| Date | What's Up |
| 13/3/2005 | 3月了 |
| 3月仲有生日飯食, 真係開心, 多謝各位摯友, "路邊餐廳"真係正呀~~!!!仲有電視睇添, heehee, 多謝你們的禮物, 雖 | |
| 然唔知係邊個諗的, 不過真的謝謝 | |
| 昨天董特首真正的辭職了, 香港又進入了一個新的階段, 不知是好還是壞, 但郤是一個新的機會, 只看人們如何把握 | |
| 今天是一個我期待已久的日子, 真的是滿心期待, 心情緊張, 昨晚都訓得不好呢, 因為.....因為....因為....因為 | |
| 13/3的下午二時, 終於都有得看古巨基的演唱會了~~~~~~~~~~~~~~~~~ | |
| 這是今次演唱會的最後一場, 不過是日場, 但仍未能減低入場的人數, 都是全場爆滿 | |
| 吸取了上場周杰倫演唱會遲入場的經驗, 今次早了入場, 但不幸的是他遲了開場 | |
| 2:15 pm, 開始了, 大家不停的揮捧, 基仔坐著機械人的控制座位出場, 全場歡呼~~~ | |
| 一直不停的拍"捧", 不停的唱, 不停的笑, 好快的就唱完了, encore了2次, 大家都不捨的離開 | |
| 之前的想法是, 基仔唱現場麻麻, 成日都走音, 所以有諗過睇200就算, 但係今次真的令我本人另眼相看, 他不單只無 | |
| 走音, 而且仲無喊, 又好好氣, 把聲真係好響, 好清, 好好聽, 唱每首歌都唱得好好, 跳舞亦無甩手, 以第一次開演唱會 | |
| 來說, 最後睇400的我會比80分, o個20分係扣在: | |
| 1. 揾左楊千嬅做嘉賓 | |
| 2. 唱左楊千嬅的歌 (-_-!!) | |
| 3. 唱左至叻小人類(真係好唔鐘意呢首歌, 真係好唔得呀!!!) | |
| 4. 佢只係走過o黎我地o個邊一次咁大把!!!!!! | |
| 5. encore竟然又係唱愛與誠!!!!!!! | |
| 不過都不失為一個好睇的演唱會, 有靚衫, 有好歌, 有氣氛, 有靚景, 有煙花, 有古巨基!!!!!!!!!!值回票價!!! | |
| 老實的說, 基仔今場雖然無喊, 但我郤是有喊的衝動, 他要說的話一早已在報紙上知道了, 但當你親耳聽見時, 郤仍然 | |
| 感動: | |
| 中學時身邊的同學都是喜歡四大天王, 但我郤是十分喜歡古巨基, 你們知嗎, 那時只要提起古巨基, 我便會笑, 同學們 | |
| 說我的那種笑是由心的笑, 坦白的, 那真的是真心的, 我喜歡他的歌, 喜歡他的聲線, 喜歡他的傻(或是真吧) | |
| 雖然他當時不是一位紅歌手, 但我都不會因覺得老土而不告訴別人我喜歡他, 基本上我諗同我有幾句的同學仔都會 | |
| 知我的偶像是誰, 我還記得他們在我的紀念冊中說我老是說著 " 嘩~古巨基呀!!!", 然後就是一個笑容 | |
| 古巨基是我喜歡了好久的歌手, 他的歌和我一起成長(那當然不是由小學就開始聽那種啦), 由於他的歌可以令我回想 | |
| 以前, 所以對佢的喜愛又加深了好多好多 | |
| 細細個(未搬去天水圍時)睇娛樂新聞眼, 對o個個有黑眼圈, 講野o個陣個口好得意的大哥哥留有印象, 仲o係屯門市廣 | |
| 場見過佢做訪問tim | |
| 96年第一次接觸古巨基的CD, 亞哥問同學借了"第二最愛"的cd回來, 一聽之下真係難忘, 於是屈亞哥買左隻比我 | |
| 就係咁, 佢早期的作品我都有幸聽過^^ | |
| 不記得中三還是中四, 開始同d同學仔去唱K, 好喜歡點"其實我...我...我", 一到呢首歌, 大家就會轉去伴唱, 在那間K房 | |
