|
 |
'A VECCHIA
'Nnanze 'a porta
doie grare 'e preta cunsumate
e na siggiulella 'e paglia.
'Na fenestella
che figure d'a Madonna,
'o segno 'e 'na fede
ca nun conosce soste.
Assettata
cu nu rusario dint'a mano
ce sta 'na vicchiarella,
sola,
abbandunata d'o stesso sango suoie.
'Na lavarella d'acqua
scorre sotto 'o marciapiede,
quant'acqua ha visto,
che e' passata e senn'e' juta,
senza lascia' traccia.
© Marzo 1989 - Buonocunto Giuseppe
|
|
In memoria di mia nonna, De Vita Adele. |
|
|

|
|
|