２段了~!
	新的生活令我想起生日, 生日令我想起生日蛋糕, 我鍾意食藍莓蛋糕, 而個蛋糕係好似個background 咁ｏ既色的
	所以最後有個咁ｏ既結論, 用呢隻色可以代表新生活的開始~
	Good Try and Good Start