| 內大家靜曬咁聽古巨基唱呢首歌, 呢首歌的第一句係清唱的, 所以好好聽架, 一聽到第一句, 大家就會話"唱得好好聽 | |
| 呀!"仲記得個MTV係好似我的驕傲咁, o係d花草叢中拍架~~~ | |
| 後來另外一個亞哥將隻第二最愛的cd借左比人之後一去無回頭, 我記得我係有嬲亞哥架, 不過唔記得嬲左幾耐 | |
| 後來在Yr. 1認識左Gary Chan, 佢同我一樣鍾意古巨基, 仲一齊揾呢隻碟, 但係講極佢都唔知我想揾邊隻-_-'' | |
| 好好彩在Yr. 1時, 收到作為生日禮物的呢隻碟, 好開心呀~~ | |
|
"從前情人好嗎 現在幸福嗎 還生起嗎 誰人何時替我 給你一個家 從前情人還好嗎 尚獨身嗎 還想我嗎 無緣成為最愛 卻又很牽掛" -- 第二最愛 |
|
| (唔講唔知, 呢首歌雖然好耐之前, 但係已經係Wyman填詞啦~~) | |
| 到左"完美的一天", 記得第一次聽係聽收音機的, 聽到o個一刻覺得好warm, 個MTV係基仔玩旋轉木馬 | |
| 幾warm都好, 都係hit唔起 | |
| 97年會考之後好懶的我無做暑期工, 仲記得o個陣上"求戀期", 基仔o個首"歡樂今宵" hit到不得了, 就在一天的下午, | |
| 我就和我的朋友去左屯門o個間巴倫度睇左呢套戲, 係第一次睇古巨基的電影, 之後都有睇過佢同楊采妮o個套....唔記 | |
| 得個名, 同埋同舒淇o個套"天旋地戀" | |
| 唔知係好彩定唔好彩, 考到原校中六, 預科了 | |
| 那時是冬天, 有一日, 我好記得自己是病左所以訓左(被窩郤是好暖), 電話響了, 爬出來聽電話, 是二哥打回來的, | |
| 仲記得他問我: 你而家出去我間房見唔見張枱度有隻cd呀?? 於是我爬出去睇下, 嘩~~~係古巨基的第一隻國語碟呀!!!! | |
| 忘了時間的鐘呀!!!!!!! 他說: 你開o黎聽啦~我都係買比你架啦 | |
| 收線後, 二話不說開來聽.......他的國語 (又或者係我的國語程度)不允許我唔睇歌詞都可以聽到佢唱咩, 於是好有心咁 | |
| 對住歌詞來聽了一次, 然後較了repeat mode, 又爬回床了, 好開心可以有佢的第一隻國語碟, 好聽!!!多謝亞哥~~~ | |
| o個陣時基仔成日都戴帽, 比人話佢甩頭髮, 哈哈, 但係我好鍾意佢呢隻碟入面d相, 好得意呀佢~~~ | |
|
|
|
| 中六的自由生活令人享受, 那時放學後都不會回家, 因為我們2班預科班的班房都比較特別, 令我們有特別多的自由, | |
| 我們lunch time常常留在課室睡覺, 食lunch, 打機, 睇報紙, 漫畫, 全都是學校唔比做的野, 那時我至喜愛放學留在課室 | |
| 同同學傾偈, 記得有一日帶左Discman番去聽古巨基新出的"愛與夢飛行", 拉住"花花"一齊聽, o個陣覺得佢唱愛與夢飛 | |
| 行唱到好似唱比小朋友聽咁架, 好warm 好sweet, 估唔到花花都覺得, 仲一邊聽一邊笑tim, 直至而家, 我最鍾意的基仔 | |
| 廣東碟就係呢一隻 | |
|
"容這夜晚 少兩個孤單 營造甜又苦浪漫 你要哭 我聽你痛哭 只須哭聲中再現歡顏 容這夜晚 少兩個孤單 投入甜又苦浪漫 我要哭 你聽我痛哭 只須哭聲中散盡憂煩 " -- 苦浪漫 |
|
| 至愛便是苦浪漫, 但今次演唱會完全無唱過呢隻碟的歌!!!!當時我仲有呢隻碟的poster呀, 不過呢張poster係oversize的 | |
| 中六暑假, 番完通宵更回來的家姐為我帶來了古巨基的第二隻國語碟 - 路邊攤, 無錯, 又係出國語碟!仲要係無人知佢 | |
