| Date | What's Up |
| 31/4/2005 | 一個月一次的Diary終於o黎了 |
| 4月是一個多體驗, 有啟發性的一個月 | |
| 復活節的假期同同事回大陸玩了三日二夜, 算是一個不錯的假期, 吃喝玩樂樣樣齊, 希望好快有下一次 ^^ | |
| 放假過後是一個工作好忙的時期, 每日都有班開, 又要做admin野, 又要影相, data input, 印咭, 再加埋自己本身要做 | |
| 的事, 再加埋要同d training center的亞sir 聯絡, 又煩又慢, d學生又係煩, 又唔聽人講, 真係想一野打死佢地 >:( | |
| 我諗好多人都會在office hour將手提飛去公司的電話, 而我都有呢個習慣, 但係今次, 我的體驗就完全由呢一點開始 | |
| 在一個星期六的晚上, 好少致電比我的亞牛代亞瑪達同埋熊哥仔邀請我去佢地2個的受浸禮 | |
| 牛: 佢地好想好想好想好想(我都唔記得有幾多個好想了)你可以去 | |
| 我: 但係我聽日下午有事wor, 做咩唔早d揾我呀? | |
| 牛: 因為最近有d事發生左.....所以我先代佢地打比你 | |
| 我: :o 咩事呀?? | |
| 原來熊哥仔的爸爸入左醫院, 情況不樂觀, 可以說生命已於終結的邊緣 | |
| 聽到o個一刻好....好......shocked, 同亞牛講完之後即刻打比亞瑪達, 當時她身在醫院 | |
| 我: 亞牛同我講左了, 我聽日有事呀, 你地而家點呀, 使唔使我地而家o黎呀?? | |
| 亞瑪達: 唔使, 其實我星期五朝早call 過你架 | |
| 我: 吓?!有咩?!我無miss 過你的call wor | |
| 亞瑪達: 係呀, 因為你飛左番公司呀, 不過唔緊要啦 | |
| 我: 吓?! 哎呀~~!!!! 咁...........咁..........而家可以點呀, 佢無野呀??叫佢唔好擔心啦, 無事架! | |
| (一邊話緊自己做咩會無聽電話) | |
| 亞瑪達:你唔使咁擔心wor, 佢無咩事了, 你唔好咁驚啦 | |
| 我: 唔係叫你叫我唔使擔心呀, 係叫佢唔好擔心呀!! | |
| 講左一陣就收左線了, o個陣都已經係深夜了, 但係我真係訓唔到, 個心好唔舒服, 一邊嬲緊自己無聽電話, 一邊又 | |
| 嬲自己咁遲先知, 咩都幫唔手, 另一方面又會諗熊哥仔會點, 因為我覺得平時佢係一個好收埋自己的一個人..... | |
| 同時又嬲自己去唔到佢地的受浸(但係如果唔係有事發生的話我係一定唔會咁諗的), 真係一d support都比唔到, 好 | |
| 唔舒服 :< | |
| 第二日一早起左身, 心諗, 既然去唔到受浸, 不如等佢地受浸完去醫院揾佢地, 順便探世伯, 於是打比亞牛 | |
| 牛: 你而家有時間的話不如你而家去啦, 因為醫生話世伯今日係last day了, 等佢地受浸完之後就會帶埋牧師去醫院 | |
| 我: 吓??咩呀??咩事呀?? | |
| 原來世伯o個陣係靠強心針維持心跳同呼吸的, 而醫生認為唔可以亦無需要再維持下去了, 於是就決定等佢地受浸 | |
| 完之後停針 | |
| 唔知大家有咩感受, 但係o個一刻我係驚, 驚....係因為無諗過有人可以用咁平靜的語氣o個呢d野...但係佢地可以 | |
| 去到醫院canteen揾佢地, 見到熊哥仔時, 講的第一句係: 點呀你? 佢只係搖搖頭......... | |
| 在食緊野時, 我提出要他們2個將那篇為受浸禮而準備的見證給我看, 亞瑪達那篇好舒服, 好坦誠的, 論到熊哥仔了, | |
| 是一篇未完成的見證, 因為無心情準備吧, 其餘的人都是第一次睇他的見證(奇就奇在呢度, 又會無人問佢拎o黎睇.....) | |
