| Date | What's Up |
| 28/2/2005 | 好明顯.....2005年....我係懶左的.....竟然2月先寫第一次的diary.......唔好的開始 |
| 2004年真係過得好快, 好的事比唔好的事多, 因為人是向前的, 是樂觀的, 只是唔開心的事太過難忘罷了 | |
| 2004年讀番書, 雖然唔係話d咩degree, 不過真係過得充實左, 其實....都玩夠啦, 再讀番書的感覺好好, 雖然有時都會心 | |
| 郁郁唔想番學, 亦有走堂的時候, 不過所學的野都幾有用, 同學仔雖然好似好大個, 但係都幾好呀~~ | |
| 仲有就係搬左出o黎住, 雖然唔係同屋企隔左好遠, 但係真係開始感受到做亞媽的辛苦, 而家又要執屋, 又要自己買雜 | |
| 貨, 又要洗衫, 又要自己煮野食, 至慘係要同亞哥一齊住, 受佢的氣, 有時真係好忟, 但係亦有free的時間~~enjoy~ | |
| 第一次做staff report, 得出一個令人滿意的成績, 工作上儘管如何, 都會有令人氣餒時候, 在這時, 只要諗"都係番工je!!", | |
| 我就會安慰一點, 在激氣的時候, 我就會說: 到我真係走o個陣你就知!! 在我開心的時候, 我唔介意買野番o黎請大家 | |
| 食. 什麼都好, 工作就是工作, 絶不能因為它而影響了自己的其他生活, 更不能因為它而影響自己的精神, 這些就是 | |
| 我所得到的工作態度, 不是消極, 只是對自己好, 工作做妥就心安理得了 | |
| 不過在此都要多謝我的一班好同事: 多謝艾美姐的一切指教(真係好多), 多謝珊嬋的體諒, 多謝文廸的照顧, 多謝 | |
| connie媽的寵愛, 多謝miumiu的開解, 多謝stella的關心, 多謝葵哥仔, 多謝瘦麥, 多謝亞ken, 多謝亞琼, 多謝si sir, 多謝 | |
| s s tang, 仲有其他的亞sir, 無論佢地做的事係好係壞, 對我如何都好, 都多得佢地比左機會同經驗我, 知道高層即將有 | |
| 變, 希望各位haking的同事都能繼續克己競人 | |
| 外公離世..............說真的, 不是大家想像中那麼傷心, 因為畢竟不是一起住, 公公是住在大陸的, 真的一年都未必 | |
| 見得一次, 就是因為住在鄉間, 所以令我看到了平時在香港不能看見的事. 鄉間的習俗有時還真令人累, 由於公公是 | |
| 全村最大年紀的一位, 所以很多的人都會來幫手, 亦沾其長命的福氣, 就是這樣的看著他們在走來走去, 忙東忙西, | |
| 又間中說說以前的事, 又哭又笑, 但最令我震撼的是由於鄉村內沒有什麼殯儀館的東西, 所以他們就是那樣的把公 | |
| 公放在廳的中間, 第一眼看見這種情景的我真的目定口呆, 但過了幾分鐘後就無事了, 因為亞媽的激動已令我從震 | |
| 驚中驚醒了 | |
| 一直以來, 媽都是如此的tough, 由細到大都未見過佢因為掛念父母而哭, 只是從她的說話中知道她是特別庝公公, | |
| 但是回鄉的一路上我都無諗過她的感受, 因為她都是在強忍住她的傷心, 但當她回到去, 親眼見到自己的父親就 | |
| 躺在大廳中間時, 她真的哭得好利害.....而那刻, 我也哭了, 不知是真的因為公公, 還是因為母親, 總之那是我第一次 | |
| 因為這件事而哭 | |
| 整個喪事令我感受到鄉村人的和睦, 他們的齊心, 大家都為了我的公公出了一分力, 因為係笑喪, 所以整條村成晚 | |
| 打牌, 聊天, 食糖, 食野, 你能想像到那個情境嗎??是整條村啊~~~ | |
| 不快的事3天就完事, 母親又重新振作 | |
| 2004年, 我和摯友們聚在一起的時間多了, 原因有以下幾個: | |
| 1. Alison去了上海交流半年, 我們負起探伯母的責任, 中秋啦, 聖誕啦, 新年啦, 平時星期日啦, 大家都會去探伯母, 伯 | |