| 出左呢隻國語碟, 至少我就真係唔知了, 所以家姐帶番來時, 真的是有點驚喜, 雖然無咩宣傳, 但係這是一隻真的很不 | |
| 錯的專輯, 而他的國語也進步了, 但那時有想過會否以後都只可以聽佢的國語歌 | |
|
"喜歡你這樣子 沒有太多掩飾 直接數落我的不是 你說話的方式 溫柔帶點固執"--日記 |
|
| 之後又再收到二哥送來的"Be My Valentine", 仲隨碟附送一張日本火車票和Red Wing手帶一條, 手帶比左亞哥, 但係張 | |
| 車票.....唔記得左去左邊.....碟入面的"有你一天"是U-point信用咭的廣告歌, 個mv係去巴西拍架, 我個friend仲真係申請 | |
| 左U-point tim | |
| 中七study leave時, 一心打定輸數的我, 開始左一邊温書一邊聽歌的習慣, 直至現在, 那時就是聽基仔的"Leo Ku 古巨 | |
| 基", 仲記得呢隻碟係楊采妮幫佢做形象指導的...............但係都係..........man 唔起, 但我的至愛基仔國語歌郤是在這隻 | |
| 碟內的,就是"嗜好"了, sweet 到呢~~~仲有同GiGi合唱, 都幾hit的合唱歌"許願" | |
|
"我的嗜好就是看你撒嬌 你想要的我都盡量做得到 有多費力勞心都不重要 心里全都是幸福的味道" -- 嗜好 |
|
| 後來去左IVE(KC)讀書, 識左菲的, 犀利亞, 亞比, 同埋其他得意攪笑的同學仔, ColdCold呢個名就係呢一年有架, | |
| 仲記得初開學的有一日, 我和初相識的菲的企在走廊等入lab上堂時, 大家一齊研究的不是什麼功課, 而是當時新出的 | |
| 基仔大碟"天氣會變", o個隻碟個包裝真係好大架, 個cover仲可以拉出o黎架, 成個package就好似係一本記事本咁, 入 | |
| 面仲有幾張基仔的snapshot. 就係咁就同菲的傾埋, 上堂o個陣仲一齊search 基仔的相睇tim ^^ | |
| 仲有一樣得意野, Yr. 1有一位同學叫44, 有一日下午(那天是假期), 44致電給我, 通知我有線重播緊古巨基的"求戀期", | |
| o個陣收左線之後覺得好攪笑, 點解我d同學咁無聊架!! | |
| 天氣會變之後就係國語碟"尋寶", 老實說, 這也是一隻不錯的專輯, 當時上BBS, d人都話基仔的國語碟比廣東碟出色, | |
| 因為比較多變化, 直到現在, 我仍然贊成!!呢隻碟而家都唔知去左邊了, 只記得借左比同學仔Captain (有無記錯佢個名 | |
| 呢??), 好辛苦咁叫佢還碟, 仲好記得佢還碟o個陣係在樓梯掟比我的, 跟住就借左比亞比, 之後就唔知去左邊了, 所以 | |
| 都想買番架~~ | |
| 題外話, 後來有一次在hoiyee屋企聽番呢隻碟的"夜空的精靈"時, 突然覺得好"周杰倫", 點知上網一search, 作曲:周杰 | |
| 倫, 填詞:方文山~~~嘩~~~原來我2個偶像之間是有關連架!!!! | |
| Yr.1 升Yr. 2的暑假, o個陣都仲未派成績表, 所以都未知自己係升dip 定係HD, 暑假去左小童群益會做, 好得意的工作, | |
| 而且可以話係正式的第一份工作, 估唔到的係d小朋友真係咁鍾意跟住你, 你去邊佢去邊, 仲記得o係o個度撞到中學的 | |
| 一位亞sir, 仲有d師弟師妹, 我d朋友仔仲o黎探我班添呀~~o個陣聽的係"跳飛機", 呢隻碟係亞Jan設計封面架~我仲有張 | |
| poster貼在亞哥房門口添呀~~而買cd的行動亦由呢隻碟開始停左了 | |
| Yr. 2了, 升左去IVE(ST)讀HD, 真係停左無聽古巨基, 因為忙左, 而且開始聽周杰倫, 對於基仔的"New Pattern"大碟, | |
