Hindi si Mark Herras ang type ni Jennylyn Mercado

TILA wala nang pag-asa pa ang panliligaw ni Mark Herras kay Jennylyn Mercado dahil umamin na ang dalaga na may boyfriend na siya sa katauhan ni Jigs Cristobal na isang miyembro ng Hotguys.
Matagal na rin daw ang relasyon ng dalawa pero inilihim lang sa mga fans para magkaroon ng kilig factor ang tambalang Mark at Jennylyn.

Balitang nag-split nga raw sina Jennylyn at Jigs pero pinabulaanan ito ng dalawa. Ewan nga raw kung saan nanggaling ang tsismis na hiwalay na sila ayon pa raw kay Jennylyn.

Ang totoo ay sumasakay lang si Jennylyn sa kagustuhan ng fans nila pero sa totoo lang ay di type ni Jennylyn ang bata o kasing edad lang niya.

Mas tipo ni Jennylyn ang isang lalaking wala nang gatas sa labi at responsable tulad ni Jigs.

Samantala, very understanding naman daw itong si Jigs sa girlfriend at okay lang kung ma-link si Jennylyn kay Mark dahil alam daw nito na hanggang loveteam lang ang drama ng dalawang Starstruck winners.