| 母會煮好多野食比我地食, 會同地一齊傾偈, 一齊玩, 最近的一次真的好好好好好開心, 好好好攪笑 | |
| 早陣子和Alison大吵了一頓之後, 我諗過一個問題, 點解我同佢次次都會嘈, 係佢問題定我問題.....到最後, 我有答案... | |
| 但係, 對於伯母, 我不存芥蒂 | |
| 2. 一起製作香皂作銷售(只限作路邊小販的販賣, 哈哈~~), 未試過大家一齊做一樣野, 係真係一件事wor, 我諗自從學 | |
| 校一齊做project之後都未試過了, 大家好認真, 有曬planning, 有meeting, 有agenda, 有minutes, 有evaluation, 一齊整, | |
| 一齊包, 一齊賣, 真係好好好好好好開心, 好難忘, 2004年的christmas 同埋大除夕都好難忘, 我在此多謝各位摯友 | |
| 3. Lingling的回歸令人齊的機會大大增加, 而且由於她的工作關係, 令大家見面的機會多了, welcome back~ | |
| 4. 多了聚腳點, 亞牛已經畢業, 不再住宿舍, 又近左大家了, 又多了Coldcold同埋熊哥的也方, free~~~~~~~ | |
| 2004最大的一件悲劇是南亞海嘯, 都不知應該用咩字去形容, 死傷無數?慘不忍睹?所有的字都用不著, 因為好好運的, | |
| 香港人住在福地上, 能夠以協助者的身份去看這件事, 身不能同感受. | |
| 所以...都係o個句, 自己係好幸福的了~ | |
| 2005年過了2個月, 暫時無咩特別的事, 不過平凡就是福 | |
| 終於等到古巨基開演唱會了, 同亞熊哥由十二月講到一月, 以為一定買到飛, 點知...........唉~~ | |
| 好在, 皇天不負有心人, 終於都買到最後o個場的飛了, 雖然係日場, 但係, 可以睇到自己等左咁耐的演唱會, 真係太 | |
| 感動了~~~~~~~~~~~~~~~~~~~~~~~~~~~~~~~~~~好期待~~~~~ | |
| 你有幾耐無買過cd呀??我就真係好好好耐了, 但係我買左古巨基, 哈~~ | |
| 2月係我至喜愛的月份, 因為佢夠短, 因為佢多假期節日, 而且係我生日的月份, 同埋, 我覺得佢係一個好温馨的月份 | |
| 今年農曆年比以往的簡單, 因為麻麻去了姑媽屋企過年, 所以可以去少一個地方了, yeah~~~ | |
| 仲有, 放了一個好長的假期, 令人懶~~~~~~ | |
| 放假之前已經食左一個生日蛋糕, 係由同事買的, 多謝多謝~~~~仲收了一份生日禮物, 多謝亞sir~~~ | |
| 農曆年後要準備考試, 但係完全無考試應有的心情, 一個字: 懶!!! 所以, 最後考試都係得一個字形容: 差!!! | |
| 生日飯食左3次了, 多謝同事們, SanSan, Jason哥, Yuki姐, Tyler兄, 亞時同埋 Karen, 仲有ShanShan, 多謝各位同 | |
| ColdCold慶生日, 仲送禮物比ColdCold, 衷心的謝過各位, especially SanSan and ShanShan, 十萬個多謝~~ | |
| ColdCold係一個情緒化, 成日都無啦啦發脾氣, 又忟, 又唔靚, 又唔叻, 又唔細心, 又唔温柔, 又唔成熟的女仔, 對朋友 | |
| 亦唔係特別好, 至少我好少主動揾朋友, 但係大家就偏偏對我咁好, 我好慚愧好慚愧好慚愧好慚愧, 亦好唔明, | |
| 我成日要人地為我擔心, 幫我解決問題, 但係相反我幫唔到我的朋友..........總之.......好內疚............ | |
| 多謝各位好朋友, 所以我話....2月係我至愛的月份, 而且係至温馨的月份 | |
| 開始 Grandeur de D major | |