| sorry, 真係只聽過一次, 仲要係問人借番o黎聽, 除左覺得悶之外, 至大的原因係佢個cover, 好唔得呀!!!所以.....咁多隻 | |
| 碟, 我至唔鍾意呢隻,除左至叻小人類之外, 我至唔鍾意的就係"神蹟" =_= | |
| o個陣巴士開始有得聽叱吒903, 有一日放學搭巴士番屋企, 聽到有首歌好得意, 又幾好聽, 但係就聽唔出係邊個唱...... | |
| 聽多幾次之後, 終於都知道原來係基仔的"幸運鈴聲", 都唔知自己點解會聽唔出係佢唱.....有d內疚 | |
| Yr. 2的生活比Yr. 1的辛苦, 要做project, project 的 team member唔係個個都咁helpful, 又或者根本就唔盡責, 令人好勞 | |
| 氣, 還記得當時晚上播緊基仔主演的電視劇"情深深雨濛濛", 雖然老土, 節奏好慢, 但係我都有睇架, o個陣大家都好 | |
| 鍾意o個首"好想好想", 我仲記得我個 team member 問我係唔係晚晚都對住個電視睇古巨基 -_-!! | |
| 好快到左Yr. 3, 基仔都無再出碟了, 只係出精選碟, 或者間中有消息話佢在大陸有幾紅, 雖然都替他高興, 但我聽的郤 | |
| 是Jay, 不過仍撐基仔, 等基仔出唱片....唉~~ | |
| 畢業了~~~出來工作一年多後, 基仔亦回歸香港, "必殺技"一出, 真係連我都嚇一嚇~~個feel完全唔同ge?!以前基仔的 | |
| 歌比較一貫, 是比較接近民謠的歌, 聽來好輕快, 但這首郤是K歌, 不能說不好, 只是轉變好大, 睇埋個人, 真係唔同曬, | |
| 多了好多的時代感, 總之就係另人刮目相看. "遊戲-基"是一隻主題大碟, 主題用左基仔的至愛 - 遊戲機, 主題幾得意, | |
| 而且好容易吸引人, 結果呢隻碟令基仔人氣急升, 賣個滿堂紅, 在叱吒頒獎禮上得到大獎, 那時除了基仔在哭之外, 剛 | |
| 看完Jay concert回家, 看錄播的我也流淚了, 那時郤擔心"來得快, 無得仲快" | |
| 終於到基仔開拉濶了, 問左亞哥, 朋友, 仲有同事, 都無人可以換到入場卷, 好好好好好好好失望, 後來上網見到d人話 | |
| 佢唱得麻麻, 心想: 佢不嬲唱live都唔得架啦! 於是連買VCD的衝動都無, 後來問人借來看.....都係不外如是..... | |
| 未夠一年之後, 通街都聽到"愛與誠", 感受到基仔的受歡迎程度, 有邊個未聽過呢首歌呀?!雖然我比較喜愛"大雄", 但 | |
| 係都樂於接受"愛與誠", 仲記得愛與誠的漫畫, 每一本都好厚, 雖然故事有d暴力, 但都係一個好的故事(我並不是因這 | |
| 首歌所以才看這漫畫的, 好耐之前已經看了), 結果基仔取得大獎, 哭成淚人, 我依然流淚 | |
| 由於Jay and 基仔, 同事們現在見到有佢地做封面的八卦雜誌都會買比我睇架~~!亦由於Jay and基仔, 令我同熊哥仔熟 | |
| 落, 一齊講Jay, 一齊去睇古巨基^^ | |
| 我的同事成日都用呢句說話來笑我和基仔: 我真係好鍾意唱歌架 | |
| 而我都好鍾意聽佢唱歌, 睇佢個卡通樣, 睇佢真情流露, 只盼他能更上一層樓, 繼續唱他的歌, 而他的歌繼續做我的 | |
| milestone. | |
|
"我 要與你游盡可愛的天下 奉送你叮噹的一堆笑話 你想過容納我 但有點怕 是嗎 認啦 頭上就綁著竹蜻蜓飛過塵世吧 為你獻花 愛嗎 愛啦 日後發奮的我 難令你會有富貴榮華 難令我變了絕代情人 你受嗎" -- 大雄 |
|
