| Date | What's Up? |
| 17/10/2004 | 要轉background color, 因為有唔好的事發生左.... |
| 在忙碌的時候, 原來真的可以對於四周的其他事都完全不察覺, 連我咁8掛都可以唔知, 亦可能大家都唔想提 | |
| 在這個星期初, 有一宗交通意外, 意外是在屯門公路發生的, 有可能是私家車失控的關係, 私家車撞倒了路邊的防 | |
| 撞攔, 司機入院後大概一天, 傷重不治. | |
| 不幸的是, 那位司機, 就是於Haking 任教的一位講師 | |
| 對於呢件事, 我真的可以不知道(由事件發生至他入了醫院), 事後亦奇怪為何無人同我講過.....對於自己對四周事情 | |
| 的漠不關心, 真的有點兒慚愧 | |
| 知道事情發生了的一刻, 我還可以同同事們講不要擔心, 會無事o既, 誰知原來是傷得這麼嚴重 | |
| 早陣子才撞見過他, 也真的不知發生了什麼事, 事情就在這麼短的時間內發生了, 而且還留下了一個難忘的結果 | |
| 和那位講師同一個部門的其他老師, 一直都保持住平時的心情去上課, 真的令我敬佩, 學生們比我們想像的勇敢 | |
| 一切已成定局, 只願大家能儘快回復心情 | |
| 星期五那天我第一次真正的感到車厘子的無理and 發顛情況 | |
| 咩都係佢講o既, 唔好真係以為自己係EOI先得架!夠了!就算係EOI都係咁話啦, 都唔 make sense o既!就係因為你 | |
| 一個無理的要求and 前言不對後語的說話, 你知唔知大家係做得幾辛苦呀?? | |
| 你又知唔知一個人頂三個人的那位仁兄是如何的大壓力呀??多野做唔緊要, 但係如果多野做之餘, 仲要做埋一d做左 | |
| 都無用的野時(仲要話係urgent wor), 比係你你都唔like, 有無聽過"己所不欲, 勿施於人"呀! | |
| 真係好忟, 多野做都算了, 有d賤人就偏偏係都要在你至忙o個陣先o黎challenge你.: | |
| 1. "亞Chloe呀, Operator 放左假, 你可唔可以出去頂一頂呀??" "唔得wor, 我有野趕緊呀" "ha?!又唔得呀" | |
| wa~~~~~~~~~~咩事呀, 我無responsibility去頂佢個位架, 個roster無我個名架, 我係明文講明唔使頂佢個位架, 而 | |
| 且我都無話唔肯呀, 不過真係有野趕緊wor! | |
| 2. Cir 左一份memo 比我, 但係o個份野已經係第二次cir 比我了, 於是去問Connie媽咩事, | |
| "哦, 因為HQ話呢3單野佢地未收到通知話已經handle左, 所以就要再cir多次" | |
| 於是我就好嬲了, 唔係話嬲亜Connie媽, 因為呢個係佢的duty, 佢係要cir比我的, 但係問題係呢3單野我已經幫我的 | |
| "主子"查曬野, 亦都幫佢做埋 follow up的了, 而佢亦在cir list上面簽左名的了, 咁即係佢係知道自己要做野的了, 但 | |
| 係佢次次都只係單簽名, 其他野佢就唔理了, 由得我去幫佢follow up , 但係今次真係唔得佢死, 一o黎o個3單野已 | |
| 經係8月的事了, 要我再去追查真係要時間(但係我個tray 已經又超越水平線了!), 而且呢d係我主子自己要做的事, 根 | |
| 本就係佢自己做野發夢!!! | |
| 起初我都以為真係d死人學生未交番o黎, 所以先令"主子"做唔到野, 點知經過我的明查暗訪之後, 原來有關人事都 | |
| 已經將所欠的野都交回"主子"了, 於是我的怒氣就更加勁了, 有咩可能人地交番d野比你, 你唔知架?!你仲要係 | |
| 無check 清楚就收左人地d cheque, 仲入埋tim!!入完之後都仲未知o個個人點解會交 cheque 比你!!!大家話佢係唔係 | |
| 發緊夢呀?! | |
| 真係好鬼死忟, 一O黎我已經幫你做曬野, 你之不過係要在入cheque 時send 番張memo上HQ je, 我無權send ja, 如果 | |
| 唔係我都send 埋啦!!! 二O黎好明顯你根本就無睇過d memo 啦, 咁你只簽名就算呀?跟住就諗住我會做了, 唔 | |