| 見證的內容大概係咁: 一開始係亞瑪達帶佢番教會的, 在教會裡佢識左d教友, 感覺充實左, 都最後佢決左志, 佢將呢 | |
| 個決定話左比身邊的教友同埋亞瑪達知, 大家都好開心好高興, 而佢當時的諗法就好似我聽到菲的話我知犀利亞信 | |
| 左教時一樣, 我地2個都唔明白點解會咁開心, 究竟有咩咁值得開心, 點解身邊的人比起當時人更開心 | |
| 佢雖然唔明, 但係都照樣信主, 照番教會, 但係一直都覺得無咩咁特別, 決志未決志lor, 信教就係信教, 甚至受浸, 都 | |
| 無咩特別的興奮, 直到佢爸爸發生左事之後, 佢深深體會到人的力量, 主的帶領, 身邊人的關心等等 | |
| 由於家庭的問題, 佢細細個就係只同爸爸一齊生活, 爸爸一個人辛苦的工作, 一個人負起了家庭的一切, 做的事都是 | |
| 為了他的兒子, 而作為兒子的熊哥仔亦借那篇見證多謝他爸爸的照顧和一切,(看到這我已經好想喊了, 但係都忍住) | |
| 但同時, 他認為自己這一輩子都是欠他爸爸的 | |
| 他的見證就是在這個"欠"字就停了下來了 | |
| 我可以講咩呢??呢篇野可以知曬佢呢一刻的心情, 佢係傷心, 但同時亦在將傷心忍住, 好辛苦吧 | |
| 有幾分鐘說不出話來, 一個男仔可以寫得出呢d野而又可以比你睇的有幾多個, 我諗佢真係當我係朋友, 知道朋友有 | |
| 事, 但係我又可以做d咩呢?? | |
| 第一次見世伯, 世伯是昏迷的, 在床邊和他說話, 我告訴他: 熊哥可能無親口多謝過你, 但係佢在篇見證到話好多謝你, | |
| 好想你可以去睇佢受浸, 不過佢好叻, 佢將自己的情緒同埋其他野處理得好好, 比起我地仲冷靜 | |
| 睇完世伯出o黎, 在出面等緊的熊哥仲反過來問我有無事, 天呀!!!真定假呀!!! | |
| 我: 無事呀, 咁你有無事呀 | |
| 熊: 我梗係無事啦! :) | |
| 我: 真係??!! | |
| 熊: 肯定的點頭 | |
| 真的流淚了, 也不知點解要喊............... | |
| 一齊搭車走, 臨走時將一件衫比番亞熊, 佢用真誠的語調同我講: 唔該曬你, 多謝曬你 | |
| 令我更加內疚............. | |
| 就於當晚, 世伯過生了....... | |
| 再致電亞瑪達 | |
| 亞瑪達: 亞熊好多謝你o黎睇佢呀, 佢話都好開心 | |
| 我: 吓?!開心 | |
| 亞瑪達: 因為佢無咩朋友, 所以你去睇佢佢好開心, 佢唔係一定要我地幫手, 但係支持對佢更加重要 | |
| 過左2日, 佢地2個真係無事了, 心情平復了, 準備身後事, 但係budget有限 | |
| 知唔知我有咩體會呀?? | |
| 1) 宗教的力量是可以好大, 可以是令人積極, 令人平和, 但係同時亦可以令人減去尋找事實的動力 | |
| 2) 在家靠父母, 出外靠朋友 係真的 | |
| 3) 要間中主動找找朋友 (我係無主動揾朋友的習慣的........我要改!!!要多d關心佢地) | |
| 4) 實際 + 支持 = 最好的幫助 | |
| 5) 好多野都不是一定的 | |
| 6) 我真係好好好好好幸福, 但係我有無好好珍惜呢 | |
| 7) 要有儲$$的習慣, 唔係事儈, 而係有$$時, 不單只可以幫自己, 仲可以幫到其他人 | |
| 8) 人, 真的好細好細好細 | |
| 9) 對比起我的朋友, 我算係d咩??一d都經唔起挫折 | |
| 除左呢樣, 另一樣唔開心的事就係由於某d原因, 無得出OT $$, 激死, 等$$使的時候就偏偏無得出, 要等6月....不過算 | |
| 了, 人就係咁細架啦, 天意~~~~!!! | |
| 只願我的好朋友, 好同事, 同埋我自己都可以生活安定, 一齊開開心心 | |