| 係話唔肯幫呀(都做左咁多次啦), 但係真係好過份呀!我地就做到死, 你就坐o係度發夢, 望住個電腦desktop過 | |
| 日子, 都仲要我幫你做野, 幫你執手尾, 你邊位呀, COII ja!!! 日日都超準時 5:30:00 (真係一秘都不會多)就可以走得出 | |
| CS 門口了,咁好明顯你係由5:20分就開始等收工的人啦, 明知自己係超準時走的, 咁你就唔好約d missy 5:30 o黎揾你 | |
| 啦, 好了, 你自己走左, 又唔講低, 於是missy o黎度未又係我地幫你整lor!!! VTC比你個萬幾蚊就真係做善事了! | |
| 真係想講粗口!!! | |
| 3. 在我忙到水都未飲的時候, 亞太走埋o黎問: 亞Chloe 你整緊咩呀??整緊証書呀?? | |
| "唔係, 埋緊條數呀, 亞EO要條數" | |
| "啊~我就係見你整到張枱咁亂......." 跟住邊講邊行開 | |
| 頂!!! 咩事呀, 我以家係唔係話要用埋你張枱呀!!! 犯到你呀! 我張枱亂關你乜叉事呀!!! 我又唔係話特登整到咁, | |
| 又唔係話收工唔執番, 你做咩無啦啦咁樣話我呀!!! 仲要係專登走過o黎, 講左呢句野就死番埋位了!!頂!!!! | |
| 心心不憤的Cold Cold真係好想好想好想走去整亂佢張枱!!!! | |
| 係, 我有時張枱係亂, 但係你係唔係真係無聊到咁, 明知我做到死, 而且都做到忟了, 都要走過o黎咁樣話我, 你係我 | |
| 亞Head, 你話我唔緊要, 但係都要睇下情況架, 而且我覺得我係因為整緊野所以先亂, 係acceptable 的!! | |
| 呢個VTC真係太多呢d無聊縮骨人了!!! | |
| 我都覺得自己d EQ唔係太得, 但係, 我已經盡曬力了....唉~~~ | |
| 真係想打人呀!!我以為無左亞里, 就會無人比我打, 但係亞Kwai 哥仔一時口快講左句: 比你打啦, 真係令我有打佢的 | |
| 衝動呀!!!當然, 我都唔係咁無理o既~~都係揾個熟 d o既...... | |
| 10/10/04 | 雙十節, 但沒有什麼的意思, 只是一個比平日特別少少的一個日子...... |
| 這個星期真的過得好快, 都唔知自己做過d咩, 咁就一個week了 | |
| 剛過去的星期五, 公司又有pub了, 今次無曬d大粒, 真係free d, 雖然要自己比$$, 不過都飲得好開心, 大家講下講下咁 | |
| 就3粒鐘了, 不過下次都係唔好飲某d飲品了, 驚驚... | |
| 講起pub, 真係有d唏噓, 還記得上幾次的pub都有HoD叫我地去, 而且仲有人請(仲有$$剩可以去埋唱k tim), 但係而家 | |
| 那位HoD已經VR走了, 唔係話貪有人請食野, 之不過我認為真係好難得可以有一個HoD會同我地玩得咁埋, 仲可以 | |
| 同我地一齊顛.....而且亦教了我不少野, 雖然係長氣(教書的嘛~)又係黑洞, 不過他真的沒有架子, 仲記得有一次佢竟 | |
| 然打o黎約我地去pub, 仲有一次走o黎問我地食唔食榴槤 (-_-!! 真係唔使做咩.....), 仲有, 邀請我地去佢的"別墅"玩, | |
| 但係......轉眼就到左佢要走的日子了.....唉~~~ | |
| 另一位VR走的人, 又係HoD, 是女的, 不過她做事爽快, 為人率直, 有幽默感, 不會只是跟隨著上司的命令, 又沒有 | |
| 架子. 雖然都知她一直都不是太滿意自己的工作, 因為四周的人都只是一些"亞P英明"的同事, 但係自己就偏偏對亞 | |
| P的做事手法不太接受, 那又為何要令自己辛苦呢??雖然和這位HoD的交情不是太多, 但我都很喜歡她, 因為她想想 | |
| 都掛著笑容, 總是從容不迫的和你說話....她負責的dept 的同事都好喜歡他們的這位HoD, 因為自由度大 | |
| 在pub 的同一晚是VR 的farewell party, 我需沒有出席 (個個都係大粒, 而且又貴wor......), 但係都忙了2天, 先為他們 | |
| 設計banner, 再來是每人的一張咭, 包禮物, 預備遊戲, 真係估唔到都要整到咁認真.....哈~~ | |
| 同事說: 個個都VR了, 幾時到我?? | |
| 這句說話在公司間唔中都會出現一二次, 他們真的好似對現狀十分不滿, 又感到好大的壓力, 我不知道他們的壓力 | |
| 從何而來, 也不知會唔會真的有另一次的VR, 或者到時他們是不是真的會參加, 但我只想大家都可以做得開開心心 | |
| 留低的人雖然可能會更加辛苦, 但係並不是至辛苦的人 | |
| 3/10/04 | 嘩~~又懶左2個幾月無update hp 了, 真係扺打....... |
| 上次update是7 月尾, 是多事之秋的開始..... | |
| 新生活就係咁過左成2個多月了, 都可以話係完全習慣了, 甚至係已經開始當係"屋企"了, 只係對於要我打掃這一點, | |
| 還是不能接受, 因為我真係好懶 ~~ yeah~ | |
| 工作方面真係由7月開始忙到9月中, 番早番晏番早番晏的日子就係咁樣過左, 雖然忙, 雖然有勞氣的時候, 不過總 | |
| 的來說還可算是一個不錯的暑假 ^-^ | |
| 要在此謝過艾美姐, 如果唔係佢幫我計埋, 我諗我都唔會真係走去考, 唔理結果係點, 總算係一個好的嘗試. 謝~ | |
| 無風無浪就到左last step了, 希望可以順順利利過埋佢, 咁就可以暫時鬆一口氣了~快d到15號啦~ | |
| 友人發生了一件大事, 經過此事後, 真的希望佢可以將此人看清楚, 而且也是時候改改自己的一些壞習慣了, | |
| 不過以現在的情況來看, 真的不是太樂觀了....唉~什麼經一事, 長一智, 都是騙人的~ | |
| 亞里的上海學生生活開始了, 儘管當初的關係是如何, 我真的不甘這樣的無聲行動...........似陌路人多於朋友 | |
| 原來發生了這麼多的事我也是一無所知, 我並不認為自己可以解決了所有問題, 但同時, 我想任何人也不會因為自 | |
| 覺得自己的朋友可以幫自己解決到問題所以才會同朋友講出自己的問題 | |
| 點都好, 既然已經開始左, 就只想亞里真的可以開開心心的享受期望已久的生活, 其他的事情就等回來後才解 | |
| 決罷 | |
| 亞里上海生活帶給我的第一個得著是: 一餐豐富的晚飯, 不是亞里請的, 而是亞里的媽媽親手烹調的一頓飯, 真的 | |
| 是食得我要捧著肚走, 另外還要謝過艾美姐同埋艾廸哥的月餅, 老人家雖然食不下那麼多, 但係她真的好開心 | |
| 第二, 知道了另一友人的事, 感到震驚, 但又慚愧 | |
| 原來, 我真係好幸福 | |
| 原來, 我對我的朋友仲未夠好 | |
| 一直以來都好似同大家都無咩深交......唔係話唔關心大家, 只係................唔識講................ | |
| 我開始睇到宗教信仰的影響力 | |
| 那天, 舊同學致電給我, 我又miss call, 但心裡好衰咁諗:唔慌好野啦~到下次在ICQ 遇見, 她告訴了我事情的大慨, | |
| 那一刻我又會想, 雖然你都係衰架啦, 有事先o黎揾我, 但係我同時又好後悔當日miss左佢個call........ | |
| 人就係咁衰, 係都要等到事情發生左之後先o黎後悔..... | |
| 希望這位友人真的可以看得開, 放得開, 不過, 我也不得不說句佩服, 你真的算是冷靜了~~cheer up~ | |
| 有誰可以告訴我點樣先可以對朋友再好d呢??我始終都覺得未夠 | |
| 周杰倫的演唱會, 好期待呀~~~~!!!! 雖然都有d失望, 不過都好過無得睇啦~~ | |
| 電視廣告仲未睇得曬, 不過我想話巴士o個d燈箱廣告好靚呀~~~好鍾意呀~~~ | |
| 天氣轉涼了, 希望不是只是這幾天才這樣吧 | |
| 十一黃金週, 真係好多國內人士到港, 我點知?? | |
| 我家附近有一間凱逸酒店, 是我搭叮叮番屋企時必經的, 那晚, 我被那情境吸引了: | |
| 寧靜的天水圍竟迫滿了旅遊車, 一隊隊的遊客就站在酒店大堂及迫車處, 真的是人頭湧湧, 好不熱鬧 | |
| 今早無意的在明珠台看了一個講中國近代歷史的節目( 其實係OU的programme 來的), 有一句說話: | |
| 中國人擅於創造標語, 但標語的背後是殘酷的 | |
| 咁....真係唔知高興定......... | |
| 最近至愛亞Jay 的園遊會, 超正~~ | |